group-telegram.com/CabinetBelarus/3058
Last Update:
Дзейнасць Прадстаўніцтва па транзіце ўлады Кабінета ў 2024 годзе
☑️ Міжнародны крымінальны суд пачаў папярэдняе расследаванне беларускай сітуацыі, якая тычыцца здзяйснення Лукашэнкам і яго памагатымі злачынстваў супраць чалавечнасці. Гэта вынік працы каманды Паўла Латушкі, якая падрыхтавала адпаведныя матэрыялы і дапамагла ўраду Літвы накіраваць зварот у МКС.
☑️ 2 снежня ў Гаазе ўпершыню ў рамках сесіі Асамблеі Міжнароднага крымінальнага суда адбылося спецыяльна арганізаванае мерапрыемства, прысвечанае перспектывам разгляду ў МКС беларускай сітуацыі.
☑️ Праведзена праца, якая дазваляе разлічваць, што ўжо ў пачатку 2025 года можа быць запушчаны адзін з механізмаў АБСЕ для маніторынгу злачынстваў у Беларусі, а таксама што ў 2025 годзе супраць рэжыму Лукашэнкі будзе ініцыяваная спрэчка ў Міжнародным судзе ААН, якая дазволіць прыцягнуць яго да адказнасці.
☑️ Унесены прапановы Прадстаўніцтва і НАУ па гарманізацыі санкцый супраць рэжыму Лукашэнкі і Расіі. Гэтыя меры адлюстраваны ў рашэнні ЕС ад 29 чэрвеня, якое выключае магчымасць заробку рэжыму на абыходзе абмежаванняў для ВПК Расіі.
☑️ Сабраны доказы аб выкарыстанні «ілжывых» транзітных маршрутаў для абыходу санкцый. На падставе гэтых даных ЕС 29 чэрвеня ўвёў новыя абмежаванні на транзіт тавараў праз Беларусь.
☑️ На падставе падрыхтаваных матэрыялаў ЕС увёў санкцыі супраць 24 суддзяў рэжыму, 10 супрацоўнікаў пенітэнцыярнай сістэмы і 3 прапагандыстаў.
☑️ Дзякуючы працы Прадстаўніцтва і іншых дэмакратычных ініцыятыў, ЗША, Канада, Вялікабрытанія і Новая Зеландыя ўвялі дадатковыя санкцыі супраць прадпрыемстваў ВПК, суддзяў, сілавікоў і іншых асоб, датычных да злачынстваў рэжыму Лукашэнкі.
☑️ Дзякуючы прапановам Прадстаўніцтва і НАУ, ЗША 9 жніўня ўвялі санкцыі супраць асабістага самалёта Аляксандра Лукашэнкі. Цяпер усе паветраныя судны дыктатара знаходзяцца пад міжнароднымі санкцыямі.
☑️ Прадстаўніцтва надалей адстойвае неабходнасць выкарыстання ўніверсальнай юрысдыкцыі па фактах злачынстваў рэжыму Лукашэнкі. Нацыянальная пракуратура Польшчы прыняла пастанову аб арышце трох грамадзян Беларусі, датычных да захопу самалёта Ryanair: дырэктара «Белаэранавігацыі», начальніка службы авіякантролю і афіцэра КДБ.
☑️ Адбылася прэзентацыя базавага дакумента «План транзіту ўлады». Арганізаванае экспертнае мерапрыемства для абмеркавання досведу транзіту ўлады ў Польшчы, які можа быць адным з магчымых сцэнарыяў транзіту ўлады ў Беларусі.
Павел Латушка, прадстаўнік па транзіце ўлады Кабінета: «У 2024 годзе мы ўпершыню адкрылі магчымасць пераследу Лукашэнкі і яго памагатых у рамках Міжнароднага крымінальнага суда. Нам удалося прасунуцца ў справе гарманізацыі санкцый як інструмента адказнасці за рэпрэсіі і саўдзел рэжыму ў вайне супраць Украіны. Мы працуем над тым, каб рэжым адказаў за свае злачынствы і каб забяспечыць будучы транзіт улады ў Беларусі».
#вынікі_працы_Кабінета_2024
@CabinetBelarus
BY Аб’яднаны Пераходны Кабінет Беларусі
Share with your friend now:
group-telegram.com/CabinetBelarus/3058