group-telegram.com/dzianisivashyn/2279
Last Update:
1⃣2⃣7⃣2⃣ дні ў палоне. 6⃣ дзён без 💌.
Турма №8 Жодзіна, строгі рэжым!
Зьявілася інфармацыя пра тое, што палітвязьняў у Беларусі працягваюць вызваляць. Яшчэ 30 чалавек ужо хутка абдымуць сваіх родных. Цудоўная навіна! Спадзяемся, працэс будзе доўжыцца й надалей.
А сёньня за кратамі чарговыя Народзіны вымушаны сьвяткаваць Максім Знак сумленны адвакат, паэт і пісьменьнік. Зычым яму, як і Дзянісу Івашыну ды іншым палітзьняволеным, - найхутчэйшага вызваленьня!
А ў якасьці натхняльнага падарунка й зычэньня прапаную пачытаць лёгкі й пазытыўны верш Дзяніса, які ён напісаў напачатку верасьня:
"Давайце ўявім мы наўпрост,
Што скончылася нашае расстаньне.
Уздымем келіхі пад тост
За хуткае шчасьлівае вяртаньне.
Паразмаўляем, паспрачаемся, пасварымся і памаўчым.
У любові сямейнай шчыра пакаемся,
Гарэзна й салодка душою закрычым!"
Барацьба за вызваленьне краіны трывае!
СВАБОДУ ПАЛІТВЯЗЬНЯМ І ВЯЗЬНЯМ СУМЛЕНЬНЯ!
#FREEIVASHYN #FreePoliticalPrisonersInBelarus
BY Дзяніс Івашын (Dzianis Ivashyn)
Share with your friend now:
group-telegram.com/dzianisivashyn/2279