Украіна і надалей будзе падтрымліваць развіцьцё беларускай мовы, — Ігар Кізім

Пасол па асобых даручэньнях МЗС Украіны па Беларусі Ігар Кізім спраставаў чуткі аб тым, што беларускую мову хочуць пазбавіць падтрымкі ва Украіне, назваўшы гэтую інфармацыю расейскай ІПСО:

"У некаторых публікацыях у Telegram я ўбачыў навіну пра тое, што Кабінэт міністраў нібыта ўхваліў зьмены ў праект Закону аб Хартыі аб рэгіянальных мовах і нібыта выключыў беларускую мову са сьпісу моваў, разьвіцьцё якіх патрабуе дзяржпадтрымкі. Ніхто нават не зьвяртае ўвагі на тое, што фактычнае пасяджэньне Кабінета міністраў толькі сёньня. Затое ўжо былі негатыўныя каментары і на адрас амбудсмэна, і наконт адсутнасьці стратэгіі, і тэлефанавалі з Белсату, які «падхапіў» гэтую аблуду.

Слухайце, ну паглядзіце праект на афіцыйным сайце, ён у адкрытым доступе. Там беларуская мова на першым месцы (паводле альфабэту). Як кажуць, вывучайце матчастку, а не падтрымлівайце хай і прымітыўнае, але ўсё ж ІПСО расейска-беларускіх афіцыйных уладаў і/ці прапагандыстаў"

❗️Былі памілаваныя яшчэ 20 палітвязьняў

Паведамляецца, што сярод іх 11 жанчын і 9 мужчын. 14 чалавек маюць хранічныя захворванні, у 10 асуджаных ёсць дзеці, адна жанчына мае 4 дзяцей.

Будні "вялікай імпэрыі": «Вады няма ні днём, ні ўначы, кожны дзень, у тым ліку ў сьвяты і выходныя. Мы не можам нармальна прыгатаваць, выкупацца, бытавыя справы зрабіць»

Жыхары Стаўрапольскага краю запісалі відэазварот да свайго бацюшкі-цара Уладзіміра Пуціна: яны просяць вырашыць праблему з водазабеспячэньнем у пасёлку Ясная Паляна.

Па іх словах, на працягу 10 гадоў яны не атрымліваюць у пітную ваду ў поўным аб'ёме. За апошнія два гады сітуацыя значна пагоршылася — ваду сталі адключаць на адзінаццаць гадзін штодня. Пры гэтым адключэньні адбываюцца па вызначаным графіку, які не ўзгаднялі з мясцовымі жыхарамі. "Вады няма ні днём, ні ноччу, кожны дзень, у тым ліку ў святы і выхадныя", — падкрэслілі людзі.

Мясцовыя ўлады бяздзейнічаюць і не могуць растлумачыць, чаму ўзнікла такая праблема: адзін чыноўнік заяўляе аб зносе сістэмы, іншы сцвярджае, што гэта толькі сезонны недахоп вады. Губернатар рэгіёну таксама не робіць дзеяньняў, хоць яшчэ ў 2018 годзе спецыялізаваная камісія правяла ацэнку стану сістэмы водазабеспячэньня. Камісія ўстанавіла, што трубы зношаныя на 100%.

«Мы не можам нармальна прыгатаваць, выкупацца, бытавыя справы зрабіць. Нам даводзіцца запасацца вадой, але гэтага недастаткова. <…> Наша вада дрэннай якасьці: мыльная, рознага колеру, з белым асадкам. Мы баімся піць гэтую ваду», — кажуць жыхары "вялікай краіны" ў сваім відэазвароце.

Яны патрабуюць прызнаць сітуацыю аварыйнай і пабудаваць ім новы вадавод.

"Любят русские люди бунтовать! Встанут на колени перед барским домом и стоят, подлецы! И ведь знают, что бунтуют, и всё равно стоят!" (Міхаіл Салтыкоў-Шчадрын)

Прэзідэнт Азербайджана фактычна даў Пуціну публічную пстрычку па носе: запатрабаваў ад Расіі ня толькі выбачэньняў, але і прызнаньня віны, пакараньня вінаватых і выплаты кампенсацый за крушэньне самалёта Embraer

Прэзідэнт Азербайджана Ільхам Аліеў заявіў, што Расія нясе адказнасьць за крушэньне 25 сьнежня азербайджанскага самалёта Embraer, які накіроўваўся з Баку ў Грозны, і "хоча замяць пытаньне".

