Арвыкомы фӕндаг у ӕхгӕд, Уӕллаг Ларсы сӕмбырд мингай адӕм

🔻Контролон-уадзӕн пункт дыккаг бон у ӕхгӕд. Уӕзласӕн машинӕты рад райдайы Балтайы, рог хӕдтулгӕты рад та — Цымийы, ӕмӕ адӕмӕй иуы бон дӕр зæгъын нӕу, арӕн кӕд байгом уыдзӕн, уый.

💬 «Нӕдӕр бастдзинад, нӕдӕр исты информацион бюро. Кӕмӕфӕнды ма бацæуай — ничи ницы зоны, хъыгагӕн. Ӕнхъӕлмӕ уал кӕсӕм. Нӕ зонын, цас ӕнхъӕлмӕ кӕсын ма нӕ бахъӕудзӕн», — радзырдта «Сапӕ»-йӕн Заза Чежия.

Заза цӕры Саратовы, кусы дзы ӕфсӕнвӕндагыл. Афӕдз иу хатт ӕнӕмӕнг фӕцӕуы йӕ мадмӕ Гуырдзыстонмӕ, Зугдидимӕ. Арӕхдӕр цӕуын ын нӕ уайы. Фӕлӕ ацы аз ӕрдз йӕхи уынаффӕ бакодта ӕмӕ, чи зоны, ныр дӕр йӕ йӕ фӕнд ма сӕххӕст уа.

💬 «Сом сихормӕ — ӕппынфӕстаг 15 сахатмӕ — фӕндаг куы нӕ байгом кӕной, уӕд мын фӕстӕмӕ цӕугӕ уыдзӕн. Кӕннод хӕдзармӕ афоныл нӕ бахӕццӕ уыдзынӕн. Уымӕн ӕмӕ ма мӕ Тбилисӕй Зугдидимӕ суткӕйы бӕрц цӕуын хъӕуы. Мӕ мад мӕм фӕхӕрам уыдзӕн, фӕлӕ цы кӕнон», — дзуры Заза.

Жумахан Ергалиев та у Казахстанӕй. Тынг ӕй фӕндыд йӕ гуырӕн бон Гуырдзыйы сбӕрӕг кӕнын. Фӕлӕ уал йӕ бон хъармгӕнӕн пунктæй дарддӕр ацӕуын нӕу. Арӕны цур чи ис, уыдонӕн хъармгӕнӕн бынат бацӕттӕ кодта ӕнӕнхъӕлӕджы уавӕрты министрад. Адӕмы бон дзы у цай, къофи бацымын.

«Иннӕбон мӕ гуырӕн бон у. Уарзын алы бӕстӕтӕм цӕуын, сӕ ӕрдзмӕ кӕсын, сӕ рӕсугъд бынӕттӕм. Ацы хатт мӕ фӕндыд Гуырдзыстон бабӕрӕг кӕнын.Фӕлӕ арӕн куы нӕ байгом кӕной, уӕд ӕй Ирыстоны сбӕрӕг кӕндзынӕн», — дзуры Жумахан.

Зӕгъын хъӕуы уый дӕр, ӕмӕ ӕнӕнхъӕлӕджы уавӕрты министрад цы дыууӕ хъармгӕнӕн пункты сӕвӕрдта, уыдон се 'ппӕты фаг нӕ кӕнынц: æгӕр бирӕ адӕм дзы ис. Рады лӕууӕг сылгоймӕгты та бахъӕуы пункттӕм дардӕй цӕуын.

💬 «Иу цатыр дзы куы сӕвӕрдтаиккой 50-100 адӕймагӕн, уӕд хорз уыдаид. Цӕмӕй адӕймаджы бон ӕрхуыссын уа, йӕхи ахъарм кӕнын. Машинӕты ныр цал боны стӕм. Ныр дыууӕ суткӕйы стӕм ам. Æмæ дзы уӕддӕр къуындӕг у, пункты хуызӕн нӕ. Фӕлӕ уый дӕр нӕ фаг кӕны. Адӕм бирӕ сӕмбырд, бынат та нӕй», — хъаст кӕны Жумахан.

➡️ Зӕгъдзыстӕм ма уый дӕр, ӕмӕ ӕрдзон уавӕртӕ кӕй аивтой, уый аххосӕй Арвыкомы фӕндаг 26 ноябрӕй у ӕхгӕд.

⚫️ Дæхи «СапÆ»-йыл бафысс

Абоны цаутыл афӕлгӕсгӕйӕ, уӕ цӕст цавӕр ныхӕстыл ӕрхӕцыд?

➡️ Ацы изӕр уӕ зонгӕ кӕнӕм ног дзырдимӕ — ӕдасдзинад.

⚫️ Дæхи «СапÆ»-йыл бафысс

Алы райсом пайдаимӕ!

📆 Кӕд цард чиныг у, уӕд йӕ бонтӕ — сыфтӕ. Чиныджы сыфтыл та ӕмбисӕндтӕ дӕр вӕййы.

