group-telegram.com/prisoners_spring96/3927
Last Update:
📍Заўтра адбудзецца апеляцыя па справе бізнэсоўцы Уладзіміра Балабановіча
Уладзімір — бізнесоўца, сузаснавальнік кампаніі Industrial Kinetic Lab. Таксама ён былы дырэктар дэпартамента бяспекі ў групе кампаній "Белагра". А да нядаўняга часу быў дырэктарам кампаніі "Молпак", якая займаецца аптовым гандлем малочкі.
Мужчыну абвінавацілі у "распальванні іншай сацыяльнай варожасці або варажнечы" (ч. 1 арт. 130 КК), а таксама ў "закліках да мер абмежавальнага характару, скіраванымі на прычыненне шкоды нацыянальнай бяспецы краіны" (ч. 3 арт. 361 КК). Судовы працэс над ім адбываўся ў траўні 2024 года ў Мінскім гарадскім судзе. Справу разглядала суддзя Вера Галаўкова. Верагодна, Уладзіміру прызначылі пазбаўленне волі.
У Вярхоўным судзе 23 ліпеня адбудзецца разгляд апеляцыйнай скаргі палітвязня. Рашэнне будзе прымаць судовая калегія пад старшынствам суддзі Святланы Бандарэнкі.
✍️Калі вам вядомыя падрабязнасці справы ці інфармацыя пра Уладзіміра — калі ласка, напішыце на @Viasnainfo
BY Вясна: Палітвязні Беларусі
Share with your friend now:
group-telegram.com/prisoners_spring96/3927