አውጣን በሰመመን
~~~~~~~~~~~

ምን ይሉት ቀን መጣ
ምን አይነቱ ዘመን ፣
ምንሰማው ሁሉ
ምናየው ሁሉ ቁስል ሆኖ አመመን ፣
ፅናት አጣን እና ባንተ ልንታመን ፣
አድነን እያልን መጮሁ ደከመን ፣
አባክህ ጌታ ሆይ ከዚህ ማእበል ውስጥ
ታምር ፍጠርና አውጣን በሰመመን ፡፡


samuel Adane
@Sam2127
🌹🙏🌹🙏🌹🙏🌹🙏🌹🙏🌹
@TIBEBnegni
@TIBEBnegni
@TIBEBnegni
@TIBEBnegni

☀️You will always have more of what you complain about, and more of what you appreciate. The principle behind this is, whatever you focus on increases.

💛I know you want more, but be grateful for the ones you have. Learn to appreciate the things you have before it becomes what you had.

❤️Don't wait to have everything you desire before you become grateful for what you have, rather be grateful for what you have so you can have everything you desire.

🔺ከሌለን ከጎደለን ነገር ይልቅ ያለን ነገር ይበልጣል። "ከምንማረርባቸው ነገሮች ይልቅ..ልናመሰግንባቸው የሚገባን ብዙ መልካም ነገሮች አሉ።

❤️ምናልባት የምትፈልገው ስፍራ ላይ አልተቀመጥክ ወይንም የምትመኘውን ነገር አላገኘህ ይሆናል፡ ይሁን እንጂ ከብዙዎች በላይ ደስተኛ ነህ። ስለዚህም ፈጣሪህን ባለህ ነገር አመስግን። በሰላም ውሎ በሰላም ማደር እጅግ ትልቅ ነገር ነው።አዲስ ቀን አዲስ ህይወት ነው።

❤️አንተ ለብቻህ የሆነብህ ነገር የለም። አንተ ጋር የጎደለህን ሌላው ጋር ስታይ 'ሁሉ የሞላለት' መስሎህ ነው። ባወቅኸው ልክ የሰውን ህይወት አትመዝን፣ የራስህንም አታቃል።

❤️ስለዚህ በምንም አይነት የህይወት ትግል ውስጥ ብትሆን በመኖርህ ብቻ ደስታን ምርጫህ አድርግ። ሰላምንም ውደዳት።

ሁልጊዜም በፈጣሪህ ደስ ይበልህ!

💚💚💚💚💚💚💚💚💚💚
ሌሎች እንዲያውቁ እናድርግ፡ መልካም እንሁን፡ በፍቅር እንኑር
💙💙💙💙💙💙💙💙💙💙💙💙

@TIBEBnegni
@TIBEBnegni
@TIBEBnegni

🗞ዴዝዴራታ

📒በዚህ አለም ጥድፊያና ሁካታ ሳትበገር ኑር። ከፀጥታ ሰላም ሊገኝ መሆኑን አትዘንጋ። ያለ አግባብ ሳትበለጥ የተቻለህን ያህል ከሰዎች ሁሉ ጋር ስምምነት ይኑርህ። እውነት ነው ብለህ የያዝከውን ነገር በጥሞናና በግልፅ ከመናገር ወደኋላ አትበል ሌሎች የሚናገሩትንም ከመስማት አትቦዝን። ሆን ብሎ ለሚያደምጧቸው ከዳተኞችም ሆነ ከደደቦች ቁም ነገር አይታጣም ከጯሂዎችና ከእኔ አለሁ ባዮች ራቅ እንዲህ ያሉ ሠዎች መንፈስን ያውካሉና፣ራስህን ከሌሎች ሰዎች ጋር ማወዳደር ከያዝክ እብሪተኛና መንፈሰ መራራ ልትሆን ትችላለህ። ምክንያቱም ከሰዎች መካከል ከአንተም የሚበልጡም የሚያንሱም አይታጡም።
.
📘በምትሰራው ሥራ መሳካትም ሆነ በወደፊት ውጥንህ ተደሰት። የምትሰራው ሥራ ዝቅተኛም ቢሆን የእኔ ነው ብለህ ያዘው በዚህ ወረቱ ተለዋዋጭ በሆነ ዘመን የሚያዋጣው የአንድ ሙያ ባለቤት ሆኖ መገኘቱ ነው። አለም በሸፍጥ የተሞላ በመሆኑ ገንዘብን በሚመለከት ነገር ጥንቃቄ አይጉደልህ ።ይህም ሲባል ሰው ክፉ ነው ብለህ በደፈናው አትገምት ከፍተኛ ቁም ነገር ያለው ተግባር ለመፈፀም የሚጣጣሩ ብዙ ሰዎች መኖራቸውንና ህይወትም ብዙ ጀብዱ የሞላበት መሆኑን አትሳት ።

📘በራስህ ተማመን በተለይም ፍቅር ማስመሰልን የሚጠላ መሆኑን እወቅ እንዲያውም ፍቅር በዘፈቀደ የሚታለፍ ነገር አይደለም። በዚህ የመንፈስ ድርቀትና መሰልቸት በሚያጠቃው አለም እንደ ሜዳ ሳር ጠውልጎ የሚለመልም ፍቅር ብቻ ነው።
.
📕የወጣትነት ወራት ፍላጎት ብዙ ዘመን በተጠራቀመ የሽምግልና ምክር በለዘብታ ይገዛ ሳታስበው ለሚያጋጥምህ መከራና ችግር ድጋፍ እንድዲሆንህ የመንፈስ ፅናት ይኑርህ። ሆኖም አንዲህ ያለ ነገር ሳይደርስብኝ አይቀርም እያልህ በከንቱ ልብህ አይታወክ ብዙውን ግዜ ፍርሀት የሚመነጨው ከመድከምና ከብቸኝነት ነው።
.
📗ወግ ባለው ሁኔታ ኑሮህን መቆጣጠር አስፈላጊ ቢሆንም እንኳን ራስህን ከመንከባከብ ቸል አትበል ከእፅዋትና ከክዋከብት የማታንስ የዚህ አለም ታላቅ ፍጥረተዓለም ዝርያ ስለሆንክ በዚች አለም ላይ የመኖር መብት አለህ። ሁኔታው ላንተ ግልፅ ሆኖ ባይታይም ይህ ታላቅ ፍጥረተዓለም ያለ ጥርጥር ሚስጢሩ እያደር እየተገለጠ በመሄድ ላይ ይገኛል ።

📘 ስለዚህ ህሊናህ አውጥቶ አውርዶ ከተቀበለው አምላክ ጋር ግንኙነትህ የሰመረ ይሁን። ከትግልህና ከወደፊት ምኞትህ ጋር በዚህ ትርምስ በበዛበት አለም ስለምትኖር ለነፍስህ ሰላም አትንፈጋት። ከክፋቱ ከልፋቱም ሆነ ከውጣ ውረዱ ጋር ይህ አለም ግሩም ስፍራ ነው። እንግዲህ ለኑሮህ እወቅበት ደስተኛ ለመሆን ተጣጣር።

💚💚💚💚💚💚💚💚💚💚💚💚💚
ሌሎች እንዲያውቁ እናድርግ ፡ መልካም እንሁን፣ በፍቅር እንኑር።
💙💙💙💙💙💙💙💙💙💙💙💙💙


@TIBEBnegni
@TIBEBnegni
@TIBEBnegni

በመንፈግ ውስጥ ስየህ ያኔ ትናንትና
በማይሆነው መንገድ የሆነው ሆነና
ተወሳስቦ እያለ የህሊናየ በር የልቤ ቁመና
ሳትሰስት ወደህኝ
ሁሉም ለበጎ ነው ብየ በመቀበል
ቆምኩኝ ለምስጋና ።
ሰውማ ላመሉ ቃሉን እየበላ ልቡን እያጠፋ
ተሰጠኝ ያለውን ኑሮውን ሲገፋ
ቀን እያጎደለ ቀን የኖረ መስሎት
በስጋ ቢሰፋ
ባንተ ግን ጌታ ሆይ
ተፈፅሞ አይተናል የሽ ዘመን ተስፋ።
እንጅማ፦
እንደምታየው ነው
ሰው እምነቱን ጥሏል ውሸት እያበጀ
በቃሉም አይፀና
ዳግም በይቅርታህ ባንተ ካልተዋጀ።

Samuel Adane
@Sam2127

💚💚💚 ሌሎች እንዲያውቁ እናድርግ ፡ መልካም እንሁን፣ በፍቅር እንኑር💙💙💙



🌹🌿🌹🌿🌹🌿🌹🌿🌹🌿
@TIBEBnegni
@TIBEBnegni
@TIBEBnegni

#↑ከአፈር እስከ ጠፈር↓

`````

(ገጣሚ ብሩክ ቃልኪዳን)

በቁንጅናሽ ትምክህት
ከጨረቃ ጋራ ~ አትፎካከሪ፣
ከእቅፌ ላይ ወድቀሽ
ከኮከብ ንጉስ ጋ ~ በአሳብ አትዳሪ።

አንዳንዴ ብንጋጭ
እኔ ላንች ሰንኮፍ ~ አንች ለኔ ጌጤ፣
ወደ አጽናፍ አታንጋጭ
ሰው ነው ያንች እኩያ ~ ሰው ነው ያንች ቢጤ።

እርግጥ እውነት አለሽ
አንድ አይነት ነው ግብርሽ ~ ከጨረቃ መሳ፣
ለአንች መዋቢያሽን
ደሞ ለጨረቃ ~ ፀሐይን ቢነሳ፤
በደምግባታችሁ ~ መች ትመጻደቁ፣
በውሰት የወዛ
ፍግ ነው ተፈጥሯችሁ ~ ቢሸፈንም በእንቁ።

ውበት የአፈር ዑደት
በስንዝር የዕድሜ አንጓ ~ የሚከሰት ማማር፣
ቁንጅናን ለመግለጽ
ውብ ቃላት የሚያምጥ ~ እርባን ቢስ ነው ጦማር።

