НАШЫ ПРАЕКТЫ.
"СІЛА ВЕРЫ" :
СПАДЧЫНА СТРОЧЫЦ.

Беларусы - народ набожны. Спрадвечна. Мяняліся часы, але "сіла веры" у Бога, у Сусвет, у найвышэйшы і найразумнейшы Промысел - жыла. У язычніцкія часы - былі адны Богі, з прыходам хрысціянства - жыццё беларуса падпарадкавалася Евангеллю, Іісусу Хрысту і яго ісцінам.

Дзіўна, але ў нашым жыцці і побыце захаваўся цудоўны мікс - павагі і да царкоўных канонаў, і памяць пра старадаўнія верванні нашых продкаў... Дзівосным чынам дэманструе гэтую трывалую традыцыю... беларускі дзяржаўны музей народнай архітэктуры і побыту ў Строчыцах !

Сярод экспанатуры тут - і храмы, і капліцы-узоры хрысціянскага дойлідства, і зборы ікон - праваслаўных, каталіцкіх, уніяцкіх, жывое мастацтва батлейкі... Тут жа - калекцыі абярэгаў і рэканструкцыі даўніх рытуалаў і абрадаў на Каляды, на Святога Яна, на Дзяды...

Новы выпуск тэлепраекта "СІЛА ВЕРЫ" будзе - са скансэна.

Паглядзіце сёння ў 13.30 і заўтра ў 07.30 на тэлеканале "БЕЛАРУСЬ-3".