ԱՄՆ պաշտոնական այցի շրջանակում հանդիպել եմ Լոս Անջելեսի քաղաքային խորհրդի նախագահ Փոլ Կրեկորյանի հետ:

Այսօրվանից մեր քաղաքի տրանսպորտային ցանցն ավելացրել ենք նոր 15 տրոլեյբուսներով, ինչպես նաև ներդրել ենք բանկային քարտերով վճարման հնարավորությունը։

Սիրելի՛ երևանցիներ,

ինչպես արդեն տեղյակ եք, վաղ առավոտից հասարակական տրանսպորտի վարորդների մի մասը իրականացնում են գործադուլ, որի հետևանքով հազարավոր քաղաքացիների տեղաշարժման անհարամարություններ են պատճառվել։

Նախ, ուզում եմ ներողություն խնդրել երևանցիներից ստեղծված իրավիճակի համար, միևնույն ժամանակ՝ հստակ արձանագրեմ, որ որևէ տեսակի շանտաժի չենք տրվելու, կոմպրոմիսի չենք գնալու։

Կազմակերպիչները ենթարկվելու են խիստ պատասխանատվության։

Մեր առաջնահերթություններից է ունենալ մարդկանց համար ապահով և մշտապես բարելավվող տրանսպորտային համակարգ։

▫️Այս տարի ձեռք բերեցինք 171 նոր ավտոբուսներ, որոնք առաջիկայում կսպասարկեն մեր քաղաքացիներին, իսկ 15 նոր տրոլեյբուսներն արդեն շահագործվում են։

▫️Ավելացրել ենք հասարակական տրանսպորտի համար առանձնացված գծերը , ներդրել վճարման նոր հնարավորություններ. սրան զուգահեռ շարունակում ենք մի շարք այլ աշխատանքներ՝ ոլորտի բարելավման ուղղությամբ։

Հանրապետության հրապարակում վառվեցին Երևանի գլխավոր տոնածառի հեքիաթային լույսերը։

Այս տարի մենք բոլոր վարչական շրջաններում կառուցել և վերանորոգել ենք շուրջ 60 ֆուտբոլի դաշտեր։

Հիմնանորոգված երկու՝ թիվ 135 և թիվ 161 մանկապարտեզները դարձել են մեր փոքրիկների համար ավելի անվտանգ և հարմարավետ ուսումնական միջավայր:

Հիմնանորոգման աշխատանքների ընթացքում կատարվել են

▫️էներգաարդյունավետ և սեյսմիկ ամրացման միջոցառումներ,

▫️տեղադրվել են արևային ֆոտովոլտային վահանակներ, LED լուսատուներ,

▫️իրականացվել են ջերմամեկուսացման աշխատանքներ:

Այս աշխատանքները կյանքի է կոչվել Եվրոպական ներդրումային բանկի և ՄԱԿ-ի հետ համագործակցության շնորհիվ, ինչպես նաև Երևանի համայնքի բյուջեի միջոցներով:

«Ակտիվ քաղաքացի»-ն մեր քաղաքում խնդիրների լուծման ամենահարմար ու արագ գործիքն է։

Այն հնարավորություն է տալիս անմիջապես ձեր գտնվելու վայրից տեղեկացնել մեզ ցանկացած խնդիր՝ ուղարկելով տեքստային հաղորդագրություն, լուսանկար կամ տեսանյութ։

Երևանում փուլ առ փուլ վերակառուցելու ենք բոլոր մանկապարտեզները՝ նոր և հարմարավետ միջավայր ստեղծելով մեր փոքրիկների համար։

Երևանի նոր ջրի մաքրման կայանը և աղբաորսիչ սարքերն արդեն գործում են, նպաստելով Գետառ և Հրազդան գետերի մաքրմանը:

Այս նախաձեռնությունն առաջինն է մայրաքաղաքում և էականորեն կկանխի աղբի կուտակումը ջրերում։

Աղբաորսիչ սարքերը տեղադրվել են Շենգավիթի և Դավթաշենի հատվածում, ինչը կարևոր քայլ է շրջակա միջավայրի պահպանության համար։