የልህቀቱ ተመን
አሀድ ቢገኝለት ~ ሚዛን ላይ ቢሰፈር፣
ቢከብደን ለማመን
ይሄ ነው የ ሰው ልኬት ~ ከአፈር እስከ ጠፈር "።

ቢያንስ አፈር ነው ልኩ ~
መሬት ላይ የረጋ ~ እንደ አቧራ ብናኝ ፣
ቢገዝፍ ጠፈር አያልፍ ~
ግዛቱን ቢያሰፋ ~ እንደ ህዋ መናኝ።

አፈር ትቢያ ጉድፍ ፣
አፈር የገላ እድፍ፣
ሰው የመሆን ግብዓት ~ መዋቅር ነው "አተም"፣
ኑረቱን የሚያውጅ
በፈጣሪ ፍቃድ ~ "በትንፋሽ" ማኅተም።

ያንችም የኔም ገላ
ለትቢያ የታጨ ~ ትቢያ ነው መነሻው፣
የሥጋ ጥርቅም
የህላዌ አቅም
ከኑረቱ ማግስት ~ መበሰበስ ነው ድርሻው።

ነገ በእርጅና ውርጭ ለሚቆረፍደው ~ አታድሊ ለሥጋ፣
የተፈጥሮን ቅኝት
ከነፍስ ቁርኝት
በአቻነት ሚዛን ላይ ~ ለማስሄድ ካልተጋ፤
ሰብ ሟች ነው ~ ሰብ ጠፊ፣
ግብዝ ግብር ጋልቦሽ
ወዙን ያጣ አፍቃሪ ~ ሲቀርብሽ አትግፊ።

ሰብ የሸክላ ውጤት
በአምሳሉ ለንቁጦ ~ ያበጀው ኤልሻዳይ፣
አፈር የሰው ቁራሽ ~ ለሰው "ትንፋሽ" ጉዳይ።
የሚል ነው ስብከቴ፣
አፈር ሁነሽ ሳለ
አፈር ስትገፊ ~ ገርሞኝ መመልከቴ።

🌿🌿🌿🌿🌿🌿🌿🌿🌿🌿🌿🌿
ሌሎች እንዲያውቁ እናካፍል፡
መልካም እንሁን በፍቅር እንኑር።
🌿🌿🌿🌿🌿🌿🌿🌿🌿🌿🌿🌿🌿


@TIBEBnegni
@TIBEBnegni
@TIBEBnegni

🌗መጥላት አልወድም፡፡ ስጠላም ለምወደው ነገር ስል ነው፡፡ የምወዳቸው ነገሮች እንዳይጐዱብኝ ጐጂውን በጥላቻ ማራቅ አለብኝ፡፡ እውነተኛ መውደድ ከብዙ ቅርፊት የተሰራ ነው፡፡ አንደኛው ቅርፊት በወረት ወይንም በጥላቻ ተቀርፎ ሲወድቅ አዲስ የመውደድ ቆዳ ከስር ብቅ ይላል፡፡

💫ለሰው ልጅ ያለኝ ጥቅል ውዴታ የዚህ ተምሳሌት ነው፡፡ ብዙ አይነት ስም ያላቸውን ግለሰቦች ወድጄ ጠልቻለሁ፡፡ እንደ ቅርፊቱ፡፡ በሰው ልጅ ስም የሚጠራውን ማንነት ግን ልጠላው አልችልም፤ አልፈልግምም፡፡

💫የጥበብ ስራን እወዳለሁ፤ ስለ ጥበብ ሰሪው ግን ግድ የለኝም፡፡ የጥበብ ስራውን በመውደዴ የጥበብ ሠሪው ተወዳጅ እንዲሆን ሊያደርግልኝ የቻለ ማንም የለም፡፡...ስሪቱ ከሰሪው በላይ ነው፡፡
ከማውቀው ሰው ይልቅ የማላውቀውን ሰው የበለጠ እወዳለሁኝ፡፡ ሰውየውን ሳላውቀው እኔ ነኝ በምናቤ የቀረጽኩት፤ የተጠበብኩበት፡፡ ሰውዬውን ሳውቀው እኔ የሰራሁት መሆኑ አከተመ፡፡

🌗የተፈጥሮው ሰው፦ ሆዳም ነው፣ ራስ ወዳድ ነው፣ ፈሪ ነው፣ ወይንም ሞኝ ነው፣ ሲያወራ ይጮሃል፣ ሲያላምጥ ይንጣጣል፣ ውሃ ካጣ ይግማማል... ማለቂያ የለውም... ወዘተ ወዘተርፈ፡፡ ከሰው ሰው ከስህተት የስህተት አይነት ይለያያል፡፡ ከጥላቻ በራቀበት እና ወደ መውደድ በቀረበበት መጠን የተሻለ ሰው ይባላል እንጂ ትክክል ግን የለም፡፡ የተሻለ ስህተት ትክክል አይደለም፡፡

💫የማላውቀውን ሰው እንጂ የማላውቀውን ስራ ግን ወድጄ አላውቅም፡፡ ስራውን ለመውደድ ስራውን ከሰራው ሰው ጋር ሳይሆን ከስራው ብቻ ጋር መተዋወቅ አለብኝ፡፡ መዋደድ በእዳ መልክ ግንኙነት በተቆራኙት መሀል ሊፈጥር ይችላል፡፡

✨የማይነጠል ቁራኛን መጥላት አያዋጣም፡፡ መውደድ ብቻ ከሆነ አማራጩ መዋደዱ የዕዳ ባህርይ የተላበሰ ይሆናል፡፡ የስጋ ዝምድና ወይንም የስጋ ዝምድናን ለመመስረት ሲባል የሚፈጠር የስሜት ቁርኝት፤ ..መውደድ.. በእዳ ...ተብሎ ሊጠራ ይችላል፡፡ መውደድ በዕዳ እንጂ መጥላት በዕዳ ግን የለም፡፡

🌓ጥበብን መውደድም እዳ የሚሆንበት ጊዜ አለ፡፡ በተለይ በሚያስጠላ አመት ውስጥ መውደድን ተሸክሞ መጓዝ ግዴታ ሲሆን፡፡

🌤ሰማዩን አሁንም እወደዋለሁ፡፡ (እርግጥ ካየሁት ወደ አንድ አመት ከመንፈቅ አልፎኛል እንጂ፡፡ ቀና ብዬ ሰማዩን ባየው እንደ ድሮው በክዋክብት አበባ እና በፌንጣ ጩኸት እና በልብ ፀጥታ የተሞላ ሳይሆንልኝ ቢቀር፤ እጠላዋለሁ፡፡ ከምጠላው በድሮ ትዝታዬ ሆኜ መውደዴን ብቀጥል ይሻላል)
ለውጥን እወዳለሁ፡፡ ግን የምወደው በምኞት ብቻ እንዳይሆን እሰጋለሁ፡፡ በጽንሰ ሐሳብ፣ በቲዎሪ ብቻ፡፡ ቲዎሪው ተግባር ሆኖ ለውጥ ሲመጣ ግን ሆዴን ባር ባር ይለኛል (Bar ፈልጌ ፉት እልለታለሁ)

💫ድሮ ያደኩት ሰፈር መንገዱ እንዴት እንደነበር ማስታወስ ተስኖኛል፡፡ መለወጡን በተስፋ ወድጃለሁ፡፡ ሲለወጥ ባዶ ሆኖ አስጠልቶኛል፡፡
መውደድ እና መጥላት የአንድ ሳንቲም ሁለት ገጽታዎች ናቸው ወይ? ብዬ ግር እሰኛለሁ፡፡ ምኞትን መውደድ? ምኞቱ ተወልዶ በእግሩ ሲሄድ ለመጥላት ነው እንዴ? በምኞት ደረጃ የተወደደ ምኞቱ የተሳካ ለት ይጠላል፡፡ በምኞት ደረጃ የተጠላ በስኬት ደረጃ ይወደዳል ማለት ነው...ምን አይነት ዲያሌክቲክስ ነው ጃል? ይኼ ማለት እኮ በምኞት ..መልካም አዲስ አመት.. ያልነው ምርቃት መጥፎ አሮጌ አመት ሆኖ በእርግማን ይሸኘናል ማለት ነው፡፡

🌗ለማንኛውም ግን ጥበብን እወዳለሁ፡፡ መጥላት የምወዳቸው ብዙ ሌላ መውደዶች አሉኝ፡፡ ግን ለጥበብ ይሄ አይሰራም፡፡ ጥበብን ስመኘውም እንደ ተግባሩ እወደዋለሁ፡፡ ጥበብን ከእውነታ ጋር ለማቆራኘት መሞከሩን ነው የምጠላው፡፡
.
✨ጠዋት በእግሬ እያዘገምኩ ማሰብ እወዳለሁ፡፡ የምጠላው ከብዙ ጉዞ በኋላ የሚሰማኝን ድካም ነው፡፡ ፎቶግራፎችን በሙሉ እወዳለሁ፡፡ ዘመናት ባለፉ ቁጥር ጥበብ ይሆናሉ፡፡ ባዶ ክፍል ውስጥ ከሀሳቤ ጋር መቀመጥ እወዳለሁ፡፡ ሌላ ጭንቅላት ሲያንኮራፋ በማልረበሽበት፡፡ የአሮጌ መጽሐፍትን ሽታ እና ክብደት እወዳለሁ፡፡ ቴሌቪዥን እየተመለከትኩ በቴሌቪዢኑ ውስጥ የራሴን ቴሌቪዥን ከፍቼ መመልከት እወዳለሁ፡፡

💫ትርጉም ያላገኘሁላቸው መውደድ እና ጥላቻዎችም በብዛት አሉ፡፡ እንዴት ልደረድራቸው፣ ወይንም ላስወግዳቸው እንደምችል ፍቺ ያላገኘሁላቸው ነገሮች፡፡ ትርጉም የዋጋ መለኪያ አንዱ መስፈርት ነው፡፡
የሰዎችን (የሰው ልጆችን) ቆራጥነት፣ ታጋይነት፣ ጠንካራነት፣ ቀዳዳ ፈላጊነት ብዙ አዎንታዊ መገለጫዎቹን እወዳለሁ፡፡ ግን አንዳንዴ ደግሞ ቆራጥ፣ ታጋይ፣ ጠንካራ የሆኑለት ነገርን (አላማን) የተሳሳተ እምነት ሲሆን እጠላለሁ፡፡ የምወደውን ነገር ከምጠላ ግን የጠላሁትን ነገር በአዲስ እይታ ተመልክቼ ብወድ ይሻለኛል፡፡ መውደድ ከመጥላት ይሻላል፡፡ ምናልባት ወዳጅም ደግሞ ከጠላት፡፡

📖"መጥላት የማልወዳቸው" ከሚል
መጣጥፍ የተቀነጨበ።)

✍ሌሊሳ ግርማ

💙💙💙💙💙💙💙💙
በፍቅር ያልሆነውን ነገር ሁሉ ተፀየፉት።
💚💚💚💚💚💚💚💚💚💚💚

@TIBEBnegni
@TIBEBnegni
@TIBEBnegni

💎If you know your life is precious, and you only have one to live, it's only wise to invest it in something that you are passionate about because the only way to do great work is to do what you love.

