group-telegram.com/belsat/110906
Last Update:
Прынеслі вам падборачку святочных фільмаў на беларускай мове. Рэкамендуем да прагляду!
1. Адзін удома, 1990, і Адзін удома – 2, 1992
Вечная класіка. Сваякі Кевіна вырашылі адпачыць на Каляды ў Парыжы, але забываюць хлопчыка ўдома. Цяпер усімі любімую гісторыю пра Кевіна можна паглядзець і на беларускай мове.
2. Вучань Святога Мікалая, 2010
Святы Мікалай мусіць сысці на пенсію і абраць сабе спадкаемцу. Ці атрымаецца ў яго?
3. Калядная гісторыя, 2007
Калісьці даўно ў хлопчыка Нікаласа загінулі бацькі акурат перад Калядамі. Яго ратуюць жыхары лапландскай вёскі. Цягам году пра яго клапоціцца адна з сем'яў, а на развітанне той дорыць ім падарункі.
4. Дрэнны Санта, 2003
Калісьці Вілі сядзеў у турме, а цяпер беспрабудна пʼе і падпрацоўвае Сантам перад святамі. Але знайшлося дзіця, якое паверыла ў Вілі, і ён спрабуе стварыць для яго сапраўдны цуд.
5. Мінулыя Каляды, 2019
Гісторыя кахання Кейт, якая працуе ў краме калядных тавараў ды злоўжывае алкаголем. Аднойчы яна сустракае мілага хлопца Тома, які змяняе ўсё ейнае жыццё.
6. Падынгтан, 2014, і Падынгтан 2, 2017
Мядзведзь Падынгтан прыязджае ў Лондан каб здабыць сямʼю і стаць сапраўдным англійскім джэнтльменам. Ці атрымаецца ў яго?
7. Гары Потэр і філасофскі камень, 2001
Усім вядомы фільм пра хлопчыка, які выжыў. Маленькі сірата Гары даведваецца, што ён чараўнік, і адпраўляецца ў школу магіі. Здаецца, амаль у кожнай сямʼі цяпер існуе традыцыя пераглядаць яго перад святамі. Цяпер гэта можна зрабіць і па-беларуску.
8. «Гэта цудоўнае жыццё», 1946
Перад Калядамі Джордж вырашае скончыць жыццё самагубствам. Але Нябёсы пасылаюць яму на дапамогу анёла-ахоўніка Клэрэнса, які паказвае Джорджу, якім бы быў свет без яго.
