🔴 Ресейдің Курск облысына соғыс келгелі жүздеген адам іс-түссіз жоғалған. Олардың жақындары бес айдан бері хабар ала алмай отыр.

Украина Ресейді 104 дронмен шабуылдады. Ресей Украинаның Сумы қаласына дронмен шабуылдап, 4 адам қаза тапты.

Украина дәрігерлері жараланған солдаттарды қалай емдейді? Соғыстағы ахуал қандай?

🔗Сілтемеден өтіп көріңіз

www.group-telegram.com/azattyq.com

💬 Вашингтондағы ұшақ апатынан 67 адам қаза болды

Ұшақта 60 жолаушы, экипаждың төрт мүшесі болған, оған соғылған тікұшақта үш әскери қызметкер отырған. Бұл жөнінде BBC-дің Орыс қызметі жазды.

Ұшақ та, тікұшақ та Потомак өзеніне құлаған.

⛸ Жолаушылар арасында мәнерлеп сырғанаушылар мен жаттықтырушылар болған.

Апатқа не себеп болғаны әзірге белгісіз.

www.group-telegram.com/azattyq.com

💬 "Росатом" басшысы: Мәскеу мен Астана АЭС бойынша ортақ шешім қабылдауға бет бұрды

"Росатом" басшысы Алексей Лихачев Ресей мен Қазақстан премьер-министрлерінің кездесуіндегі талқылаудан осындай қорытынды жасауға болады деді. Бұл туралы "РИА Новости" жазды.

Лихачев Қазақстан АЭС салу мәселесін "кәсіби түрде зерттеп", бірнеше вендормен жұмыс істеп жатыр деп айтқан.

🇷🇺 "Росатом" басшысының айтуынша, жақында Қазақстан делегациясы Ленинград атом электр станциясына барған.

Лихачев "Росатом" Қазақстан аумағында АЭС салуға дайын деп мәлімдеді.

🇪🇺 Ал бейсенбіде Еуроодақтың санкция жөніндегі арнайы өкілі Дэвид О’Салливан Қазақстандағы АЭС құрылысына "Росатом" қатысуы мүмкін екені туралы сұраққа "ЕО-да бұл бойынша ерекше ұстаным жоқ, себебі Қазақстан – тәуелсіз мемлекет" деді.

🗣 "Қазақстанда АЭС-ті кім салады, оны еліңіз өзі шешеді... Алайда Ресейдің қазіргі саясатын ескерсек, Қазақстан оның өз әріптесі болғанын қалай ма деген сұраққа ойлану керек сияқты" деді.

🇰🇿 Қазақстанда бірінші АЭС-тің құрылысын нақты кім жүргізетіні әлі айқындалған жоқ. Қазір Астанада АЭС құрылысын салуға ниеттілер тізімінде ресейлік "Росатом", Қытайдың CNNC, Оңтүстік Кореяның KHNP және франциялық EDF компаниялары бар.

www.group-telegram.com/azattyq.com

💬 Мәдениет және ақпарат министрі Аида Балаева онлайн платформаларда "шындыққа жанаспайтын ақпарат жиі тарап жатыр" деп, "заңға қайшы контентті" өшіруге шақырды

Дегенмен министр жазбасында қандай да бір платформа я адам атын атамаған.

Оның мәліметінше, былтыр Қазақстан бойынша онлайн-платформаларда заңға қайшы 78 539 материал анықталып, оның 24,3 пайызы өшірілген.

🗣 "Терроризмді, діни экстремизмді, есірткіні насихаттау, онлайн-казино мен қаржы пирамидаларының жарнамасы" көп таралған деді министр.

🟠Былтыр Freedom House халықаралық адам құқықтары ұйымының "Интернет еркіндігі" есебінде Қазақстанды "интернеті еркін емес ел" қатарына жатқызған. Ұйымның мәліметінше, елде журналистер, блогерлер және саяси белсенділер интернеттегі контентіне бола қудаланады.

🟠Жуырда QazNews24 сатиралық паблигінің авторы Темірлан Еңсебек қамалған. Оның үстінен "ұлтаралық алауыздық қоздыру" бабы бойынша іс қозғалып, тергеу жүріп жатыр. Белсендінің ұсталғанына байланысты журналистер, сарапшылар сын айтқан. Полиция Еңсебек шығармашылығына байланысты ұсталған жоқ деп мәлімдеген.

www.group-telegram.com/azattyq.com

🔴 Қырғызстан Орталық Азиядағы мұсылман елдері арасында ниқабқа ең соңғы болып тыйым салды

1 ақпаннан бастап қоғамдық орында ниқаб киген әйелге 20 мың сом (230 доллар) айыппұл салынбақ.