📍So sit down, think for a moment, ask yourself, what do you want to invest this your precious life into? For that moment, let go of the fear of what people will say, remember it's your life not theirs.

💎You must discover what your passion is because if your heart is not in something, you will never give your best, and if you don't give your best, you will never be great.

🕰If you are not passionate about what you do, you will waste your life, in the end, all you will have is regrets.

💎If you don't invest your life in something worthwhile, you will throw it away on nothing that won't worth in a while.

🕰Your life only gets better when you work on what you are really passionate about, on what you will always be ready to give your all.

🕰In the brief moment you have to live, invest your life in something that matters to you, in something that will outlive you. Let all your time and energy be directed to a worthy cause, one that will change your life, the world and impact the generations to come.

💎The passion was given to you by God for a reason, and giving it everything you got is the best way to live. For when Love drives you, nothing can stop you.

❤️❤️❤️❤️❤️❤️❤️❤️❤️❤️
@TIBEBnegni
@TIBEBnegni
@TIBEBnegni

❤ፍቅር ከሁሉ ይበልጣል!

💙ፍቅር የሚታየውና የሚለካው በግጭት ውስጥ ነው።ግጭት በሌለበት ፍቅር አይታይም። የፍቅር ከፍታና ልክ ማሳያው ግጭት ነው። የሚፋቀር ሰው ግጭትን ይታገሳል፣ ታግሶም ያልፋል። ፍቅር ላይ ታች እንደሚል የሚዛን ጨዋታ ነው።

💜በሚዛን ጨዋታ ከታች ወደላይ፣ ከላይ ወደታች፣ እንደገናም ከታች ወደላይ እያለ ጨዋታው ይቀጥላል። በሚዛን ጨዋታ ሚዛኑ አይሰበርም።ትዳርም እንደማይሰበር የሚዛን ጨዋታ ነው።ትዳር ከፍና ዝቅ አለው።

💛በሚዛን ጨዋታ የተቀመጡት ሰዎች አይወድቁም። የተቀመጡት ልጆች ፈሪዎች ከሆኑ ግን ፈርተው ወይም ተገን ፍለጋ ወደ አንድ ጎን አጋድለው ይወድቃሉ።

❤️በትዳር ውስጥ ሆናችሁ አትፍሩ! ሁሌም ጥሩ ሁኑ! ሌላው ወገን ጥሩ ባይሆን እንኳ እናንተ ጥሩ ሁኑ። ፍቅር ማለት ያ ነው፤ ሌላው ወገን ሲከፋባችሁ፣ ሳይመቻችሁ ሲቀር ታግሶ መቆየት ነው። ስንት ዓመት እንታገስ? አይዞኝ አንቸኩል! ውሎ አድሮ ምናልባትም ዓመታት ቆይቶ ነገሩ ይስተካከላል።

💜"ነገርን ሁሉ በጊዜው ውብ አድርጎ ስራው" ይላል ታላቁ መጽሓፍ። ታገስ! አትቸኩል። ቤተሰብ፣ ጓደኛ፣ የሀይማኖት መሪ፣ አዋቂ፣ ... ብቻ ማንም ይሁን ማን የሚላችሁን ሰምታችሁ ትዳራችሁን አታፍርሱ፣ ቤተሰብ አትበትኑ። ጽናት እንጂ ፍቺ አያኮራም!ፍቅር ስምምነት አይደለም። ፍቅር አይቀናም፣ ፍቅር ይታገሳል፣ ፍቅር አይታበይም!

❤️ፍቅር የሚገለጸው በግጭት ውስጥ ልዩነትን በመቻል ነው። በእያንዳንዱን ልዩነት በመበሳጨት፣ ልዩነቱን መሸሽ፣ በልዩነቱ ወደ ፍቺ መሮጥ የፍቅርን ፍሬ አያበላም።

💙የፍቅር ፍሬ ሰላም ነው፣ ደስታ ነው፣ ቤተሰብ ነው።ፍቅር በልዩነት ውስጥ፣ በግጭት ውስጥ፣ ነገሮችን ታግሶ በመቻል ውስጥ ያለ የሚከፈል ክፍያ ነው።ልዩነትን መታገስ አቅቶን ፍቅር የለም። በልዩነት ምክንያት እየተሰዳደብን ፍቅር የለም። በልዩነት ምክንያት ወደ ፍቺ እየሮጡ ፍቅር የለም።

💜በፍቅር ውስጥ ስስት አለ። በፍቅር ውስጥ የማጣት ፍርሃት አለ። በፍቅር ውስጥ ናፍቆት አለ። በፍቅር ውስጥ ጉጉት አለ። በፍቅር ውስጥ አድናቆት አለ። በፍቅር ውስጥ ትዕግስት አለ። በፍቅር ውስጥ ተስፋ አለ።በፍቅር ውስጥ ስድብ የለም። በፍቅር ውስጥ ተስፋ መቁረጥ የለም። በፍቅር ውስጥ ሽሽት የለም።

💛ፍቅር ማለት ሁሌ ምቾት፣ ሁሌ ሽርሽር፣ ሁሌ ሳቅ፣ ሁሌ መዝናናት፣ ሁሌ ጥጋብ አይደለም።ፍቅር ትዕግስት፣ ናፍቆት፣ መውደድ፣ መቻል፣ ወድቆ መነሳት እና መስዋዕትነት ነው! ፍቅር እስከ መቃብርን አላነበባችሁም።የፍቅር ጠላት ጥርጣሬ፣ አለመከባበር፣ አለመታመንና አለመተሳሰብ ናቸው።
የፍቅር ዋና ጠላት ግን ይቅርታ ማለት አለመቻል ነው።የፍቅር ጠላት ራስ ወዳድነት ነው።

❤️ፍቅር አንዳንዴ ስቃይ ያለው መውደድ ይሆናል። ቢሆንም ፍቅር ከነስቃዩም ያስደስታል፤ ተስፋም አለው። ፍቅር በምቾትም በስቃይም አብሮ መሆን ነው።

ፍቅር ትርፉ ብዙ ነው፤ ለፍቅር ስትሉ ታገሱ! ፍቅር አትራፊ ነው። ፍቅር የበረከት ምንጭ ነው።
✍ Getu k. Toughe

የደስታ ማቀፊያው አጥር ፍቅር ነው!
💙💙💙💙💙💙💙💙💙💙💙💙💙
ከፍቅርና በፍቅር ከመኖር ውጭ ሌላ እዳ አይኑርባችሁ፡፡💚💚💚💚💚💚💚💚💚💚💚💚💚

@TIBEBnegni
@TIBEBnegni
@TIBEBnegni

☯ኩርፊያ፣ ቂም፣ ጥላቻና ብቀላ ጊዜ ገዳይና የስኬታማ ህይወት ጠላት ናቸው። ልዩነት ተፈጥሯዊ ነው። ልዩነት ሁሌም ይኖራል። በልዩነት አትበሳጭ። ከልዩነት ጋር መኖርን እወቅበት።

💜ዓለም የምትሽከረከረው፣ የምትሾረው፣ ወደፊት የምትራመደው በልዩነት ነው። ልዩነት የእድገት ምንጭ ነው። አላዋቂዎች ግን ልዩነትን የኩርፊያ ምንጭ ያደርጉታል። ያ ትልቅ ስህተት ነው!

☯ልዩነትን የምትፈታው በንግግር እንጂ በኩርፊያ አይደለም። ነገርን በልብ ይዞ ማመንዥክ ለራስም ለሌላውም አይጠቅምም። ኩርፊያ ጊዜን፣ ጤናን ሀብትን ይበላል። ኩርፊያ የቂም እናትና አባት ነው።

💜አመለካከትህ ቅንና በጎነትን የተላበሰ ይሁን። ካንተ የተለየ አመለካከት ያለው ሰው ሁሉ የተሳሳተ ነው ብለህ አትደምድም። በልዩነትም ይሁን በስምምነት ውስጥ ሁሌም የሌላውን ፍላጎት ለመረዳት ሞክር።

☮በተቻለህ ዓቅም የሌላውን ሰው ስሜት ላለማስቀየም ሞክር። እውነት ስለሆነ ብቻ ሌላውን የሚያስቀይም ንግግር አትናገር። በስሜት አትነዳ፣ ስሜትህን ተቆጣጠር።

💜ልዩነት ሁሉ በአንድ ጊዜ ካልተፈታ አትበል። ለጊዜ እድል ስጠው።
ልዩነትን በውይይት ፍታና ህይወትን ፍክት ብለህ ኑር!አለዚያም ከልዩነት ጋር በሰላም መኖርን ተለማመጂ!

