​​Бошим узра бўронлар,
Паришондир сочларим.
Остонада тик туриб,
Рости бир оз чарчадим.

Кетдик, десам кўнмайди,
Қаттиқ қайсар “мен”им бор.
Меникимас қолгани,
Сендан бошқа кимим бор?!

Яратаётиб ўзинг,
Синдириб қўйган эдинг.
Шундан бери оғриққа,
Кўндириб қўйган эдинг.

Энди ўзинг авайлаб,
Асрамасанг бўлмайди.
Сендан бошқа ҳеч кимса,
Дардим нима билмайди.

Суянгани тоғим йўқ,
Олиб қўйгансан ўзинг.
Биттагина онам ҳам,
Етмас ўзига-ўзи.

Рости бироз чарчадим,
Кутаяпман кўз юмиб.
Ўзи юрар кўчалар,
Қолсин, изларим кўмиб.

Менинг бошқа чорам йўқ,
Сендан бошқа Худойим.
Тупроқлардан сўрагин,
Бошим қашқа, Худойим!

Сенга осон - мушкуллар,
Минг тиландим, бир тилак.
Мени олиб солиб қўй,
Уйим бўлсин - у юрак!

✍🏻Нафиса Омон



https://www.nafisaomon.com/

┏━━━━•❄️•━━━━┓
@NafisaOmon
┗━━━━•❄️•━━━━┛

​​Кутмаган кунингда  кутганинг келса
Ва қайтиб кетмаса, бошқа ҳеч қачон.
Мўъжиза туғилар — умидлар ўлса,
Ишон!

Уйғоқ тунларингга суянса кундуз,
Эртак айтиб берсанг эрталарингга
Сўнг ўзинг эшитсанг, кутилган бир сўз —
Ишон!

Тўрт девор дунёдан кенг ва гўзалроқ,
Жаннатдан афзалроқ, Маккадай азиз.
Илмнинг аълоси, ҳар дарсга сабоқ-
Ишон!

Ичингда бор бўлса ҳали тоза жой,
Юрагингда бўлса еттинчи осмон,
Ҳаммаси жудаям яқин ҳойна-ҳой,
Ишон!

Кўксингда туғилса соғлом орзулар,
Кўзи кўр бўлмаса, сўзи бор бўлса.
Яралган бир зарра эмас бесамар,
Ишон!

Гарчи ёшлик кетиб, дафтарлар қолса,
Бироз қаттиқ бўлса тишинг теккан нон.
Нималар бўлмайди, дунёда, билсанг,
Фақат ишон!

✍🏻Нафиса Омон



https://www.nafisaomon.com/

┏━━━━•❄️•━━━━┓
@NafisaOmon
┗━━━━•❄️•━━━━┛

Yeng Janoblar! Yorilib o'lguncha "yeng"!

​​Yeng Janoblar! Yorilib o'lguncha "yeng"!


Yeng, janoblar, paqqos uring, bu bitmas ishtaha sizning,
To'yguncha, damlaguncha, yorilib o'lguncha "uring!

Janoblar juda ham ochsiz, bu ko'zingizdan ayondir,
Yeng, yemasangiz agar, ertaga qolmas, kim bilar.



Berar bechora odamlar, berar ne bo'lsa, molini
Borligini, hayotini, umidini, hayolini

Butun farog'-i holini, boricha shavq-i bolini
Tezroq yuting, o'ylanmang hech, haromini, halolini!

Yeng, janoblar, paqqos uring, bu bitmas ishtaha sizning,
To'yguncha, damlaguncha, yorilib o'lguncha "uring" !

Bu kunlarning oxiri bor, "yotib qolguncha otingiz" ,
Erta balki o'chib qolar, lov-lov yongan shu o'tingiz.

Bugungi "oshqozon" kuchli, bugungi "sho'rvalar" qaynoq,
Yamlamay yeng, chaynamay yeng, qozon- qozon, chanoq-chanoq!


Yeng, janoblar, paqqos uring, bu bitmas ishtaha sizning,
To'yguncha, damlaguncha, yorilib o'lguncha "uring"!

Ⓜ️uallif: Tavfiq Fikrat
♻️Turkchadan Nafisa Omon tarjimasi



https://www.nafisaomon.com/

┏━━━━•❄️•━━━━┓
@NafisaOmon
┗━━━━•❄️•━━━━┛

Dunyodaman
Sahro misol
Goh jimirlab
Qo'yasan,

Sevdim.
Atay bir yurakni
Ming uslubda
So'yasan.