Մալխասի արվեստը երևանցիներն են. նրա կատարումներում կան քաղաքի փողոցները,
մարդկանց ձայներն ու նրանց տրամադրությունը: Իր ջազով նա ստեղծել է մի Երևան, որը հիշեցնում է մեզ, թե որքան հարուստ է մեր մշակույթը և մեր
քաղաքի ոգին:

Երևանի քաղաքապետարանն ուրախ է մաս կազմելու Մալխասի 80-ամյակին նվիրված այս միջոցառմանը։

Կենտրոն վարչական շրջանում երկու բակ վերջերս վերափոխվել են նոր ժամանակակից լուծումներով՝ ապահովելով երեխաների համար անվտանգ և հարմարավետ խաղասահքեր, ինչպես նաև ընդհանուր բակի բարեկարգ տեսք։

Հանրապետություն փողոցում էլ ավարտել ենք նոր մայթերի կառուցման աշխատանքները։

Մամուլում շրջանառվող տեսանյութի վերաբերյալ իմ դիրքորոշումը

Ամանորին ընդառաջ այցելել ենք «Քայլ առաջ» սոցիալական ՀԿ-ի և «Սորս» հիմնադրամի փոքրիկներին:

Փորձեցինք սեր, ջերմություն ու տոնական մթնոլորտ փոխանցել նրանց:

Մաքուր շրջակա միջավայր ունենալու համար յուրաքանչյուրիս մասնակցությունն անչափ կարևոր է։

Աղբահանության և սանմաքրման աշխատակիցներն ամեն օր անում են առավելագույնը, որպեսզի Երևանը լինի ավելի մաքուր ու խնամված։

Մարդկանց հանդեպ սրտացավությունը, ուշադրությունն ու հոգատարությունը մեր կարևոր արժեքներից են։ Մեր պարտքն է լինել նրանց կողքին, ովքեր առավել շատ կարիք ունեն սիրո և աջակցության։

«Երաժշտություն հանուն ապագայի» տաղանդավոր երաժիշտների հետ այցելեցինք Երևանի խնամքի կենտրոններ՝ նվիրելով փոքրիկներին և տարեցներին երաժշտության ջերմությունը։

Սիրելի՛ երևանցիներ,

Մեկ տարի էլ անցավ, և մենք միասին քայլեցինք դեպի նոր Երևան՝ բարեկարգվող, հարմարավետ և կանաչ քաղաք, որտեղ յուրաքանչյուրը կարող է իրեն զգալ որպես տանտեր։

Այս տարին մեր քաղաքի համար եղել է աննախադեպ աշխատանքների և ձեռքբերումների տարի։

Մենք իրականացրել ենք մեծածավալ նախագծեր, տարեկան նախատեսված աշխատանքների մասով արձանագրել ենք շուրջ 94% կատարողականություն, ինչը մեր համատեղ աշխատանքի արդյունքն է։ Այս ամենն անհնար կլիներ առանց ձեր աջակցության, սիրելի՛ երևանցիներ։

Շնորհավորում եմ Ամանորը և Սուրբ Ծնունդը։ Թող 2025 թվականը լինի խաղաղության, համերաշխության և նոր հաջողությունների տարի թե՛ ձեր ընտանիքների, թե՛ մեր քաղաքի համար։

Մենք միասին կշարունակենք կառուցել մեր սիրելի Երևանը։

Այսօրվանից Երևանում երթուղի դուրս եկան 171 նոր ավտոբուսներ։

Քրիստոս Ծնավ և Հայտնեցավ, Ձեզ և Մեզ Մեծ Ավետիս:

Հանրապետության 32 հասցեի հուշարձան-շենքը շուտով նոր կյանք կստանա՝ դառնալով Մարկոս Գրիգորյանին նվիրված թանգարան։

Թանգարանը դառնալու է Երևանի մշակութային կարևոր կենտրոններից մեկը, որը կգրավի թե՛ տեղացիներին, թե՛ զբոսաշրջիկներին՝ ներկայացնելով մեծ նկարիչ Մարկոս Գրիգորյանի ժառանգությունն ու արվեստը։