✍ Toughe g.kebede

💚💚💚💚💚💚💙💙💚💙💚💙💚

ሰው ከመሆን በላይ ሌላ የሚያመሳስል ነገር የለም፡ አፈር ነህና ወደ አፈር ትመለሳለክ አይደል የሚለው ። አድሮ አፈር በሚሆን ስጋች ፡ በፍቅር ኑረን ለነፍሳችን ሰላም እንስጣት፡፡
💙💙💙💙💙💙💙💙💙💙💚💚💚💚💚💚


@TIBEBnegni
@TIBEBnegni
@TIBEBnegni

​​◦◉◉◎አይዞሽ ኢትዮጵያዬ◦◉◉◎

አንች ትልቅ ሀገር
በአባቶቸ አጥንት
በአባቶቸ ደም ፀንተሽ የቆየሽው፡፡
ምን? አድርገሽ ይሆን
በአጥፊዎች ሰበዝ የምትታመሽው።
በምን ?ሀጢአትሽ ነው
ወልደሽ ባሳደግሽ የምትነከሽው።

የበረከት ምድር: የታሪክ ማህደር
ኤትዮጵያ ሀገሬ።
ስልጣን አገኝ ብለው
በእንባ ያራጬሽ
በደም ያጨቀዩሽ ገለውሻል ዛሬ።

አይዞሽ እናታለም ፡
አይታለፍ የለም ይሄም ጊዜ ያልፋል ።
ከችግርሽ በላይ
ባርኮ የፈጠረሽ ፈጣሪ ይገዝፋል።

አይዞሽ ኢትዮጵያየ

ሳቅሽን ያጠፋው
ለቅሶሽን ያበዛው
መከራሸ ቢያመኝም።
ይሁን ቻል አድርጊው
ከመከራው በፊት ትንሳኤ አይገኝም።

01/03/13
Samuel Adane
@Sam2127
━━━━━━✦✗✦━━━━━━━
ምርጫዎ ስለሆነ እናመሰግናለን

የምንም ግዜ ተወዳጅ የሆነው
➳➳➳ ሼር ያድርጉ!! ➢➢➢
አዘጋጅ፦ @Daniel_bewketu
@Daniel_bewketu
➟➟➟➟➟➛➟➟➟➟➟

#በፍቅር_እንኑር

መነሻ ከሌለው ዝንተ ዓለም ወደ ማይደረስበት ዘላለም ተጓዥ ነን፡፡በሁለቱ መካከል ትንፋሽ መውሰጃ ጊዜ የለም፡፡ምን አልባትም ማይክሮሰከንድ አይኖርም ይሆናል፡፡ነገር ግን ሽርፍራፊዋም ብትሆን ያው የኛ ዕድሜ ነች፡፡በዚህ ዓለም አረፍ የምንልባት(የምንኖርባት እንዳልል ከመጣንበት ዝንት ዓለም እና ከምንሄድበት ዘላለም አንፃር የዕድሜያችን ርዝማኔ መለኪያው ስለማይነፃፀር እና ከዓይን ጥቅሻ ያነሰ በመሆኑ ነው)አንዳአንዴ ያንኑው የጥቅሻ ዕድሜ ያሰለቸናል፡፡ያነጫንጨናል፡፡ምክንያቱም እንደማረፊያ ሳይሆን እንደ ቋሚ መኖሪያ እናስባታለን፡፡እናም ቋም ነገሮችን ለመገንባት እንጣጣራለን...ወደ ውስጥ የሳብነውን አየር መልሰን ወደ ውጭ ሳንበትን የረፍት ጊዜያችን ይገባደድ እና እረጂም..በጣም እረጂም የፀጥታ እና የማይታወቅ ጉዦችንን እንጀምራለን፡፡
እና የዘላለም ተገጓዦች ነን፡፡በምድር ምንገነባው ህንፃ ማረፊያ ድንኳን እንጂ ቋሚ ሀውልት አይደለም፡፡ዘና ብሎ መሳቅ ...በፈገግታ መደሰት እንጂ ፊታችንን አጨማደን… ልባችንን አኮማትረን ..ስለ ኒዩኪሌር ቦንብ መጠበብ በህይወት ስለት ትርጉመ ቢስ ነው
ህይወት እኮ ምትሰለቸን እረፍታችን ምቸት ስለሌለው ነው...ለዚህ ነው የሚቀነቅነን፡፡የአብዛኞቻችን ኑሮ በችግር የታጠረበት ዋናው ምክንያት የጥቂተች ስግብግብነት ነው፡፡መቶ ሺ ዓመት በዚህች ምድር እንደሚኖር ..አንድ ሺ ሰዎች እድሜ ልክ ማኖር የሚችን ንብረት ብቻውን ታቅፎ እና ቀብሮ...እሱ በምቾት እና በስግብግብነት ቅዠት ውስጥ እየኖረ ..ሌሎች ሺ ዋችን በችግር እና በሰቀቀን ቅዠት ውስጥ እንዲኖሩ ማድረግ ትርፉ ምንድነው፡፡
እና እስቲ እንተሳሰብ፡፡ በፍቅር እንኑር፡፡ ጠብታ ጊዜያችንን በክፋት አናጨማልቃት፡፡በፈገግታ ጀምረን...በሳቅ አዋዝተን....በዜማ አጅበን...በደስታ ዘለን...በፍቅር ሰክረን..በእርካታ እንሰናበታት፡፤መጨረሻችን መድረሻ የሌለው ዘላለም አይደል፡፡
ስለዚህ መልካም አልመን ...መልካም ተግብረን...በመልካም ሁኔታ ኖረን..ወደ ቀጣዩ ምዕራፍ ፀፀት አልባ ሆነን እንድንገጓዝ ከፀለምተኛ አስተሳሰባችን...ከስግብግብ ባህሪያችን...ከመጠላለፍ ምግባራችን እንላቀቅ፡፡ትናንትን አክባሪ...ዛሬን አፍቃሪ...ነገን ናፋቂ እንደሆን ህይወትን ሳንሰለች ሩጫችንን በጥሩ አነሳስ ጀጀምረን በድንቅ አጨራረስ ማጠናቀቅ ይገባናል

#መልካም_ቀን

🔘ከዘሪሁን🔘

@TIBEBnegni
@TIBEBnegni
@TIBEBnegni

😁ደስታን ፍለጋ😁
በግምት ወደ 50 ሰው የሚይዝ ህብረት በአንድ አዳራሽ ለጥብቅ ጉዳይ ይሰባሰባሉ::ፕሮግራሙ ከመጀመሩ በፊት መድረክ መሪው ታዳሚዎችን አንድ ጫወታ ሊያጫውት ይወስናል::በአዳራሹ ለተሰበሰቡ ሰዎች አንዳንድ ፊኛ ሰጥቷቸው ስማቸውን በእስክሪብቶ ፊኛው ላይ እንዲፅፉበት ያዛቸዋል::
ሁሉም ፅፈው ከጨረሱ በሁዋላ ፊኛው ተሰብስቦ በአንድ ጠባብ ክፍል ውስጥ ተበታትኖ እንዲቀመጥ ያደርጋል::በመቀጠል ጫወታው በ5 ደቂቃ ጠባቧ ክፍል ውስጥ ተበታትኖ ከተቀመጠው ፊኛ እያንዳንዳቸው ስማቸው የተፃፈበትን ፊኛ አግኝቶ መመለስ ነው ተባለ::በቅፅበት ያቺ ክፍል ስማቸውን በሚፈልጉ ታዳሚዎች ትርምስምስዋ ወጣ::ነገር ግን በተሰጣቸው የጊዜ ገደብ ትዕዛዙን ተግብሮ ስሙን ያገኘ አንድ እንኳን አልነበረም::የጫወታው አስተባባሪም ከመድረክ ወጥቶ 1 ደቂቃ ባልሞላ ጊዜ ውስጥ ለሀምሳዎቹም ፊኛቸው ስማቸውን እየጠራ መለሰ:: ደስታም እንዲህ ናት::በዚህች ጠባብ እና በማይሞላላት አለም ትውልድ ከሌላው ይልቅ የራሱን ደስታ ፍለጋ ይተራመሳል!!
ነገር የደስታን መገኛ በቅጡ አላወቀም::
አትጠራጠሩ በክፍሉ ውስጥ መጀመርያ ያገኙትን ፊኛ ለስሙ ባለቤት እየጠሩ ቢሰጣጡ ልክ እንደመድረኩ 1 ደቂቃ አይፈጅባቸውም ነበር::
ስለዚህ የእርሶን ደስታ ማግኘት ይሻሉ ??
የሌላ ሰው ደስታ በእጅዎ ነውና ይመልሱ ያን ጊዜ የእርሶ የሆነ ነገር ወደ እጅዎ ለመግቢያ ጊዜ አይፈጅም!!! መልካም ሌሊት ተመኘሁ


@TIBEBnegni
@TIBEBnegni
@TIBEBnegni

💎As A Man Thinketh” -By James Allen

ክፍል 1⃣

📍“Thought and Character”
“አስተሳሰብ እና ባህሪ”

💡“ሰው በልቡ የሚያስበውን ሃሳብ ነው” የሚለው አባባል የሰውን ልጅ ማንነት የሚያንጸባርቅ አባባል ብቻም ሳይሆን፤ የህይወቱን መስመር እና ጉዞም የሚዳስስ  ነው። እርግጥም ሰው የሚያስበውን ሃሳብ ነው። ባህሪው እና ጸባዩ የአስተሳሰቦቹ ሁሉ ድምር ናቸው።  አንድ እጽዋት ከውስጡ ይፈካል እንጂ ፤ ከውጪ ሊፈካ አይቻለውም። የሰው ልጅ ድርጊትም በውስጡ ካለው ከድብቁ የአስተሳስብ ዘር የሚፈጠር ፍሬ ነው። ድርጊቶቻችን ሁሉ የአስተሳሰቦቻችን ውጤቶች ናቸው፤ ሃዘን እና ደስታም ፍሬዎቹ። ስለዚህ የሰው ልጅ ከራሱ የአስተሳሰብ እርሻ፤ ጣፋጩን እና መራራ የኑሮ ፍሬዎቹን ይለቅማል።

“በአይምሮዋችን ወስጥ ያሉት አስተሳሰቦች እኛ እኛን እንድንሆን አድርገውናል

በሃሳብ ብዙ ነገሮች ተሞረደዋል ተገንብተዋል

የሰው አይምሮ ክፉ አስተሳሰብ ከተዘራበት፤ ስቃይ መምጣቱ አይቀርም። መልካሙን የሚያስብ ሰው ደግሞ ደስታ እንደጥላ ትከተለዋለች”