Bitta zamon
Agar bo'lsa
Nega muncha
Oti ko'p,

Masalan, men
Baxt degan payt
Sen boshqa nom
Qo'yasan.

Masalan, bir
Yomg'ir yog'ar
Har odamning
Boshiga,

Ammo ming xil
Sababi bor
Hammaning
Ko'zyoshida.

Mantiqsizlik!
Odam asli
Azob chekkani
Yashar,

Unda nedan
Bosh ko'tarar
Har qayg'uning
Qoshida?

Men bilmagan
Anglamagan
Hasratlarni
Ichaman,

Bilganim shu
Savodi yo'q
Niyyati pok
Kechaman.

Agar bo'lsa
Birgina rost
U ham bo'lsa
O'lganim,

Uninggacha
Rost haqqiga
Bu dunyodan
Kechaman!

​​Балки кўп қонадим,
Қонга ташнаман.
Фидо бўлганим кўп,
Жонга ташнаман.
Узр, сиз паёндоз
Қилган қалб билан,
Худога уй бўлган
Онга ташнаман.

Мен ипак эмасман,
Тут оғочиман!
Баргларимни юлган
Ҳаёт савдогар.
Қўлларимни силаб
Рухимни ямлаб
Капалак бўлмоқта
Минг битта рухлар.

Шундан
Қўлларим мушт,
Шохларим қисқа,
Пишсам тўкилааман
Дув-дув. Эзилиб.
Шундан сочларимни кесаман,
Йўқса,
Бўйим баландлиги қолар сезилиб.

✍🏻Нафиса Омон
⏰Май 2020 йил

https://www.nafisaomon.com/

┏━━━━•🌻•━━━━┓
@NafisaOmon
┗━━━━•🌻•━━━━┛

​​Мен қариб бораман, сен ҳали ёшсан,
Кучинг кўп,вақтинг кўп,фақат сабринг оз.
Қўлинг бор,тилинг бор,аммо бебошсан,
Бошсизсан, демакки йўқ сенда овоз!

Мен қуриб бораман, сен эса яшнаб,
Татиб кўргинг келар ҳамма маъзани.
Қолсайдинг бир сени,бир ўзинг яшаб,
Сени мингга бўлган битта лаҳзани!

Мен билиб боряпман, сен эса кўриб,
Ҳамма кўрганингга ишонма лекин.
Тупроқни танийсан, учибмас, юриб,
Чопиб, чопқиланиб, қайтадан туриб!

Мен кулиб боряпман, бошқа йиғлама,
Йиғлаганларингга бир кун куласан.
Чарча, лаънатлагин, аммо ухлама,
Уйғоқлик насиба экан, ўйласам!

Мен ўлиб боряпман, астароқ яша,
Озроқ сев, озроқ е дунёнинг ғамин.
Қизим, менга эмас, Баҳорга ўхша,
Қачон кетишингни бир ўзинг билгин!



✍🏻Нафиса Омон
⏰31.05.2020


https://www.nafisaomon.com/

┏━━━━•🌻•━━━━┓
@NafisaOmon
┗━━━━•🌻•━━━━┛

Мен билиб сакраган чохлар охирсиз,
Юрагимни тиккан жойим бағирсиз.
Ўлигини ортар елкамга баҳор
Бунча ҳам оғирсиз?

Оғирсиз?! Қанча қолганимни ўзим билмайман,
Менимча эрта ё, индин ўлмайман.
Ҳалиям ўлмайман,
Ўлмайман нега?
Кетсам ўлай агар қайтиб келмайман!

Захялаб ётади мохов аламлар,
Улар соғ қўярми? Бутунлай ямлар,
Ичимни ювмоқда терс оққан
козёш,
Тилим билан тишим қилади жанглар!

Aммо кеч оқарар қоронғи осмон,
Шомлар - тандирида куйиб қолган нон,
Қора ип, оқ ип ҳам кўринмас ҳозир,
Янги эртак айтиш бўлмасмиш осон!

✍🏻Нафиса Омон
⏰Август 2020


https://www.nafisaomon.com/

┏━━━━•🌻•━━━━┓
@NafisaOmon
┗━━━━•🌻•━━━━┛

​​İlk adımlarımı ne zaman attım
Bilmiyorum.
Ama çok az hatırlamıyorum
Hep düşüyordum.
Hala öyleyim
Çok yıkıldım,
Çok kalktım
Baba.

Şimdi yorgunluktan saçmalıyorum
(Kusura bakma):
Ağar sen olsaydın belkide tutturdum ellerinden.
Biliyorum çok sert va güçlüydün.