#ӕлвӕст_хъуыдытӕ

Мӕскуыйы ӕрцахстой Гогаты Батрадзы ӕртӕ ӕмбалы, азымджын сты стыр ӕхцатӕ фӕлгъауынӕй

🔻Барадхъахъхъӕнджытӕ куыд сбӕрӕг кодтой, афтӕмӕй Ц. Аслан, Б. Артур ӕмӕ Г. Султан хъыгдардбаййафджыты бастыгътой ӕмӕ сӕхи бамбӕхстой. Знон изӕрӕй сӕ Мӕскуыйы ӕрцахстой ӕмӕ сӕ Дзӕуджыхъӕумӕ ӕрбаластой. Ныр семӕ кусынц слестгӕнджытӕ.

«Сапӕ» куыд базыдта, афтӕмӕй Гогаты Батрадз ӕмӕ йе 'мбӕлтты къухтӕм бафтыд, фӕсивӕд ӕнӕуаг митӕ кӕм кӕнынц, уыцы видео. Видеойы архайджытӕй райдыдтой бирӕ ӕхца домын. Цæмӕй видео ма апарахат кӕной, уый тыххӕй та сын сӕхи номыл исын кодтой кредиттӕ. Афтӕмӕй хъыгдардбаййафджытӕ райстой дыууӕ стыр кредиты, стӕй банк кредит куы нал лӕвӕрдта, уӕд ӕххуысагур пъӕлицӕмӕ араст сты. Фӕлгъауджытӕ та республикӕйӕ ӕндӕр ранмӕ ацыдысты.

➡️ «Сапӕ» куыд фыста, афтӕмӕй 4-ӕм ноябры Гогаты Батрадзы ӕрцахстой, 10-ӕм ноябры та йын Дзӕуджыхъӕуы Ленины районы тӕрхондон рахаста 30-ӕм декабрмӕ хъахъхъӕнджыты къухы уӕвыны тӕрхон.

⚫️ Дæхи «СапÆ»-йыл бафысс

Абоны цаутыл афӕлгӕсгӕйӕ, уӕ цӕст цавӕр ныхӕстыл ӕрхӕцыд?

➡️ Ацы изӕр уӕ зонгӕ кӕнӕм ног дзырдимӕ — къахкъӕлӕттӕ.

⚫️ Дæхи «СапÆ»-йыл бафысс

Алы райсом пайдаимӕ!

📆 Кӕд цард чиныг у, уӕд йӕ бонтӕ — сыфтӕ. Чиныджы сыфтыл та ӕмбисӕндтӕ дӕр вӕййы.

#ӕлвӕст_хъуыдытӕ

Цæгат Ирыстоны къахкъæлæттыл аив бырын ахуыр кæнын æрмæст иу лæппу

🔻Фондзаздзыд Саулохты Давид ихыл æрдæг азы размæ слæууыд. Æмæ ныртæккæ у, къахкъæлæттыл аив бырын чи ахуыр кæны, иунæг ахæм лæппу республикæйы. Нырма сæйраг элементтыл кусы. Йæ тренертæ куыд зæгъынц, афтæмæй сыл æрдæг азмæ фæцалх уыдзæн æмæ цæттæ уыдзæн ерыстæм цæуынмæ.

💬 «Нæ зæрдæ дарæм, тагъд æй турниртæм кæнын кæй райдайдзыстæм æмæ иннæ регионты минæвæрттимæ ерысхъом кæй уыдзæн, ууыл. Хъыгагæн, спорты ацы хуызы лæппутæ стæм ис. Æмæ канд махмæ нæ, иннæ регионты дæр афтæ у», – зæгъы тренер Торчынты Аланæ.

Фидæн аз «Тагбан»-ы æмбырд кæндзысты хоккейы командæ. Исдзысты 2020 азы гуырд спортсменты. Æмæ Давиды ахуыргæнджытæ æдас не сты, лæппу йæ къахкъæлæттæм клюшкæ куы бафтауа, уымæй. Уæддæр сæ зæрдæ дарынц, семæ кæй баззайдзæн æмæ, ам дæр лæджыхъæд равдисынæн хорз гæнæнтæ кæй ис, уый адæмæн кæй бауырнын кæндзæн.

💬 «Сывæллæтты сæ ныййарджытæ æрбакæнынц æмæ сæм, æвæццæгæн, афтæ фæкæсы, цыма спорты ацы хуыз лæппутæн нæу. Афтæмæй та сыл стыр физикон тых æфты», – æмбарын кæны Торчынты Алинæ.

➡️ Кæстæр къорды ис 20 сывæллоны. Арæх бацархайынц æппæтуæрæсеон турнирты æмæ сын вæййы æнтыстытæ. Фæстаг хатт Стъараполы турниры рамбылдтой æртæ майданы.

⚫️ Дæхи «СапÆ»-йыл бафысс