🔆መልካም ባህሪ እና ሰናይ ጸባይ በአጋጣሚ የሚገኙ ትሩፋቶች አይደሉም። ይልቁንም አይምሮን ትክክለኛውን ነገር እንዲያስብ በተደጋጋሚ በመግራት የሚገኝ ውጤት እንጂ። መልካም ያልሆነ ማንነት ወይም ለአውሬ የተጠጋ ባህሪ ደግሞ ከቀናነት የራቁ እና ክፉ አስተሳሰቦችን ደጋግሞ በማሰብ የሚመጣ ልክፍት ነው።

💎ሰው እራሱን መገንባትም ማፍረስም ይቻለዋል። በሃሳቦቹ እራሱን የሚያወድምበትን መሳሪያ ይፈጥራል፤ ወይም ደግሞ ሰላም እና ደስታን የሚያገኝበትን የኑሮ ቤተመንግስት ይገነባል። የሚያስበውን የሚመርጥ እና በእውነት ሀሳቡን የሚተገብር ሰው እራሱን ወደ ንጹህ ወደማንነት ማቅረብ ይችላል። ሃሳቦቹን እና እምነቶቹን መምረጥ ሲሳነው ግን ከእንስሳ በታች የሚያስብ ፍጡር ይሆናል። በነዚህ ሁለት የማንነት ጥጎች መካከል ሌሎች በመሃል የሚወድቁ ብዙ ማንነቶች አሉ። የሁሉም ማንነቶች ፈጣሪ ግን እርሱ ሰው ነው።

💡በዚህ አሁን ባለንበት ዘመን ነፍስን ከሚነኩ፤ ብርሃንን ከሚፈነጥቁ እውነታዎች መካከል፤ ይህንን እውነታ ማወቅ መታደል ብቻም ሳይሆን ፍሬያማ እና በራስ መተማመን ጭምር የሚያሳድግ ነው። ታላቁ እውነታ ይህ ነው ” ሰው የሃሳቦቹ ፈጣሪ፤ የባህሪው ቀራጭ፤ የአጋጣሚዎቹ አመልካች፤ የአካባቢው እና የእጣፋንታው ጌታ ነው” የሚል ነው።

💎የአስተሳሰቡ ጌታ፤ የፍቅር እና የእውቀት ባለቤት የሆነው የሰው ልጅ ለእያንዳንዱ የህይወቱ አጋጣሚ ቁልፍ አለው። ያለውን ሃይል ማወቅ ከቻለም እራሱን መሆን ወደሚመኘው ማንነት መቀየር ይቻለዋል። ሰው ሁሌም የራሱ ጌታ ነው፤ ሌላው ይቅር በደከመበት ሰዓት እራሱ ጌታ ነው። ነገር ግን በአስተሳሰብ ደካማ በሆነበት ጊዜ ሞኝ ጌታ ነው፤ ቤቱን በስርዓት ማስተዳደር እንደሚሳነው ሰነፍ ጌታ።  ህይወቱ የተመሰረተበትን  ህግ መርምሮ ሲያውቅ እና ሲረዳ ግን ብልህ ጌታ ይሆናል።

💡ወርቅ እና አልማዝ በብዙ ፍለጋ እና ቁፋሮ እንደሚገኙ ሁሉ፤ የሰው ልጅም ከራሱ ማንነቶች ጋር የሚቆራኙ ማንኛቸውንም አይነት እውነታዎችን ወደ ውስጥ ነፍሱን ቢቆፍር ያገኛል። የማንነቱ ፈጣሪ፤ የእጣፋንታው ገንቢ፤ የህይወቱ ጠራቢ መሆኑን ያረጋግጣል። አስተሳስቦቹን  በቅጡ ካጤነ፤ ከተቆጣጠረ፤ እና በህይወቱ ላይ የሚኖራቸውን ተጽዕኖ ማወቅ ከተቻልው፤ በትዕግስት ህይወቱን ካስተዋለ፤ የመንስኤ እና የውጤትን ሂደት ከተረዳ፤ እራስን ማውቅ ጥበብ ብቻም ሳይሆን ሃይልም ነውና፤ የእራሱ እጣፋንታ ባለቤት መሆኑን በጊዜ ሂደት ያረጋግጣል። በዚህ መንገድ ሲጓዝ ብቻ ነው “እሹ ታገኙማላችሁ፤ አንኳኩ ይከፈትላችሁማል” የሚለው ህግ ፍጹም እውነት መሆኑን የሚረዳው።

💡ይቀጥላል ......
💚💙💚💙💚💙💚💙💚💙💚💙💚💙💚
@TIBEBnegni
@TIBEBnegni
@TIBEBnegni

💎As A Man Thinketh” -By James Allen

ክፍል 2⃣

📍“የአስተሳሰባችን ተጽዕኖ”
"Effect of Thought on Circumstances"

🔑የሰው ልጅን አይምሮ ልክ እንደ እርሻ መውሰድ ይቻላል። በብልሃት የሚገራ ወይም ቸል ተብሎ የሚተው ለም መሬት። መሬቱን ተንከባከብነውም ሆነ ቸል አልነው፤ የሆነ ነገር ማብቀሉ አይቀርም። የማይጠቅም ዘር ከተበተነበት  የማይጠቅሙ ፍሬዎችን ያፈራል። የማይጠቅሙት ፍሬዎችም ሌላ ተመሳሳይ ዘር በመስጠት የማይጠቅም ትውልድ ይቀጥላሉ።

☯መልካም ገበሬ መሬቱን እንደሚንከባከብ፤ አረሞችን ተከታትሎ እንደሚነቅል፤ መልካሙን የሚጠቅመውን ዘር እንደሚዘራ ሁሉ፤ የሰው ልጅም አይምሮውን በትጋት መንከባከብ አለበት። ለአይምሮው መልካም ገበሬ በመሆን፤ የማይሆኑትን አስተሳሰቦች፤ የማይጠቅሙትን እምነቶች፤ ቀና ያለሆኑ አመለካከቶችን እያረመ መንቀል ይገባዋል። በምትኩ የጽድቅ ሃሳቦችን፤ ቅን አመለካከቶችን እየዘራ አይምሮው መልካም ፍሬን እንደሚያፈራ ለም መሬት ሊያደርገው ይችላል።ይህንን መንገድ ከተከተለ፤ አንድ ሰው ህይወቱ በራሱ ሃላፊነት ስር እንዳልች ይረዳል። በጥልቁ ሲያስተውልም፤ አስተሳሰቡ እንዴት ማንነቱን፤ ህይወቱን እጣፋንታውን እንደሚወስንበት ይመለከታል።

💎ባህሪ እና አስተሳስብ አንድ ናቸው። ባህሪ ወስጣዊ አስተሳሰብ በውጫዊ መልኩ ሲገለጽ ነው። በውጪ የሚታየው ገጽታችን እና አኳኋናችን በአብዛኛውን ጊዜ የውስጣችን ነጸብራቅ ነው። ይህ ማለት በማንኛውም ሰዓት ያለው የአንድ ሰው ሁኔታ ባጠቃላይ የባህሪው ነጸብራቅ ነው ማለት አይደለም። ነገር ግን ብዙዎቹ የህይወት አጋጣሚዎቹ፤ ድብቅ ከሆነው አስተሳሰቡ ጋር ትልቅ ቁርኝት አላቸው።

🔆ሁሉም ሰው አሁን ያለበት ቦታ የደረሰው፤ ማንነቱ በሚመራበት ህግ ነው። ባህሪውን የገነባባቸው አስተሳሰቦቹ ናቸው አሁን ያለበት ቦታ ያደረሱት ወይም የመሩት። በአጋጣሚ ሳይሆን፤ ስህተት በሌለው የህይወት ህግ ። ይህ ከራሳቸው ጋር ተጣጥመው መኖር ላቃታቸውም ሆነ፤በራሳቸው ምሉዕ ለሆኑ ሰዎችም ጭምር እውነት ነው።

💎 ሁሌም በለውጥ ወጀብ ከመመታት የማይተርፈው የሰው ልጅ፤ በህይወት ጉዞው እራሱን በመለወጥ ህልውናውን ማሳደግ እንደሚችል የሚረዳበት ደረጃ ላይ ደርሷል። ከሚያጋጥሙት የህይወት አጋጣሚዎችም፤ ልምድ እየቀሰመ እና እየተማረ ከሄደም ፤ ሁኔታዎች ሁሉ እያለፉ ቦታቸውን ለሌላ የህይወት አጋጣሚ መልቀቃቸው የማይቀር መሆኑን ይረዳል።

☯ህይወቱ ከራሱ ቁጥጥር ውጪ በሆነ ነገር እንደሚወሰን የሚያምን ሰው ግን፤ እራሱን ባልመረጣቸው አጋጣሚዎች እና ሁኔታዎች ውስጥ ማግኘቱ አይቀርም። ነገር ግን እራሱ የህይወቱ ፈጣሪ መሆኑን ሲረዳ እና በውስጡ ያለውን ሃይል ሲያውቅ፤ በነፍሱ ውስጥ የተቀበረውን ዘር ፍሬ እንዲያፈራለት ማድረግ ይቻለዋል፤ ያኔ ትክክለኛ የራሱ ጌታ ሆነ ማለት ነው። አንድ ሰው በዙሪያው ያሉ ነገሮች ሲለወጡ፤ በእርግጥም ለውጣቸው መሰረቱ ከራሱ አይምሮ ነው። ለምሳሌ መጥፎ ባህሪውን ለማከም የወሰነ ሰው ከወደቀበት አዘቅት ውስጥ ራሱን ጎትቶ ማውጣት ይችላል።

🔑ነፍስ ወደራሷ እንደማግኔት የምትስባቸው ነገሮች፤ አንድ ሰው በውስጡ ካለው ድብቅ አስተሳስብ ጋር ተመሳሳይ የሆኑ ነገሮችን ነው። በሰው አይምሮ ውስጥ የሚወድቅ እያንዳንዱ የአስተሳሰብ ዘር፤ ስሩን ሰዶ ህይወት መዝራቱ አይቀርም። እድሉን አመቻችቶም  በሁኔታዎች እና አጋጣሚዎች በኑሮዋችን ውስጥ ሲከሰት እናየዋለን። መልካም ሃሳቦች መልካሙን ፍሬ ይሰጡናል፤ መጥፎ ሃሳቦች መጥፎ ፍሬዎችን ይሰጡናል። የዘራውን እንደሚያጭድ ገበሬም፤ ሰው ከደስታው እና ከሃዘኑ የኑሮ ልምዱን ይቀስማል።

💡ይቀጥላል ......