🧕 Орталық Азияда ислам үлгісіндегі киім кию мен сақал қою бұрыннан қоғамда талқы туғызып, үкіметтік науқандарға себеп болып келеді. Өңірдегі өркениетті даму жолын таңдайтын билік өз елінде исламның ықпалы артып кетуінен қорқады.

🇰🇬 Қырғыз депутаттары "азаматтардың түр-тұлғасын анықтау үшін бет-жүзі толық көрініп тұруға тиіс" деп, ниқабқа тыйым салуды қауіпсіздік мақсаты ретінде түсіндіреді.

❗️Бірақ бұл шектеуге қарсылар билік әйелді қалаған киімін кию құқығы мен таңдау еркіндігінен айырып жатыр деген уәж айтып жүр.

🔗Сілтемеден өтіп оқыңыз

www.group-telegram.com/azattyq.com

🗣 Ақтаудағы фитнес-жаттықтырушы өлімі: апелляция соты айыпталушылардың біріне өмірлік түрме жазасын берді

Сот алқасы фитнес-жаттықтырушы Алина Серікованы "ұрлады", "зорлады" және "өзін өлтіруге жеткізді" деп айыпталған бес адамның бірін өмір бойына соттады, қалғанын 13-16 жылға бас бостандығынан айырды.

🟢Биыл қаңтарда "НеМолчиKZ" қоры оқиғаның жай-жапсарын жариялаған. Соттың мәліметінше, сотталушылар жәбірленушіні ұрып-соғып, күштеп көлікке отырғызып, ұрлап кеткен. Сотталушылардың бірі қызды қорқытып, есірткі қолдануға мәжбүрлеп, еркінен тыс зорлаған.

Бұдан бөлек, жәбірленушіні қорқытып, ақша талап етіп, телефонынан 2 млн теңге несие алған.

Бірнеше күн өткеннен кейін жәбірленуші қыз өзіне қол жұмсаған.

🟢Былтыр сот айыпталушыларды 7 жылдан 20 жылға дейін соттаған. Бірақ марқұмның жақындары, қорғаушылары үкімге келіспеген.

🟢Соттың мәліметінше, сотталушылар жәбірленушінің отбасына 19 млн теңге материалдық және 30 млн теңге моральдық өтемақы төлеуге тиіс.

Фото: Lada.kz

www.group-telegram.com/azattyq.com

💬 Әли Әлиев Қазақстан футбол құрамасының бас бапкері міндетін уақытша атқарушы болып тағайындалды

Бұл туралы Қазақстан футбол федерациясы хабарлады.

Ол бұған дейін Петропавлдағы "Қызылжар" клубын жаттықтырған.

🇰🇿 Әлиев елдегі "Қайрат", "Ертіс", "Тобыл", "Шығыс", "Ордабасы" және "Қызылжар" клубтарында ойнаған. Түркиядағы бірнеше команда құрамында болған.

Футболшы карьерасын аяқтаған соң Қазақстандағы бірнеше клубты жаттықтырған.

⚽️ 27 қаңтарда бұрынғы бас жаттықтырушы Станислав Черчесов қызметінен кеткен. Ресми ақпарат бойынша, еңбек шарты екі жақтың өзара келісімі бойынша тоқтаған.

Фото: ҚФФ

www.group-telegram.com/azattyq.com

🔴 Беларусьтегі "Интеграл" компаниясы Ресейдің әскери техникасына қажет микрочиптер жасайды.

"Интеграл" 2021 жылы 99 пайыздық таза тұз қышқылын германиялық компаниядан алып келді. Ал соғыс басталған соң Еуроодақ бұл химикатты Ресей мен Беларуське сатуға тыйым салған.

🇧🇾 Санкциядан соң еуропалық шикізатты Минскіге жеткізудің жаңа жолы пайда болды.

🚚 Германиядан шыққан тауар әуелі Түркияға немесе Польшаға барады. Сосын Қазақстанға жол тартады.

