group-telegram.com/peruash/9508
Last Update:
Биылғы жылдың 3 шілдесінде жер және жер қойнауы халыққа тиесілі делінген ҚР Конституциясының 6 бабының 3 тармағына сай ҚР Үкіметін ірі мұнай-газ жобалары бойынша ӨБК шарттарын жария етуге міндеттеу талабымен «Ақ жол» демпартиясы атынан ҚР Конституциялық сотына жүгіндім.
(https://akzhol.kz/kk/blog/a-zhol-dempartiiasn-zher-zhne-zher-ojnau-hala-tiesl-delngen-r-konstituciia-normasna-saj-r-kmetn-r-mnaj-gaz-zhobalar-bojnsha-bk-sharttarn-zhariia-etuge-mndetteu-talabmen-r-konstituciial-sotna-tnsh).
Оған дейін «Ақ жол» фракциясының депутаттық сауалдары 2022 жылдың 15 маусымында
(https://akzhol.kz/kk/initiated-bills/a-zhol-dempartiias-kmetten-r-sheteldk-investorlarmen-mnaj-gaz-zhne-metall-resurstarn-ndru-tural-kelsmn-sharttarn-hal-aldnda-ashud-talap-ett) және 2023 жылдың 12 сәуірінде үкіметке жолданған (https://akzhol.kz/kk/initiated-bills/a-zhol-ban-dejng-mnaj-gaz-salasnda-sheteldk-investorlarmen-zhasrn-zhasalan-kelsmsharttard-hala-zhariia-etud-talap-ett).
Екі сауалға да үкімет қарсы жауап қайтарды.
Алайда, тәуелсіз журналистердің деректері бойынша, қоғамнан жасырын Өнімді бөлу туралы келісімдердің аясында (ӨБК) Қазақстанға өз табиғи ресурстарын игеруден шағын ғана үлес тиеді. Нақтырақ айтсақ, Орда.кз дерегіне сәйкес (Wood Mackenzi халықаралық консалтингтік компаниясының ақпаратына сілтеме жасап), қазіргі уақытта Республикадағы шетелдік инвесторлар Қашаған ірі мұнай-газ кен орынында шикізат өндіріп, оның 2% (!!!) ғана қалдырады (https://orda.kz/brilliant-v-korone-kazahstana-kto-vyigryvaet-ot-prodazhi-nefti-na-kashagane/).
«Ақ жол» демпартиясы мұндай шарттарды (шындыққа жанасса) әділетсіз әрі 2022 жылдың 5 маусымында өткен президент Қ. Тоқаевтың конституциялық реформаларына сай емес деп санайды. Біздің дәйектер аталған депутаттық сауалдар мен Конституциялық сотқа жолданған өтініште келтірілген.
Дегенмен, бүгін ҚР КС «өтініште көтерілген мәселелерді қарастыру Конституциялық соттың құзыретіне кірмейді» деген желеумен бұл өтінішті қараудан бас тарту туралы жауабын алдым (https://akzhol.kz/kk/blog/r-konstituciial-sotn-zher-zhne-zher-ojnau-hala-tiesl-delngen-r-konstituciia-normasna-saj-r-kmetn-r-mnaj-gaz-zhobalar-bojnsha-bk-sharttarn-zhariia-etuge-mndetteu-tural-a-zhol-dempartiiasn-saualna-zhauab).
Тығырық? Қалай болғанда да, бұл жағдаймен келісе алмаймыз. Қоғам Үкіметтің халық байлығын қалай пайдаланып жатқаны туралы білуі керек деп санаймыз.
Бұл жауап үшін Конституциялық соттың өзін сотқа беруге бола ма екен?
BY Азат Перуашев
Share with your friend now:
group-telegram.com/peruash/9508