Sevgi istemezdim hiç kimseden
Sen beni sevseydin.
Her yanlışa doğruluk yapmaz,
Kimseyi anlamaya çalışmazdım
Sen her şeyi anlatsaydın.

Baba!
Ben sene kızgın değilim.
Öfkeli de değil.
Sadece anlamaya çalışıyorum.
Bu sefer otuz yıl çıktığım dağdan yıkıldım
Bebek gibi anlamıyorum neden.
Bebek gibi sana muhtaçım ama.

Geçen çok istedim rüyamda görmeyi
Seni
Ama rüyama bile girmiyorsun
O kadar kötü ne yaptım sana.
Daha doğulmadan

Baba helal et kendini,
Beni de.
Ne zamana kadar nefes alabilir, bilmiyor insan.

#Turkcha

✍🏻Нафиса Омон
⏰Ёз 2020 йил


https://www.nafisaomon.com/

┏━━━━•🌻•━━━━┓
@NafisaOmon
┗━━━━•🌻•━━━━┛

​​Şimdi ben sadakat mı aradım?
Yüreğinden dost?
Yada hep dinlenmek,
Saatlerce.
Bölünmeden,
Hep evet diyen,
Övünmek mi?
Savunmak mı?
Sevilmek mi?
Sevinmek mi?

Her ne istediysem
Bulamamışım.
Her ne istediysem
Kendimde yokmuş.
Yalnız ben değilim
Kimse var olanı dilemez.
O yüzden
Vicdanını rahat tut
Veremedim diye
Üzülme
Sende yok olanlar
Belki bende yok!

O zaman, aynam!
Aynan olursam.
Taş atma,
Tükürme yüzüne.
Dinlenmek istersen kendini dinle,
Kendini onayla
Kendini okşa
Kendinle barış ol
İlk kendini öv
Sevilmek istersen
Hep kendini sev!

#Turkcha

✍🏻Нафиса Омон
⏰Ёз 2020 йил


https://www.nafisaomon.com/

┏━━━━•🌻•━━━━┓
@NafisaOmon
┗━━━━•🌻•━━━━┛

​​Ҳар замон вақт топдик эски кунларга,
Эсимизга солдик эсдан чиққанни.
Бир пайтлар қонимиз тўлган хунларга,
Қараймиз жонимиз турган жом каби,

Шундай ғалатимиз!
Шундай эмасми?
Йиғлаган кунларни, кулиб эслаймиз,
Музейларда асраб қадим найзани.
Ўтган жангоҳларни гоҳи қумсаймиз.

Кулган кунларимиз йиғлаб эсланар,
Йиғлаган кунларни кулиб эслаймиз!!!


✍🏻Нафиса Омон
⏰ Ёз 2020 йил



https://www.nafisaomon.com/

┏━━━━•🌻•━━━━┓
@NafisaOmon
┗━━━━•🌻•━━━━┛

Бугун шоира НАФИСА ОМОН таваллуд топган кун!
Умрингиз гўзал онларга, қувончларга, хайрли амалларига бой бўлсин! Туғилган кун муборак,опажоним!🌸🥳




✍🏻Канал админи

P.S. Табрикларни @NafisaOmonbot га юборишингиз мумкин.☺️


https://www.nafisaomon.com/

┏━━━━•🍁•━━━━┓
@NafisaOmon
┗━━━━•🍁•━━━━┛

​​Баъзан ўйлаб қоламан:
Улар чорасиз қолиши мумкин азалий.
Мен қачондир толаман
Инсоф тилаб!
Гўзалим!
Aслида лабингиз чиройли!
Тилингиз ҳам шундай!
Юрагингиз ҳам!
Танингизни шарафсиз қилманг.
Рухингизни ёқманг, чироғим!
Менинг гўштим мазали эмас,
Худо буни айтган эди-ку.
Унутганми одамлар???
Билмам!
Кунларимга кулманг!
Илтимос!
Сизга гуноҳ бўлгим келмайди!
Сизга гуноҳ бўлгим келмайди!
Ўзим яшай ўз ҳаётимни,
Мен шунчаки ўлгим келмайди!
Сизга нима, кимни ўйлашим,
Хатоларим ўзимга дўстдир.
Куйганимдан - куйиб куйлашим,
Юқалашган юракнинг пўсти!
Aбри найсон ёғар кўзимдан,
Қабримгача йўқлайди ўзи.
Бир нарсани аниқ биламан?
Илло очиқ кетмагай кўзим!
Сизга озор бергим келмайди,
Исмингизни билмайман ҳатто.
Мени Мендек ҳеч ким билмайди,
Мен биландир ҳар битта хатом!
Ўзимга юк ўзимнинг кўнглим,
Ғолиб келган тарафсиз ишқдир.
Мухаббатсиз умрга кўнмам,
Бу мен учун энг муҳим ишдир!
Сизга эса хайрли оқшом,
Хайрли тонг! Иймонли юрак!
Менга эса кечириш осон,
Ҳаммасини унутмоқ керак!