«Па-першае, расейскі бок павінен папрасіць прабачэньня ў Азербайджана. Па-другое, павінна прызнаць сваю віну. Па-трэцяе, вінаватыя павінны быць пакараныя, прыцягнуты да крымінальнай адказнасьці, і Азербайджанскай дзяржаве, пацярпелым пасажырам і членам экіпажа павінны быць выплачаны кампенсацыі. Гэта нашыя ўмовы. Першае з іх ужо было выканана ўчора. Спадзяюся, што і іншыя нашы ўмовы будуць прыняты. Усе гэтыя ўмовы справядлівыя. Тут няма якіх-небудзь надзвычайных патрабаваньняў або пытаньняў, гэта заснавана на міжнародным вопыце і прынцыпах нармальных чалавечых паводзінаў», — заявіў у інтэрв'ю.

Ён сказаў, што гэтыя ўмовы былі даведзены да расейскага боку 27 сьнежня. Пры гэтым кіраўнік Азербайджана заявіў, што першыя тры дні ўлады краіны "не чулі ад Расіі нічога, акрамя вар'яцкіх версій".

«Адным з момантаў, які нас засмуціў і здзівіў, было тое, што расейскія афіцыйныя структуры вылучылі версіі аб выбуху нейкага газавага балона. Тое адкрыта паказала, што расейскі бок хоча замяць пытаньне, і гэта, вядома, нікому не робіць гонару », – сказаў ён.

Сёньня стала вядома, што Пуцін і Аліеў правялі ўжо трэцюю тэлефонную размову пасьля крушэньня самалёта "Азербайджанскіх авіяліній". Нагадаем, у авіякатастрофе загінулі 38 чалавек, у тым ліку сем расіян. Ільхам Аліеў заявіў, што самалёт абстралялі з зямлі, калі борт ляцеў над Чачнёй.

Нехта з кіраўніцтва РФ на гэтым тыдні два дні правёў у Вашынгтоне — расейскія каналы

Па іх словах, маршрут самалёта са спецыяльнага лётнага падраздзяленьня «Расія» сьведчыць менавіта пра гэта. Яны пішуць, што гэта нібыта можа сьведчыць аб таемных перамовах, вынікі якіх могуць стаць вядомыя ў бліжэйшыя дні.

Сёньня дзень народзінаў Паўла Севярынца

30 сьнежня 1976-га нарадзіўся Павал Севярынец, беларускі дзеяч, пісьменьнік, палітвязень.

На жаль, свой 48-ы дзень народзінаў Павал сустрэне ў лукашэнаўскай турме.
7 чэрвеня 2020 году Паўла Севярынца арыштавалі і пазьней абвінавацілі ў падрыхтоўцы масавых беспарадкаў. 25 траўня 2021 году яго асудзілі на 7 гадоў калёніі строгага рэжыму.

«Усё, што я раблю, я раблю на голым энтузіязме». Аксана Акуневіч пра культурную прастору «аКсяродак» і беларускамоўную школу ў грузінскім Батумі

Няўрымслівая, усмешлівая Аксана Акуневіч заўжды ў акружэньні людзей. Кожны наведнік беларускай шматфункцыянальнай прасторы «аКсяродак» у Батумі імкнецца перакінуцца з ёй слоўцам. «аКсяродак» стаўся сапраўдным месцам прыцягненьня беларусаў Батумі, куды можна завітаць нават у вольны ад мерапрыемстваў час. Аксана Акуневіч нядаўна выехала ў Польшчу, каб атрымаць праязны дакумент. Пры гэтым і «аКсяродак», і беларуская школа працягваюць дзейнічаць.

Як удаецца кіраваць працэсам на адлегласці, што самае складанае і самае натхняльнае ў працы, Аксана распавяла ў інтэрв’ю для Budzma.org.
https://budzma.org/news/aksana-akunevich-pra-aksyarodak.html

❗️Зянон Пазьняк апублікаваў свой навагодні зварот, у якім заклікаў да спыненьня рэпрэсій у Беларусі

"Спяшаймася рабіць добрыя справы!

Хай вечна жыве наш вялікі Беларускі народ!
Хай жыве Беларусь!
Слава Айчыне!"

https://youtu.be/N6UopdLAsj4?feature=shared

Рэжым прызнаў "экстрэмісцкімі" чарговыя раённыя чаты. Нюанс у тым, што гэта раённыя чаты... Варшавы

У сьпіс патрапілі групы «Прага Беларуская ў Варшаве / Praga bialoruska w Warszawie», «Беларусы Віланува. Wilanow Bialoruski», «Беларусы во Влохах, Вва.Bialorusini we Wlochach», «Беларусы Урсынава (Варшава) / Bialorusiny Usrynowa, Wawa», «Беларусы Варшавы: Mokotow (мокотув) I ня толькі».

Фінляндыя знайшла сляды якара на марскім дне, якія паказваюць на верагоднае пашкоджаньне кабеляў расійскім танкерам Eagle S, — Bloomberg

Старшы інспектар Нацыянальнага бюро расследаваньняў Самі Пайла заявіў, што сьлед даўжынёй дзясяткі кіламетраў пачынаецца ў месцы разрыву 170-кіламетровай лініі электраперадачы, якая злучае Фінляндыю і Эстонію.

