group-telegram.com/viasna_brest/3938
Last Update:
"Вясна/Правы чалавека ў Беларусi" прызнана "экстрэмісцкім фармаваннем". Ці тычыцца гэта берасцейскай "Вясны", пакуль што да канца не зразумела
Сёння спачатку блізкі да сілавікоў тэлеграм-канал, а затым МУС у каментары агенцтву БелТА паведамілі:
📝 "Група грамадзян, аб'яднаная пад назвай 'Вясна/Правы чалавека ў Беларусi', прызнана экстрэмісцкім фармаваннем. Дзейнасць групы і звязаных з ёй больш чым 30 рэсурсаў забаронена на тэрыторыі Беларусі".
Адпаведных змен у "спісе экстрэмісцкіх фармаванняў", які публікуецца на сайце МУС, па стане на 21:00 23 жніўня 2023, няма. Так што зразумець, што дакладна забаранілі, пакуль што не ўяўляецца магчымым. Бо, напрыклад, гомельскую "Вясну" нядаўна прызналі "экстрэмісцкім фармаваннем" асобным рашэннем.
Прычынай для статусу "экстрэмісцкага фармавання" МУС назвала тое што "Вясна" нібыта займаецца "арганізацыяй дзейнасці па падрыхтоўцы здзяйснення замахаў на суверэнітэт і грамадскую бяспеку Рэспублікі Беларусь, дыскрэдытацыяй і абразай службовых асоб".
BY Вясна | Брэст
Share with your friend now:
group-telegram.com/viasna_brest/3938