✍🏻Нафиса Омон
⏰29.09. 2020 йил


https://www.nafisaomon.com/

┏━━━━•🍁•━━━━┓
@NafisaOmon
┗━━━━•🍁•━━━━┛

​​Мансабу масхабимиз тупроқ эмас эдими,
Умримизни варақлаб не билмай, нени билдик.
Шу дунёнинг ташвиши елкамиздан индими,
Хатоларни орқалаб ҳаммол бўлгани келдик.

Келдик!
Гоҳо кечикиб,
Қайсидир бекатларга,
Борадурғон манзилу, маконларни унутиб.
Гоҳо кўз ёш тўлдириб, йиртилган этакларга,
Бугунларни ўлдирдик, қайтмас кунларни кутиб.

Кутиб,
Уваландик биз,
кутиб кулдай соврилдик,
Чалинмаган дардларга дори ичдик атайлаб.
Юракларда тўпланган, ёғимизда қоврилдик,
Ботдик чуқур-чуқурга,
Ботавердик бесабаб!

Бесабаб севмадик ҳеч,
Бесабаб меҳр қайда,
Aммо гуллади баҳор, қорлар ёғди сабабсиз.
Коинот ҳужрасида, барча борликлар майда,
Шундай чексиз, шундай кенг,
биздан бошқа, сабабсиз!

Сабабсиз гул тутмадик, салом бердик сабабли,
Тунларини ёпиниб тин олди ҳар кун дунё,
Биздан бошқа ҳамма кенг, фақат бизлар ададли,
Шу бир сиқим тупроққа банд қилган бизни Худо!



✍🏻Нафиса Омон
⏰Ёз 2018йил


https://www.nafisaomon.com/

┏━━━━•🍁•━━━━┓
@NafisaOmon
┗━━━━•🍁•━━━━┛

#аудио_шеър

​​Мен Сен дедим,
Сен-Мен дединг.
Сен бўлдим-у,
Мен бўлмадим.
Сен авайлаб артмай
Юрган,
Бир қадрли чанг
Бўлмадим.

Ҳамма бўлдим,
Неки яхши,
Сенга ёмон
Кун бўлмадим,
Ярашдимми?
Ёқангга гул!
Одат бўлдим!
Ким бўлмадим?

Инсон
Инсон
Мен билмайман.
Балки мен
Инсон бўлмадим.
Мени ҳеч
Миннат қилмайман.
Чунки
Бирор
Мен бўлмадим!

Осмон энди
Қўйиб юбор,
Булутларни...
Ёғса ёғсин,
Бу баҳорга
Гул бўлмаган
Чўпчакларим
Эсдан оғсин.

Усти бутун
Ичи тутун,
Бу шахарни
Ютсин алам,
Қулоғингни тортиб
Қўйсин.
Ёмғирларнинг нақорати!


Қандай яхши,
Эсимда йўқ,
Туғилганим!
Ўлган куним!

Айтар улар,
Бу сенсан деб.
Mен сенсан дер...
Қайдан билар?
Юзимданми?
Қошимданми?
Кўзимданми?
Ёшимданми?

Мен билмайман.
Қайси куни,
Қандай қилиб яралганим,
Худди шундай
Билмас ҳеч ким
Минг бор ўлиб,
Тирилганим.

✍🏻Нафиса Омон
🎙 Шаҳноза Исмаилова


https://www.nafisaomon.com/

┏━━━━•🍁•━━━━┓
@NafisaOmon
┗━━━━•🍁•━━━━┛

​​Икки нураган девор,
Бир- бирига суянмиш.
Захламишлар бирликда,
Aста-аста йиқилмиш.

Зарда қилиб йиқилмиш,
Бир-бирига, минг афсус,
-Тутиб қоларсан девдим!
-Суянганмидим бежиз?

Бу деворлар бир замон,
Баланд экан!
Соғ экан!
Ташқарида ўткинчи!
Ичкарида - боғ экан!

