راجعين ياوطن ،
راجعين وبينه لون التعب ، وشفه تعزف حزن ..

من ضياعي
وفوضويتي
تبادر وتنقذ حياتي
جنت تكدر !
ليش وحدك تعبر لصوب النجاة
وفوكاها أتهدم المعبر.

سنة شهيدة 🎉🇮🇶

ي يگلبي ،
الدنية ليلة ولا رسم يصحى على چفك
ألناس چذبة
ألگاع چذبة
و أنتَ بس درب ألمغيب الياخذك
عنوة على ولفك
ضيعتهم !
وألسچچ غنوة غريب
اتجيس حزن الگاع بيدك
تكبر بعينك صورهم .

يا بخت ،
متگلي ساكن وين انتَ ،
بيا محلة بيا زقآق؟
وين گلي بيا تقاطع؟
سيرّت عنك ادور بالمناطق،
يا بخت..
شمس الشوارع كَلت وجهي
وينك انتَ؟
لو تمر مرة بحياتي ،
وحگ حزني ما امانع...

سايرت مزنة گمر شباجكم
وسرسحت گلبي عليكم فدوة فدوة
ومالكيت عتابكم .

وخاف كلها تعوف گلبك
عيش وحدك عيش طير وسافر بحزنك وتعبك .

ترسناكم فرح
و الحزن بينه يطوف

الافكار كالاسحلة تتبدل بتبدل الايام والذي يبقى على ارائه العتيقة هو كمن يريد ان يحارب الرشاش بسلاح عنترة بن شداد.

علي الوردي

يا حيرة الناس
يا نعش الشهيد وريحة الياس
يا نهر الحزن مامش بخت للناس
على الجرفين
بچفوف اليتامة شموع إلك ودّيت
هذا الياس مغسول بدمع أمي إلك ودّيت
يا نهر مايك حزين
يا نهر ذاك الورد خايف حزين
يا نهر صار الوَطن دمعة طفل مسكين
يا نهر شيب أمي ريح
ويلمض بليل الحزن ليوين..
تصيح بصوت تسمعها ولا ردّيت
تظل تصيح إلك خايب إلك
كل زلف گصّيت
أطيحن صوت عالجرفين إلك ذليّت
گمر ناصي عليك من الحزن وجيّت
آخ تغص بيك الجثث
وإنتَ من الجثث غصّيت.

-عزيز السماوي ١٩٩١

والتعبان مِن روحه
بفَي يا گاع تگدر تُبرد جـرُوحَه
بفَي نعناع
چا والشوك والعاگول ذاك التارس
سفوحه
بفَي الياس
چا والناس والوهواس
وآثار البچي ونوحه
ترى التعبانْ مِن رُوحه
ما أظن تبرد جروحه.

گلبي اعله گدي

وحزنك هواي

يا عطور العيد يا عرس العماره
‏يا بخور هنود وبيوم الزياره
‏حلو مرّك جِان
‏وبهجرك صدك ضكَنه المراره
‏ليش ؟ اليّه وشالت الهجران
‏ولغيري الوفه تكته بغزاره !؟.

يداويني الما يدري بعلتي وشيفيد دواه
‏راحو لبعيد وما ردّو خلوني هنا
‏هنيالك يالگلبك خالي
‏ما تدري شصاير بحوالي
‏همه اليدرون !

ياسچة التبات وياي بيها انتَ.

دورتكم
‏بالدروب الـ ما تجوها وما ألكم بيها عرف
‏دوريت بكل زلف
‏دورتكم
‏بالمكاتيب القديمة وهلبت ألگاكم حرف
‏دوريت بكل ظرف
‏بس ما شفتكم
‏كون ادري الروح بيكم ما عفتكم

ذنبي تانيت الرسايل
وذنبي چذبت الحمام
وطاوعت روحي واجيتك
وانه ادري بيا مشط ليلك ينام
وآخ لو اندل درب روحك واموت
بيه چم ابليس غافي
وچلمة مفطومة اعله صوت
وانتَ تدري
جدام الـ متيه عمر معتازة حيل
و وين ما يفرش ينام الـ گلبه خالي
وما يمر بـ عيونه ليل ..

گلي يا شوگ شبدينه ،
سكته تاخذنه وطواريهم تجينه ..

شلون مااسكّت بروحي تلتفت للماضي تبچي
تحط على الحايط حزنها
هي تحجي وحايط الايام يحجي ،
وانا صافن مثل المحجر على الريح ارتچيت
لا متت انت ولا انا احتييت ،
لاچن الايام ماتت ..