group-telegram.com/soliqnews/11190
Last Update:
#JShShIR
Chet el fuqarolarini soliq organlarida masofadan turib hisobga qo‘yish uchun my3.soliq.uz sayti interaktiv xizmatidan foydalanish mumkin.
Chet el fuqarolarini soliq organlarida hisobga qo‘yish uchun soliq inspeksiyalariga borish yoki murojaat yo‘llash talab etilmaydi.
Buning uchun "Xizmatlar" toifasidan "Jismoniy shaxslar uchun" sahifasi tanlanadi. Ushbu sahifaning "Shaxsiy ma'lumotlar" bo‘limida “STIRingizni aniqlang tugmasi bosiladi.
“STIR yoki JShShIRingizni tekshiring” bo‘limida "Jismoniy shaxs" satrida "Chet el fuqarosi" tanlanadi, so‘ngra JShShIR hamda himoya kodi kiritilib “Izlash” tugmasi bosiladi.
Tizim qisqa soniyalar ichida Personallashtirish agentligi ma’lumotlar bazasiga so‘rov yuboradi.
✅Agar ekranda chet el fuqarosining F.I.Sh paydo bo‘lsa, demak JShShIR Davlat personallashtirish markazi ma’lumotlar bazasida mavjud ekanligi tasdiqlanadi va ushbu jismoniy shaxs haqidagi ma'lumotlar shu zahoti Soliq qo‘mitasi ma'lumotlar bazasida shakllanadi, ya'ni chet el fuqarosi soliq organlarida hisobga qo‘yiladi.
❌Agar JShShIR kiritilgandan so‘ng “Personallashtirish agentligi ma’lumotlar bazasida ushbu JSHSHIR bo‘yicha ma’lumot mavjud emas” yozuvi ko‘rinsa, ushbu JShShIR Personallashtirish agentligi ma’lumotlar bazasida mavjud emasligini anglatadi. Ushbu holatda, chet el fuqarosi Ichki ishlar vazirligining hududiy Migratsiya va fuqarolikni rasmiylashtirish bo‘limlariga yoki Davlat xizmatlari markazlariga murojaat qilishlari lozim.
Тelegram |Facebook |Youtube| Instagram |Twitter | Threads