Танкер Eagle S быў вызначаны як вінаваты ў аварыі. Адзін з якароў судна, які адсутнічае, як мяркуецца, зачапіўся за кабель 25 снежня. Таксама фіксуюцца збоі ў працы чатырох падводных кабеляў перадачы даных. З-за дрэннага надвор'я даследаваньне судна і марскога дна часова адкладзена.

Нагадаем, на танкеры Eagle S, затрыманым Фінляндыяй, было знойдзена шпіёнскае абсталяваньне для адсочваньня тэхнікі НАТА. Судна таксама падазраецца ў пашкоджаньні кабеля Estlink 2 і іншых дыверсіях на падводных камунікацыях.

Акрамя таго, раней крыніцы ў НАТА паведамілі фінскаму выданню Iltalehti Journal, што расея адпрацоўвае сцэнары нападу на Фінляндыю і іншыя краіны ўсходняга флангу НАТА. Мэтамі патэнцыйнага ўварваньня могуць стаць тэрыторыі да ракі Кюміёкі і праліў Пуумалан.

З’явілася нейрамадэль агучкі беларускай мовы

З яе дапамогай можна рабіць агучку з тэксту, пры гэтым клануючы галасы і эмоцыі.

Паспрабаваць можна тут https://huggingface.co/spaces/archivartaunik/Bextts

А тут можна больш даведацца пра беларускі Штучны Інтэлект ды звязацца са стваральнікамі: https://www.group-telegram.com/belarusai/

Сёньня дзень памяці Адама Мальдзіса

Тры гады таму, 3 студзеня 2022-га, пайшоў з жыцьця Адам Мальдзіс -- вядомы беларускі гісторык, пісьменьнік, літаратуразнаўца і грамадскі дзеяч.

Адам Мальдзіс займаўся даследаваньнем гісторыі беларускай літаратуры, культурных сувязяў Беларусі зь іншымі краінамі, у прыватнасьці, Польшчай і Летувой.

Мальдзіс зьяўляецца аўтарам шматлікіх навуковых прац, у тым ліку манаграфій, артыкулаў і эсэ, прысьвечаных беларускім пісьменьнікам і гісторыі беларускай літаратуры. Яго працы адрозьніваюцца грунтоўнасьцю даследаваньняў, шырокім выкарыстаньнем архіўных матэрыялаў і ўменьнем падаць навуковыя факты ў цікавай і даступнай форме.

Акрамя навуковай дзейнасьці, Адам Мальдзіс актыўна ўдзельнічаў у грамадскім жыцьці Беларусі. Ён быў адным з ініцыятараў і заснавальнікаў некалькіх грамадскіх арганізацый, якія спрыяюць развіцьцю беларускай культуры і літаратуры.

У Баранавічах беларус у навагоднюю ноч сарваў з будынка чырвона-зялёны лукашысцкі сьцяг

Паведамляецца, што яго затрымалі, мужчыне 43 гады.

Распачата крымінальная справа паводле арт. 370 Крымінальнага кодэкса (здзек з дзяржаўных сімвалаў).

Што ні робяць, як ні навязваюць фальшывую сымболіку беларускаму народу, а людзі яе не прымаюць і зьнішчаюць.

Васіль Быкаў без цэнзуры – новая кніга ад Камуніката

Фонд "Камунікат" рыхтуе да друку творы В.Быкава "Мёртвым не баліць» і «Ліквідацыя».

Упершыню гэтыя аповесьці былі выдадзены без цэнзурных купюр ужо пасля сьмерці аўтара — у 2014-м. Чакалася, што ад гэтага часу быкаўскія творы будуць публікавацца выключна ў такой непадуладнай цэнзуры рэдакцыі.

Аднак гэтыя спадзяваньні аказаліся марнымі — Быкава ўсё адно друкавалі і друкуюць з праўкамі і купюрамі.

А гэтая кніга, якуя ў студзені выйдзе ў Беластоку, усяго толькі другое непадцэнзурнае выданьне. Выпадак не такі ўжо часты для беларускай літаратуры — каб твор, хай сабе праз дзесяцігоддзі, але выйшаў без аніякага ўмяшальніцтва цэнзуры.

Замовы прымаюцца тут:

https://kamunikat.shop

Высылка – пасьля 20 студзеня 2025.

У інтэрв'ю амэрыканскаму журналісту Лексу Фрыдману прэзідэнт Украіны Зяленскі распавёў пра размову з Лукашэнкам ў першыя дні вайны:

"У першыя дні вайны Лукашэнка папрасіў прабачэньня і сказаў, што не вінаваты ў тым, што з тэрыторыі яго краіны былі запушчаны ракеты
Я не кантралюю. Гэта Пуцін".