🇰🇿 Өйткені тұз қышқылын Германиядан алдыртатын Алматыда тіркелген – United Trading Group жауапкершілігі шектеулі серіктестігі. Мұны таяуда "Беларусь зерттеу орталығы" анықтады.

☎️ Азаттық ашық дереккөзден компания директорының нөмірін тапты. Ол журналистердің зерттеуінде "асыра сілтеу бар" деді.

🔗Сілтемеден өтіп оқыңыз

www.group-telegram.com/azattyq.com

💬 Қырғызстанда интернетте "жала жапқандар мен намысқа тигендерді" жауапқа тарта бастайды

💸 Жаңа түзетуге сәйкес, айыпталған азаматтарға 20 мың сом (шамамен 230 доллар) және заңды тұлғаларға 65 мың сом (шамамен 740 доллар) көлемінде айыппұл салмақ.

Мұндай заң жобасын ел парламенті былтыр желтоқсанда көпшілік дауыспен мақұлдаған.

❗️Қырғызстан омбудсмені Жәмила Жаманбаева "сөз бостандығы және азаматтардың еркіндігі мен құқығын қамтамасыз ету" қажеттігін алға тартып, түзетулерді қабылдамауға шақырған.

www.group-telegram.com/azattyq.com

🗣 Ел үкіметіне тиесілі "Қазақстан атом электр станциялары" компаниясының жетекшісі Тимур Жантикин қазір құрылысы талқыланып жатқан екінші және үшінші АЭС-ті де бірінші станция құрылысын жүргізетін кәсіпорын салғаны дұрыс деп есептейді.

🗣 Жергілікті Tengrinews.kz. агенттігі жариялаған сұхбатта Жантикин "әр станцияның технологиясы, нормативтік базасы мен техникалық құжатының әртүрлі болуы нысанды іске қосу кезінде қиындық тудыруы мүмкін, ал құрылысты бір мердігер жүргізсе, Қазақстан үшін техниалық тұрғыдан тиімдірек болмақ" деді.

Бірақ маман қазір Қазақстанның қатарынан екі АЭС салуға қауқары жетеді дегенге күмәнмен қарайды.

🇰🇿 Жақында президент Тоқаев үкіметке "Самрұқ-Қазынамен" бірлесіп атом саласын дамытудың ұзақ мерзімді жоспарын әзірлеуді тапсырған. Бұған қоса, Тоқаев үкімет пен парламенттен елде екінші АЭС құрылысы салынатын жерге байланысты ұсыныстар күтетінін айтқан.

www.group-telegram.com/azattyq.com

🗣 Энергетика министрлігі: АЭС-ті кім салатыны әлі нақты шешілген жоқ

Бұған дейін "Росатом" басшысы "Мәскеу мен Астана АЭС бойынша ортақ шешім қабылдауға бет бұрды" деп мәлімдеген еді.

🟠Министрлік Қазақстан атом электр станциясын салуға қатысатын вендорлерді "ұлттық мүддені, халықаралық норманы ескере отырып таңдайды" деді. Мұндай шешім биыл қабылданады деп отыр.

🟠АЭС бойынша энергетика министрі Алмасадам Сәтқалиев бастаған Қазақстан делегациясы 21 қаңтарда Ресейге барған. Былтыр Оңтүстік Кореяға, Францияға және Қытайға сапарлап, келіссөз жүргізген еді.

Қазақстанда АЭС құрылысын салуға ниеттілер тізімінде "Росатом" 🇷🇺, CNNC 🇨🇳, KHNP 🇰🇷 және EDF 🇫🇷 компаниялары бар.

www.group-telegram.com/azattyq.com

📹 Қайтарылған активтер туралы неге екі түрлі ақпарат тарады?

Женевада өткен БҰҰ жиынанда Бас прокуратура өкілі 500 млн еуро заңсыз активті қайтардық деді.

Жыл басында президент Қасым-Жомарт Тоқаев бұл соманы 2 трлн теңге деп мәлімдеген.

www.group-telegram.com/azattyq.com

💬 Курск облысында Ресей жағында соғысқан Солтүстік Корея әскерін адам шығыны көбейген соң шайқастардан кері қайтарған

Бұл жөнінде Украина және Америка шенеуніктеріне сүйенген The New York Times газеті жазды.

🪖 Басылымның хабарлауынша, Солтүстік Корея әскері майдан даласында шамамен екі апта бойы көрінбей кеткен.