@TIBEBnegni
@TIBEBnegni
@TIBEBnegni

💡“As A Man Thinketh” -By James Allen

ክፍል ሶስት3⃣

📍የአስተሳሰባችን ተጽዕኖ”
(Effect of Thought on Circumstances.)

✨ሰው በውስጡ ብዙ ሃሳቦች፤ ምኞቶች እና ተስፋዎች አሉት። ከእነዚህ መካከል ገዝፈው ህይወቱን  የሚመራባቸው አስተሳሰቦች እና ምኞቶች እንዲሁም ተስፋዎች በስተመጨረሻ ፍሬ ማፍራታቸው አይቀርም። ግራ ቢያጋባም ሰው ለእሱ መልካም ካልሆነ ስፍራ (ጸሃፊው እስር ቤትን እና ድህነትን ይጠቅሳል) በእድል ወይም በአጋጣሚ አይገኝም። ይልቁንም በኑሮ ጉዞ ላይ ይመሩት በነበሩት አስተሳሰቦች እና ጥልቅ ፍላጎቶች ምክንያት ቀስ እያለ ተገፍቶ የደረሰበት ስፍራ ነው። በሌላ በኩል መልካም አስተሳሰብ የነበረው ሰው ድንገት ስህተት ቢሰራ እና ወንጀል ቢፈጽም፤ ውጫዊ በሆነ ነገር ተገፋፍቶ አልያም በአጋጣሚ ተገዶ ነው ልንል አንችልም። በአንጻሩ ያ የወንጀለኛ አስተሳሰብ ከመልካም ስብዕናው ስር ተደብቆ ለዘመናት የኖረ እና ሰዓቱ ሲደረስ የፈነዳ ነው።

✨አጋጣሚዎች ሰዎችን አይለውጡም፤ ሰውን ከድብቅ ማንነቱ ጋር ያስተዋውቁታል እንጂ። ሰውን ድንገት ከኑሮ ጎትቶ ወደ መጥፎ አለም የሚከት አጋጣሚ የለም፤ ወደ መጥፎ የሚመሩ አስተሳሰቦችን በውስጣችን ካልያዝን በቀር። በሌላ በኩል ወደ ደስታ ድንገት የሚወስድ አቋራጭ መንገድ ወይም አጋጣሚም የለም፤ ያ የደስታ ሃሳብ እና ምኞት ለረጅም ጊዜ በሰው ልብ ውስጥ የኖረ መሆን አለበት። ለዚህ ነው ሰው የኑሮው ጌታ፤ የአስተሳሰቡ ባለቤት እንዲሁም የህይወቱ ጠራቢ ነው የምንለው።

💫ወደዚህ ምድር ከመጣን ጀምሮ፤ በምድር ጉዞዋችን እያንጠለጠልን የምናልፋቸው የህይወት አጋጣሚዎች እና ልምዶች፤ የነፍሳችን ነጸብራቆች ናቸው። እንደ ነፍሳችን ንጽህና እና ግድፈት የሚከፈሉን ዋጋዎች።ሰው ወደራሱ የሚስበው የሚፈልገውን ነገር ሳይሆን፤ እራሱ የሆነውን ነገር ነው። አንዳንዴ የምንወስናቸው ውሳኔዎች እና ምኞቶቻችን እውን ከመሆን ሲገደቡ እናያለን።እንዲህ  የሚሆነው በውስጣችን ተደብቀው ያሉ አስተሳሰቦች እና ምኞቶች በምትኩ እውን ስለሚሆኑ ነው (Innermost desires and thoughts)። ድርጊታችን እና አስተሳሰባችን የእጣ ፋንታችን ወሳኞች ናቸው፤ የኑሮ እስር ውስጥ የሚከረችሙ ብረቶች ወይም እንደ ወፍ በነጻነት የሚያበሩ መልዕክቶች።

💫ሰው ስለተመኘ እና ስለጸለየ ብቻ የሚፈልገውን ያገኛል ማለት አይቻልም። ምኞቱ እና ጸሎቱ እውን የሚሆኑት ከተግባሩ እና ከአስተሳሰቡ ጋር መዋሃድ ሲችሉ ብቻ ነው። ታዲያ ሰው ካለበት ሁኔታ ጋር ሳይስማማ ሲቀር እና ከሁኔታዎች ጋር ሲጋፈጥ በውጤቶች ላይ እያመጸ ነው ማለት ነው። ችግሩ ከውጤቱ ጋር መጋፈጡ እና ለመለወጥ መነሳቱ ሳይሆን በጊዜው ሁሉ የውጤቱን መንስዔ ሲያዳብር መኖሩ ነው ። መንስዔውን ያዳብራል ሲባል በማወቅም ሆነ ባለማወቅ ሊሆን ይችላል።

✨ብዙ ሰዎች ኑሮዋችውን ለማሻሻል ይፈልጉና እራሳቸውን ለማሻሻል ግን ፈቃድኛ አይሆኑም፤ ስለዚህም የራሳቸው እስረኛ ሆነው ይቀራሉ። እራሱን በወቀሳ እና በማሳነስ የማያሸማቅቅ ሰው፤ ልቡ የመረጠውን ማሳካት አይሳነውም። ሌላው ይቅር ገንዘብን ለማከማቸት ብቻ የሚደክም ሰው እራሱ በቅድሚያ ብዙ ማንነቱን የሚነኩ መስዋቶችን ለመክፈል ይገደዳል(ከገንዘብ የላቀ ህልም ያለው ሰው ደግሞ እራሱን በእጅጉ ለመለወጥ ዝግጁ መሆን አለበት)።ጠንካራ የሆነ ህይወትን ለመምራት፤ ጠንካራ የሆነ ማንነትን ይጠይቃልና።

💡ይቀጥላል ......


@TIBEBnegni
@TIBEBnegni
@TIBEBnegni

💡“As A Man Thinketh” -By James Allen

ክፍል ሶስት3⃣

📍የአስተሳሰባችን ተጽዕኖ”
(Effect of Thought on Circumstances.)

✨ሰው በውስጡ ብዙ ሃሳቦች፤ ምኞቶች እና ተስፋዎች አሉት። ከእነዚህ መካከል ገዝፈው ህይወቱን  የሚመራባቸው አስተሳሰቦች እና ምኞቶች እንዲሁም ተስፋዎች በስተመጨረሻ ፍሬ ማፍራታቸው አይቀርም። ግራ ቢያጋባም ሰው ለእሱ መልካም ካልሆነ ስፍራ (ጸሃፊው እስር ቤትን እና ድህነትን ይጠቅሳል) በእድል ወይም በአጋጣሚ አይገኝም። ይልቁንም በኑሮ ጉዞ ላይ ይመሩት በነበሩት አስተሳሰቦች እና ጥልቅ ፍላጎቶች ምክንያት ቀስ እያለ ተገፍቶ የደረሰበት ስፍራ ነው። በሌላ በኩል መልካም አስተሳሰብ የነበረው ሰው ድንገት ስህተት ቢሰራ እና ወንጀል ቢፈጽም፤ ውጫዊ በሆነ ነገር ተገፋፍቶ አልያም በአጋጣሚ ተገዶ ነው ልንል አንችልም። በአንጻሩ ያ የወንጀለኛ አስተሳሰብ ከመልካም ስብዕናው ስር ተደብቆ ለዘመናት የኖረ እና ሰዓቱ ሲደረስ የፈነዳ ነው።

✨አጋጣሚዎች ሰዎችን አይለውጡም፤ ሰውን ከድብቅ ማንነቱ ጋር ያስተዋውቁታል እንጂ። ሰውን ድንገት ከኑሮ ጎትቶ ወደ መጥፎ አለም የሚከት አጋጣሚ የለም፤ ወደ መጥፎ የሚመሩ አስተሳሰቦችን በውስጣችን ካልያዝን በቀር። በሌላ በኩል ወደ ደስታ ድንገት የሚወስድ አቋራጭ መንገድ ወይም አጋጣሚም የለም፤ ያ የደስታ ሃሳብ እና ምኞት ለረጅም ጊዜ በሰው ልብ ውስጥ የኖረ መሆን አለበት። ለዚህ ነው ሰው የኑሮው ጌታ፤ የአስተሳሰቡ ባለቤት እንዲሁም የህይወቱ ጠራቢ ነው የምንለው።

💫ወደዚህ ምድር ከመጣን ጀምሮ፤ በምድር ጉዞዋችን እያንጠለጠልን የምናልፋቸው የህይወት አጋጣሚዎች እና ልምዶች፤ የነፍሳችን ነጸብራቆች ናቸው። እንደ ነፍሳችን ንጽህና እና ግድፈት የሚከፈሉን ዋጋዎች።ሰው ወደራሱ የሚስበው የሚፈልገውን ነገር ሳይሆን፤ እራሱ የሆነውን ነገር ነው። አንዳንዴ የምንወስናቸው ውሳኔዎች እና ምኞቶቻችን እውን ከመሆን ሲገደቡ እናያለን።እንዲህ  የሚሆነው በውስጣችን ተደብቀው ያሉ አስተሳሰቦች እና ምኞቶች በምትኩ እውን ስለሚሆኑ ነው (Innermost desires and thoughts)። ድርጊታችን እና አስተሳሰባችን የእጣ ፋንታችን ወሳኞች ናቸው፤ የኑሮ እስር ውስጥ የሚከረችሙ ብረቶች ወይም እንደ ወፍ በነጻነት የሚያበሩ መልዕክቶች።

