На гэтым відэа з верасня 2023 году разлік ПТРК Батальёну Волат Палка Каліноўскага пад Андрэеўкай падтрымлівае штурм 3-яй асобнай штурмавой брыгады.

У перапынках паміж стрэламі ваяры жартуюць, разважаюць пра мінулае, сучаснае жыццё і пра будычыню Беларусі.

Мы назвалі гэта #АкопныВайб і, праз кароткія  гісторыі з фронта, паспрабуем данесці атмасферу перадавой. Падзяліцеся гэтым відэа з сябрам і падпісвайцеся на наш YouTube-канал!

Роўна 2 гады таму ў баі загінуў наш пабрацім – ваяр Батальёну Волат Палка імя Кастуся Каліноўскага. Кожная нашая ахвяра на гэтай вайне не дарэмная, але бязмежна цяжкая. Ён сышоў у вечнасць, а мы працягнем нашую агульную справу і будзем біцца далей: біцца да поўнай перамогі. Бо толькі мы самі можам вырашыць лёс нашай краіны і нашага народу.
Жыве Беларусь!

«Усе фігачылі па орках з усмешкай на твары. Мяне затрохсоцілі і ўсмешкі зніклі»

Падрабязнасці пра бой з ворагам ды сваё раненне распавядае пехацінец Палка Каліноўскага з пазыўным Рагнар. На момант публікацыі ён ужо прайшоў рэабелітацыю і ў хуткім часе вернецца да баявой працы.

Пагоня за БМД-4 і дакладнае трапленне 🎯

Разлік FPV Палка Каліноўскага адным ударам дрона выводзіць з ладу варожую тэхніку. Разам з сіламі сумежных падраздзяленняў БМД-4 была спалена да тла.

Тэлеграм | Інстаграм | Фэйсбук | Сайт | Ютуб

Простыя рэчы з мірнага жыцця на фронце набываюць іншую вартасць і сэнс. Ваяр Палка Каліноўскага з пазыўным Цвік разважае пра тое, што для яго ў акопе з'яўляецца кавалачкам цывілізацыі.
Чарговае відэа з нашай новай рубрыкі #АкопныВайб

Паляванне на буйнакаліберную гармату 2А36 «Гіацынт-Б»

Акрамя таго, што варожая гармата была добра замаскіравана, яна знаходзілася больш чым за 20 кіламетраў ад пазіцыі нашых дроншчыкаў. Але аператары FPV Палка Каліноўскага паспяхова справіліся з гэтай задачай. Гармата была знойдзена і пашкоджана: бліжэйшым часам яна не зможа пасылаць смяротны груз у бок нашых пазіцыяў.

Тэлеграм | Інстаграм | Фэйсбук | Сайт | Ютуб

«Калі ў мяне скончыўся тэрмін дзеяння пашпарта, у міграцыйнай службе мне адказалі: едзьце ў Беларусь і абменьвайце пашпарт там»

Замежныя добраахвотнікі з 2014 году бароняць Украіну. Адна з найбольшых этнічных групаў сярод іх — беларусы. Замежнікі могуць афіцыйна праходзіць службу ў розных вайсковых структурах Украіны, а з мінулага году іх сацыяльныя правы і гарантыі сталі такімі ж, як і ўкраінскіх вайсковаслужбоўцаў. Але, нажаль, шэраг юрыдычных і прававых пытанняў для замежнікаў дагэтуль не вырашаны.

Беларускі добраахвотнік Ян "Беларус" Мельнікаў таксама знаходзіцца ва Украіне з 2014-га і за гэты час ён прайшоў вялікі баявы шлях. Але "Беларус" дагэтуль не атрымаў нават сталага віду на жыхарства. Больш падрабязна аб складанасцях у прававым полі Ян распавядае ў эфіры тэлеканала 2+2.

Праблема легалізацыі востра стаіць для нашых ваяроў і мы б жадалі яе хутчэйшага вырашэння на дзяржаўным узроўні.

Падтрымліваем «Буханкацыд» 🔥

Аператары FPV Палка Каліноўскага далучыліся да акцыі «Буханкоцид» і знішчылі варожую машыну, празваную ў народзе «Буханка».

Серыя малатанажных паўнапрывадных машынаў УАЗ масава выкарыстоўваецца ворагам для лагістыкі: перавозкі асабовага складку і боепрыпасаў. «Буханка» — адна з найчасцейшых мэтаў украінскіх FPV аператараў.

Ваяры Палка Каліноўскага прынялі актыўны ўдзел у вызваленні ўкраінскай тэрыторыі каля Ліпцаў пад Харкавам

У выніку працы ўсіх падраздзяленняў Палка ў дадзеным сектары былі ліквідаваныя дзясяткі расейскіх акупантаў, некалькі ўзятыя ў палон; знішчаны і пашкоджаны некалькі адзінак варожай тэхнікі, мінамёты і гарматы.
На відэа праца пяхоты Палка імя Кастуся Каліноўскага са cмежнымі украінскімі падраздзяленнямі.

Тэлеграм | Інстаграм | Фэйсбук | Сайт | Ютуб