Украина шенеунігінің сөзінше, Солтүстік Корея әскерінде адам шығыны көп болуына олардың Ресей әскерімен бірге қимылдай алмауы себеп болған.

🇰🇵 Газет сөйлескен Америка шенеуніктерінің сөзінше, бұл уақытша шешім болуы мүмкін. Олардың айтуынша, Солтүстік Корея сарбаздары қосымша дайындықтан кейін қайта оралуы мүмкін.

www.group-telegram.com/azattyq.com

💬 Астана қаласының мәдениет басқармасының бұрынғы жетекшісі Болат Мажағұловты сот қалада субұрқақ салу кезінде ірі көлемде қаржы жымқырды деп танып, 8,5 жылға соттады

Жобаның мердігері Мәди Қанапинді сот "Сеніп тапсырылған біреудің мүлкін иемдену" және "Қылмыстық құқық бұзушылыққа сыбайлас қатысушылардың түрлерi" баптары бойынша кінәлі танып, 3 жыл 6 айға бас бостандығынан айырды.

⛲️ Тергеу органдарының айтуынша, жымқырылған сома көлемі 1 млрд теңгеден асқан.

Олар қауіпсіздігі орташа мекемеде жазасын өтемек.

БАҚ-тың жазуынша, Мажағұлов сот кезінде өзіне тағылған айыптарды үзілді-кесілді жоққа шығарған.

Фото: Kazinform

www.group-telegram.com/azattyq.com

💬 Адам құқықтары мен заңдылықты сақтау жөніндегі Қазақстан халықаралық бюросы ел билігінің төрт украин босқынына саяси пана бермеуі елдің халықаралық қауымдастық алдында алған міндеттемелеріне қайшы деп мәлімдеді

🇺🇦 Бюроның жазуынша, 2024 жылғы қарашада Қазақстан билігі украиналық төрт босқынның саяси пана беру туралы өтінішін қанағаттандырмай тастаған. Түркістан облысының еңбекпен қамту және әлеуметтік бағдарламалар басқармасы шешімде бұған олардың "үшінші бір қауіпсіз елдің аумағынан келгені" себеп деп те көрсеткен.

🇷🇺 Бюроның мәліметінше, Украинаның төрт азаматы Қазақстан аумағына Ресейден кірген.

🗣 "Халықаралық стандартқа сүйенсек, қауіпсіз үшінші ел деп пана іздеуші тұлға баспана сұрай алатын елді атауға болады. Нақты жағдайда Ресейді сондай ел деп қарастыруға болмайды" деді бюро өкілдері.

www.group-telegram.com/azattyq.com

💬 Z-арналардың оқырманы азайып жатыр

🇷🇺 Ресей пропагандасы Украинадағы соғыстан хабар таратуға телеграмдағы Z-арналарды пайдаланып жүрген.

📉 "Настоящее время" телеарнасы кейінгі уақытта оқырмандар Z-арналардан шығып кетіп жатқанын байқаған.

⚪Мәселен, WarGonzo (Уоргонзо) арнасында тамызда 1 миллион адам болса, қаңтарда жазылушылар саны 59 мыңға азайған. Осы уақыт аралығында кремльшіл журналист Александр Коцтың арнасынан 50 мың адам шығып кеткен.

⚪Ресей қорғаныс министрлігіне жақын Рыбарь Z-арнасының оқырманы да азайып кеткен.

⚪Кремльшіл пропагандист Владимир Соловьевтің арнасынан 40 мың адам кетіп қалған.

Өзінің жеке телеграм-арнасы бар жазушы Иван Филиппов каналдарда оқырман саны азайғанын былай түсіндіреді:

🗣 "Адамдар нақты бұл каналдардан шығып кетейін деп жатқан жоқ, жұрт соғыстан қажып, шаршап кетті. Бұл өте маңызды. Z-каналдар біраздан бері Ресей қоғамы соғысты қадағалағысы келмейді, соғысты қадағалап, қолдап отырған ресейліктер азайған деп айтып жүр. Бұрын соғысты қолдап, жағдайды қарап жүргендердің өзі қазір соғыс жайлы оқығысы келмейді. Ресей әскеріне жылу жинап жүрген еріктілерге де ақша жинау қиындады. Себебі ақша беретіндер де азайған".

www.group-telegram.com/azattyq.com