💫ሰው ስለተመኘ እና ስለጸለየ ብቻ የሚፈልገውን ያገኛል ማለት አይቻልም። ምኞቱ እና ጸሎቱ እውን የሚሆኑት ከተግባሩ እና ከአስተሳሰቡ ጋር መዋሃድ ሲችሉ ብቻ ነው። ታዲያ ሰው ካለበት ሁኔታ ጋር ሳይስማማ ሲቀር እና ከሁኔታዎች ጋር ሲጋፈጥ በውጤቶች ላይ እያመጸ ነው ማለት ነው። ችግሩ ከውጤቱ ጋር መጋፈጡ እና ለመለወጥ መነሳቱ ሳይሆን በጊዜው ሁሉ የውጤቱን መንስዔ ሲያዳብር መኖሩ ነው ። መንስዔውን ያዳብራል ሲባል በማወቅም ሆነ ባለማወቅ ሊሆን ይችላል።

✨ብዙ ሰዎች ኑሮዋችውን ለማሻሻል ይፈልጉና እራሳቸውን ለማሻሻል ግን ፈቃድኛ አይሆኑም፤ ስለዚህም የራሳቸው እስረኛ ሆነው ይቀራሉ። እራሱን በወቀሳ እና በማሳነስ የማያሸማቅቅ ሰው፤ ልቡ የመረጠውን ማሳካት አይሳነውም። ሌላው ይቅር ገንዘብን ለማከማቸት ብቻ የሚደክም ሰው እራሱ በቅድሚያ ብዙ ማንነቱን የሚነኩ መስዋቶችን ለመክፈል ይገደዳል(ከገንዘብ የላቀ ህልም ያለው ሰው ደግሞ እራሱን በእጅጉ ለመለወጥ ዝግጁ መሆን አለበት)።ጠንካራ የሆነ ህይወትን ለመምራት፤ ጠንካራ የሆነ ማንነትን ይጠይቃልና።

💡ይቀጥላል ......


@TIBEBnegni
@TIBEBnegni
@TIBEBnegni

“As A Man Thinketh” -By James Allen

ክፍል 4⃣

📍የአስተሳሰባችን ተጽዕኖ”
(Effect of Thought on Circumstances.)

🔆ጭንቀት እና መከራ ትክክለኛ ያልሆነ አስተሳሰብ ውጤቶች ናቸው። ሰው ከውስጣዊ ማንነቱ ጋር አብሮ መሄድ ሲያቅተው፤ በሰብዓዊ ህግ ስር ተገዝቶ መኖር ሲሳነው የመከራን ቀንበር ይሸከማል። የጭንቀት ማብቂያው ነፍስን ማጽዳት ነው፤ አይምሮን የሚያጎድፉ ነገሮችን ሁሉ ማስወገድ። መንፈሱ ንጹህ የሆነ ሰው ጭንቀት አያደፍረውም። ወርቅ ንጹህ ወርቅ እስኪሆን ድረስ በእሳት ይፈተናል እንጂ፤ ንጹህ ወርቅ ከሆነ ባኋላ በእሳት ብናቀልጠው ዋጋ የለውም። ልክ እንደ ንጹህ ወርቅም፤ በመንፈሱ ንጹህ የሆነ ሰው በመከራ እና ጭንቀት ከልክ በላይ አይፈተንም።

💎ሰው ከአይምሮው ጋር ሰላም ሲኖረው መልካም ሁኔታዎችን በዙሪያው ይፈጥራል፤ ከራሱ ጋር ሰላም መፈጠር ሲሳነው ግን ለመጥፎ አጋጣሚዎች እራሱን ያጋልጣል። የትክክለኛ አስተሳሰብ መገለጫ ሰላማዊ መሆን ሲሆን ደስተኛ ያልሆነ ወይም ዝብርቅርቅ ያለ ኑሮ ደግሞ ትክክለኛ ያልሆነ አስተሳሰብ መለያ ነው። ሰው የተባረከ፤ ነገር ግን ድሃ ሊሆን ይችላል፤ ወይም ደግሞ የተረገመ ግን ደግሞ ሃብታም ሊሆንም ይችላል። ሰላማዊ ኑሮ እና ባለጸግነት አብረው የሚሄዱት፤ ሃብትን በአግባቡ እና በትክክለኛው መንገድ መጠቀም ሲቻል ብቻ ነው።

🔆ከልክ ያለፈ ድህነት እና ከልክ ያለፈ ቅንጦት እርካታ የሌለው ህይወት ተቃራኒ ጥጎች ናቸው። ሁለቱም ለአይምሮ ህመም ይዳርጋሉ። አንድ ሰው ትክክለኛ ሁኔታ ላይ ነው ያለው የሚባለው፤ ሃብቱ፤ ጤናው እና ደስታው ተጣጥመው መሄድ ሲችሉ ነው። ሃብት፤ ጤና እና ብልጽግና፤ የውጫዊ እና ውስጣዊ ማንነቶች የስምምነት ውጤቶች ናቸው።

☯ሰው እንደ ሰው ኖረ የሚባለው፤ ነገሮችን ማማረር ፤ሌሎችን መውቀስ ሲያቆም እና ህይወቱ የሚመራበትን ድብቅ ፍትህ መመርመር ሲጅምር ብቻ ነው። ወደራሱ መመልከትን ልምድ ሲያደርግ፤ ላለበት ሁኔታ ሌሎችን መውቀሱን ይተዋል። ውስጡን ያጠነክራል፤ አይምሮውን በጠንካራ አስተሳሰቦች ይገነባል። ከሁኔታዎች ጋር በጭፍን መጋፋጡን ትቶ፤ እራሱን ለመለወጥ እና በውስጡ ያለውን ድብቅ ሃይል እና ጉልበት ለመፈለግ እንደምክንያት ይጠቀመባቸዋል።

💎አለም በበላይነት በህግ እንጂ ግራ በመጋባት አትመራም፤ የህይወት መሰረትም ፍትህ ነው፤ አለምን በመንፈሳዊ መንገድ የሚያስሄዳት ትልቁ ሃይልም በህሊና ላይ የተመሰረተ ትክክለኛ ድርጊት ነው። ስለዚህ ሰው አለም ትክክለኛ መሆኗን እና አለመሆኗን ለመገንዘብ በመጀመሪያ እራሱ ትክክለኛ መሆን ይጠበቅበታል። ይህንን ለማውቅ በሚያደርገው ጥረትም፤ እራሱን በትክክለኛ መንገድ ሲያስሄድ ፤ የእሱ መለወጥ በሰዎች እና በሁኔታዎች ላይ እንዴት ተጽዕኖ እንደሚያደርግ ያስተውላል። የዚህ እውነታ ማረጋገጫም በእያንዳንዱ ሰው ውስጥ አለ። እራስን በመፈተሽ ማረጋገጥም ይቻለል። ለምስሌ አንድ ሰው አስተሳሰቡን ሙሉ በሙሉ ቢለውጥ፤ በህይወቱ ውስጥ የሚከሰተው ፈጣን ለውጥ ያስገርመዋል። ሰዎች አስተሳስብ ተደብቆ የሚቀር ይመስላልቸዋል፤ነገር ግን በአይምሮ ውስጥ ያለ ሃሳብ ተደብቆ ሊቀር አይቻለውም፤ ወደ ልምድ (ባህሪ) ይለወጣል እንጂ። ልምድ ደግሞ ሁኔታዎችን እና አጋጣሚዎችን ይፈጥራል።

☯ሰው እንደሰው ማሰብ ሲሳነው ደካማ አስተሳሰቡ ወደ መጠጥ ሱሰኛነት፤ ሴሰኛነት የመሳሰሉ የህይወት ልምዶች ውስጥ ይከቱታል። እኒህ ልምዶች ደግሞ  ለበሽታ እና ድህነት የሚያጋልጡ ሁኔታዎችን ይፈጥሩለታል። የተበከሉ አስተሳሰቦች በሙሉ ግራ በሚያጋባ አኗኗር ይገለጻሉ። በፍርሃት፤ በጥርጣሬ እና በመዋዠቅ ላይ የተመሰረቱ አስተሳሰቦች ፤ ደከማ እና ለውሳኔ የሚከብዱ ባህሪ እና ልምዶችን ሲያስከትሉ፤ እኒህ ባህሪ እና ልምዶች ደግሞ ውድቀትን፤ ድህነትን እና ጥገኝነትን ይፈጥራሉ። የስንፍና አስተሳሰቦች ሰው ንጽህናውን እንዳይጠብቅ እና ታማኝ እንዳይሆን ያደርጉታል፤ ሲቀጥልም ለልመና እና ለጥፋት ያደርሳሉ።የጥላቻ አስተሳሰቦች ለእረብሻ  እና ለጦርነት ይዳርጋሉ፤ እረብሻ እና ጦርነት ደግሞ ሰዎች የሚጎዱባቸውን ሁኔታዎች ይፈጥራሉ። የእራስ ወዳድነት አስተሳሰቦች አነሰም በዛም  ለጭንቀት ይገፋፋሉ።

🔆በአንጻሩ መልካም አስተሳሰቦች በመልካም ሁኔታዎች እና አጋጣሚዎች ይገለጻሉ። ከክፉ ነገር የጸዳ አስተሳስበ፤ እረጋ ያለ ባህሪ እንዲኖር ሲያደርግ፤ እረጋ ያለ ባህሪ ደግሞ ሰላምን ይሰጣል። በራስ መተማመን እና ወኔ ላይ የተገነቡ አስተሳሰቦች ደግሞ ለስኬት የሚያደርሱ ባህሪዎች እንዲፈጠሩ ያደርጋሉ። ነጻ የሆኑ እና ጉልበት ያላቸው አስተሳሰቦች ይቅር ባይ፤ ቀና እና ጠንካራ ማንነትን ያጎናጽፋሉ። በፍቅር እና ሌላውን ባማከለ መልኩ የሚጸነሱ አስተሳሰቦች ከራስ ወዳድነት የጸዳ ባህሪን ያላብሳሉ። ከራስ ወዳድነት የጸዳ ባህሪ ደግሞ እውነተኛ ሃብት እና ብልጽግናን የሚሰጡ ሁኔታዎችን ያመቻቻሉ።

☯ሰዎች ሁኔታዎችን እና የህይወት አጋጣሚዎቻቸውን በቀጥታ መምረጥ አይችሉም፤ ነገር ግን አስተሳሰባቸውን መምረጥ ይችላሉ። አስተሳሰባቸውን ሲመርጡ በተዘዋዋሪ ሁኔታዎችን እና የህይወት መንገዳቸውን መረጡ ማለት ነው ።

💡ይቀጥላል ......