Боғлар ўсиб девордан,
Шох ташлабди йўлларга.
Гина қилиб Боғбон-у,
Ишлов берган қўлларга.

Бебош шохлар кўчада...
Осилмиш ҳар йўловчи.
Суқланмишлар ичида,
Ҳар оч- тўқ, ҳар тиловчи.

Баланд бўлса деворлар,
Ичингда қолса боринг.
Илғамайин беорлар,
Ўйнамаса озоринг.

Нурамаса деворлар,
Сув қуймаса пойингга.
Ўйнамаса чанг солиб,
Оғриб турган жойингга.

Икки девор!
Икки қалб!
Икки одам!
Бир умр!
Сендан қиламан талаб,
Энди битта девор қур!

Баланд бўлгин бўйларинг,
Етиб турсин фалакка.
Эҳтиёжинг қолмасин,
На ғамга, на тиргакка.

Ўзингни асра аввал,
Ичингдаги боғ бўлсин!
Икки девор!
Битта қол!
Пойдеворинг Тоғ бўлсин!

✍🏻Нафиса Омон
⏰Ёз 2020 йил


https://www.nafisaomon.com/

┏━━━━•🍁•━━━━┓
@NafisaOmon
┗━━━━•🍁•━━━━┛

#аудио_шеър

​​Кутмаган кунингда  кутганинг келса
Ва қайтиб кетмаса, бошқа ҳеч қачон.
Мўъжиза туғилар — умидлар ўлса,
Ишон!

Уйғоқ тунларингга суянса кундуз,
Эртак айтиб берсанг эрталарингга
Сўнг ўзинг эшитсанг, кутилган бир сўз —
Ишон!

Тўрт девор дунёдан кенг ва гўзалроқ,
Жаннатдан афзалроқ, Маккадай азиз.
Илмнинг аълоси, ҳар дарсга сабоқ-
Ишон!

Ичингда бор бўлса ҳали тоза жой,
Юрагингда бўлса еттинчи осмон,
Ҳаммаси жудаям яқин ҳойна-ҳой,
Ишон!

Кўксингда туғилса соғлом орзулар,
Кўзи кўр бўлмаса, сўзи бор бўлса.
Яралган бир зарра эмас бесамар,
Ишон!

Гарчи ёшлик кетиб, дафтарлар қолса,
Бироз қаттиқ бўлса тишинг теккан нон.
Нималар бўлмайди, дунёда, билсанг,
Фақат ишон!

✍🏻Нафиса Омон



https://www.nafisaomon.com/

┏━━━━•🍁•━━━━┓
@NafisaOmon
┗━━━━•🍁•━━━━┛

☆☆☆
Men bir mamlakatman eng go’zal she’rda,
Xaritasi yurak, ramzi muxabbat.
Istagan osmonda, ıstagan yerda,
Bayroq ko’taraman hayotga atab.

Men bir mamlakatman, aql fuqaro,
Boshimda tutaman xalqimni shundan.
Yashayman va uning ko’ngliga qarab,
Shikoyat qolmadi hech bitta kundan.

Qo’llarim xizmatchi, oyoqlar askar,
Ko’zlarim zindondir, kipriklarim had.
Me’dam kutubxona, tillarim asror.
Nafsni ko’mib qo’ygan qabristonim -qad!

Bu elga tashqari kirmas, kirolmas,
Ketmoqni istamas bu eldagilar.
Ro’molim eng baland devor,
ko’rolmas,
Shundan omondadir ko’ngildagilar!

Hech qanday qonun yo’q taqvodan bo’lak,
Iqtisod,
Siyosat,
San’at,
Madanyat.
Men deb Quyosh halak,
Men deb ko’k halak,
Yo’l qurar poyimga hamisha niyyat.

Yuragim ichida bir shox, bir malak,
Meni kundan - kunga yuksaltar baland,
Bunda Quyosh halak,
Bunda Jingalak,
Men bir mamlakatman,
Ulkan mamlakat!

✍ Nafisa Omon

@sitorabonu_audiolar

#Қўшиқ

Биз севган сатрлар энди қўшиқ бўлди!

🎶Қўшиқ номи: Ишон!
🎙Ижрочи: Оҳиста Жамшид
🪕Гуруҳ: Далаҳаст
✍🏻Матн муаллифи: Нафиса Омон


⏰ 2020 йил


https://www.nafisaomon.com/

┏━━━━•❄️•━━━━┓
@NafisaOmon
┗━━━━•❄️•━━━━┛