Mamlakatimiz transport tizimida uzoq yillar mehnat qilgan soha faxriylari va vazirlik xodimlari poytaxtimizda bunyod etilgan Olimpiya shaharchasiga tashrif buyurishdi.

Faxriylar va yoshlar 100 gektardan ziyod maydonda qad rostlagan muhtasham sport inshootlari, xususan, velodrom, 12 ming o‘rinli stadion, ulkan suv sporti saroyi, jamoaviy va yakkakurash sport turlari majmualari bilan yaqindan tanishishdi.

Nuroniylar Davlatimiz rahbari tashabbusi asosida barpo etilgan Olimpiya shaharchasi xalqimizning yuksak bunyodkorlik salohiyati ramziga aylanganligini e'tirof etishdi.

Soha xodimlari jamoaviy sport turlari majmuasini ko‘zdan kechirish davomida xalqaro talablar darajasida bunyod etilgan 2 ming o‘rinli ushbu inshootda xalqaro musobaqalarni o‘tkazish imkoniyatlaridan samarali foydalangan holda Transport vazirligi tomonidan yurtimizda basketbol sport turini yanada ommalashtirish va rivojlantirish borasidagi ishlar izchillik bilan davom etishini ta’kidlashdi.