@TIBEBnegni
@TIBEBnegni
@TIBEBnegni

🔑ባልንጀሮቻችሁን ባያችሁ ቁጥር ራሳችሁን ተመልከቱ " አሉ ጃፓናዊው መምህር ።

🟣" ግን እንደሱ ማድረጉ ራስ ወዳድነት አይሆንም ? "- አንደኛው ተማሪ ያቸው ጠየቀ ። - " ምክንያቱም ሁልጊዜ የምናተኩረው በራሳችን ላይ ከሆነ ፥ ሌሎች ሰዎች የያዙአቸውን መልካም እሴቶች ለማስተዋል እድል እናጣለን ። "

🔶" አንተ እንዳልከው ሌሎች ሰዎች የያዙአቸውን መልካም እሴቶች መመልከት የምንችል ቢሆን እንዴት ደግ ነበር ! " መለሱ መምህር ። - ቀጠሉና " እውነታው ግን አንተ ካልከው በተቃራኒው ነው ።

💡.. ሌሎች ሰዎችን ባየን ቁጥር የምንመርጠው እንከኖቻቸውን ነው ። የሌላኛውን ሰው ክፋ ገፅታ ለማግኘት የቻልነውን ያህል የምንባትለው ከእኛ የባሰ እንዲሆን ስለምንፈልግ ነው ። ስሜታችንን ሲጎዳን ይቅርታ ልናደርግለት የሚከብደንም የራሳችን ጥፋት ይቅር ያስብላል ብለን ስለማናምን ነው ።የምናውቃቸውን ጦረኛ ቃላት እያፈናጠርን እናቆስለዋለን ።

💎ይህን የምናደርገው እውነታውን ከራሳችን ለመደበቅ ስለምንፈልግ ነው ። ...ማንም ሰው ምን ያህል ተሰባሪ ፥ ምን ያህል ስንጥቅጥቃችን የበዛ ፥ ሽንቁራችን የጎደጎደ መሆኑን እንዳያይብን ስንል ጠቃሚ እንደሆንን አድርገን እናስመስላለን ።

🕰ለዚያም ነው ወዳጅህን በፈረድክ ፥ ሌላውን ሰው በበየንክ ቁጥር በትክክል ፍርድ ላይ ያለኸው ራስህ መሆንህንም ማወቅ የሚጠቅምህ ።

ውብ አሁን❤️

@TIBEBnegni
@TIBEBnegni
@TIBEBnegni

❄️ኑሮ እና ዋና

🌊መዋኘት የሚችል ሰው በውሃ ላይ የመንሳፈፍ ጥበቡን በደንብ ያውቀዋል። ውሃ ላይ ለመንሳፈፍ ጠንካራ መሆንን አይጠይቅም። ይልቅ ውሃ ደግ ሆኖ ከመስመጥ የሚታደገን ፈታ ብለን ስንጫወትለት ብቻ ነው። ውሃ ግትር ሰው አይወድም፤ እጅ እና እግሩን ከማያፍታታ ግትር ጋር ውሃ ልጫወት አይልም። በጉልበት እንሳፈፋለው ለሚል ሰውም ውሃ እርህራሄ የለውም።እኔ በግሌ ውሃ ላይ እምብዛም ድፍረት አለነበረኝም። ዋናን ከልጅነቴ ስላልተማርኩት፤ ካደግኩኝ በኋላ መማሩ አስፈርቶኝ፤ ለረጅም ጊዜ አቆይቼው ነበር። ከጊዜ በኋላ ግን ፍራቻዬን ወደዳር አድርጌ ከወሃ ጋር በጥቂቱም ቢሆን ለመስማማት ችያለው። እናም ወሃ ሳይ ሁሌም ትዝ የሚለኝን አባባል ላካፍላችሁ ወደድኩኝ…..

❄️አለን ዋትስ የተባለ አንድ ምሁር በአንድ ወቅት እንዲህ ሲል ሰምቸው ነበር ” እምነት ልክ እንደዋና ነው። ዋናተኛ ከውሃው ላይ ለመንሳፈፍ ከፈለገ፤ እጁን ዘርጋ አድርጎ በነጻነት በውሃው ላይ ይወራጫል እንጂ፤ ላለመስመጥ ሲል ዉሃውን ልጨብጥ አይልም። ውሃውን ልጨብጥ ብሎ ግትር የሚል ሰው እጣ ፋንታው መስመጥ ብቻ ነው፤ በውሃ ላይ ለመንሳፈፍ ምንም ነገር መጨበጥ የለብንም ፤ ዋና መዋኘት እና ህይወትን መኖር በጣም ተመሳሳይነት አላቸው”

“To have faith is to trust yourself to the water. When you swim you don’t grab hold of the water, because if you do you will sink and drown. Instead you relax, and float”.-Alan Watts

🌊እናም ሁል ግዜ ውሃ ሳይ ትዝ የሚለኝ ይህ አባባል ሆነ። ብዙዏቻችን በህይወት ባህር ውስጥ የምንሰምጠው፤ ከኑሮ ጋር በቀላሉ መንሳፈፍን ስላለመድን ነው። እርግጥም ኑሮ እንደዋና ፈታ ብለው የሚኖሩት ባህር ነው። ግትር መሆን ውሃውን ለመጨበጥ እንደመሞከር ይሆናል። በህይወታችን ወስጥ በእኛ ቁጥጥር ስር የሆኑ ነገሮች አሉ፤ ሌሎች ከእኛ ቁጥጥር ውጪ የሆኑ ደግሞ እጅግ ብዙ ነገሮች ይኖራሉ። በኑሮ ውስጥ መስመጥ የሚከሰተው ታዲያ፤ ከእኛ ቁጥጥር ወጪ የሆኑ ነገሮች ላይ ግትርነታችንን ለማሳየት ስንሞክር ነው። መለወጥ የማንችለውን ነገር በጉልበት ለመለወጥ ስንሞክር፤ የመዋኘት ጥበቡ ጠፍቶናል ማለት ነው።

💦አንድ ዋናተኛ ከሆዱ እየተሳበ እጅ እና እግሩን እያወራጨ ወደፊት ካልሄደም የመስመጥ እድሉ ሰፊ ነው። ኑሮም ላይ እንደዛው ትላንት ከቆምንበት ቦታ ካልተንቀሳቀስን፤ ውሃ ላይ እንደመቆም ይከብደናል። የሚገርመው የህይወት ሚስጢር በየተፈጥሮ ገንባር ላይ ተጽፎ መገኘቱ ነው፤ እርግጥ ነው ሶስተኛ አይን ኖሮት ላስተዋለው ሰው ብቻ የሚገለጥ ሚስጢር ነው።

🌊ሌላው ብዙዏቻችን የሚያሰምጠን ዋነኛው ምክንያት ለለውጥ ያለን አመለካከት ነው። አሁንም ከግትረነት ጋር የተያያዘ ነው። ለውጥ ምንም አይነት ይሁን ማስፈራቱ አይቀርም። ከማላውቀው መላዕክ የማላውቀው ሰይጣን ይሻላል አይነት ነገር ነው። ህይወት ወደድንም ጠላንም ባልታሰቡ ስጦታዎች የተሞላች ነች። እንደ ዋናተኛው በእምነት ፈታ ብለን ካልተንሳፈፍን በፍጹም ከለውጥ ጋር ተግባብተን ለመኖር አይቻለንም። #relax #beflexible እምነታችንን አስቀድመን ፤ ከጭንቀት ተላቀን፤ ከጠባብ አስተሳሰብ ወጥተን፤ ከጊዜው ጋር መለዋወጡን ልምድ አድርገን መኖር ከቻለን በቀላሉ ለመንሳፈፍ ይቻለናል።
✍አቤል ብርሀኑ


@TIBEBnegni
@TIBEBnegni
@TIBEBnegni

*የልብ ቋንቋ*

የህይወት ጣዕሙ የጠፋባቸው ሰዎች አሉ፤በየዕለቱ ተመሳሳይ ህይወት የሚኖሩና በህይወታቸው ውስጥ አዲስ ክስተት አጥተው ስልቹ የሆኑ ሰዎች ።

ዘወትር ተመሳሳይህይወት መግባትና መዉጣት ፣መብላትና መጠጣት ..ብቻ አዲስ ህይወት የሌለበት ስልቹ አለም።

እነዚህ ሰዎች ህይወትን በማሰብ (አእምሮ) ብቻ የሚኖሯት ሰዎች ናቸው።

ምክንያቱን የሰው ልጅ የልብ ቋንቋ ካልገባው በአእምሮ ብቻ ከኖረ ህይወት ትርጉም የሌለባት ባዶ ስለምትሆን ህይወትን በአእምሮ ሳይሆን በልብ ኑሯት ፤ ህይወታችሁን በልብ ቋንቋ ስትመሯ አእምሯችሁ ታላቅ ተፈጥሮን ያሳያችኧል ።
በአእምሯችሁ ስትኖሩ ፓለቲከኛ፣ዘረኛ፣ አክራሪ.......ወ.ዘ.ተ ትሆናላችሁ ፤ በልባችሁ ስትኖሩ ግን መንፈሳዊ ትሆናላችሁ።

በልባችሁ ስትኖሩ የህይወት ጣእሙ ይገባችኧል፤ የፍቅር ሙቀቱ ይሰማችኧል።

ተልእኳችሁን ስታውቁና በተሰጥኦዋችሁ ስትኖሩ የህይወታችሁ ገዢ ሀይል ከልባችሁ ይመነጫል።
አእምሯችሁም የልባችሁ ታዛዥ ይሆናል።
ተሰጥኦዋችሁን ፈልጉ ራሳችሁን ፈልጉ አግኙትም።
የዚያን ጊዜ ህይወታችሁ ከአሰልቺነት ወጥቶ በደስታ ይሆናል። "