Бүгүн, ахсынньы 24 күнүгэр, бааһынай хаһаайыстыбалаах фермердэри кытта үүт туттарыытыгар түмүгү таһаарар уонна кэлэр сылы былаанныыр сүбэ мунньах ыытылынна.

Сүбэ мунньахха бу сылга 10 тоннаттан элбэх үүтү туттарбыт бааһынай хаһаайыстыбалар чэлиэттэрэ кыттыыны ыллылар.
Сыл түмүгүгэн үүт туттарыытыгар бастыҥ көрдөрүүлээх фермерынан буолла - 121 тоннаны туттарбыт Ороһу нэһилиэгиттэн Тюляхов Айсен Игоревич, иккис көрдөрүүлээх фермер - 75 тонна үүтү туттарбыт Балҕаннаах нэһилиэгиттэн Кардашевский Петр Владимирович, улууска үһүс элбэх көрдөрүүлээх фермер - 44 тонна үүтү туттарбыт Сургуулук нэһилиэгиттэн Степанов Александр Федорович буоллулар.

Быйыл улууспутугар уопсайа 58 бааһынай уонна тэриллиилээх хаһаайыстыбалар үүтү туттардылар. Үүтү туттарыыга быйыл эбии улуус бүддьүөтүттэн 1 лиитэрэ үүккэ 15 солкуобай субсидия көрөммүт лиитэрэ үүткэ ылар харчыны үрдэппиппит. Маны тэҥэ былырыыҥҥы курдук үүт харчытын эһиилги сылга иэс хаалларбакка, бары үүт туттарааччыларга харчыларын кэмигэр сөпкө төлөһөн кэлэр сылга үүткэ иэһэ суох үктэнэн эрэбит.

Хороҕор муостааҕы иитиигэ, элбэтиигэ, үүтү туттарыыга, эт аһы оҥорон таһаарыыга сүҥкэн кылааты киллэрэр туруу үлэһит дьоммутун кытта кэлэр 2025 сылга ыытыллар үлэни былааннастыбыт, фермердар санааларын истэн, этиилэрин ылынан инники үлэ сыала-соруга туруорулунна. Маны сэргэ, эһиил үүт лиитэрэтин 100 солкуобайга диэри үрдэтэрги этии киллэрдилэр.

Кэлэр сылга өрөспүүбүлүкэ үрдүнэн киирээри турар саҥа механизымнар тыа хаһаайыстыбатын араас хайысхаларын өйөөһүҥҥэ төһүү күүс буолуоҕа диэн бигэ эрэллээхпит.

#КрестьянскоФермерскиеХозяйства
#Молокозаготовка
#ВерхневилюскийУлус

T.me/us/ValeriNikolaev.com