#магілёў #sacral_orthodox
Магчыма, вы неаднаразова сустракалі паняцце "віленскае барока". Хутчэй за ўсё, вы нават бачылі прадстаўнікоў гэтага стылю. У цэнтры Менску, Горадні з Віцебскам ці яшчэ шмат дзе на нашых абшарах.
Але сёння гаворка пойдзе пра іншую плынь барочнай архітэктуры. Больш лакальную, але і, на мой погляд, больш самабытную - так званую магілёўскую школу дойлідства. Ці прасцей, магілёўскае барока.
Стыль гэты склаўся нават раней вышэй згаданага віленскага, недзе другая палова XVII ст. Асаблівасць яго была ў тым, што ён спалучаў крыжова-купальны храм, уласцівы ўсходняй праваслаўнай традыцыі, і заходнюю базіліку, як правіла, з двума вежамі-званіцамі і барочным дэкорам.
Яшчэ стагоддзе назад можна б было сабраць цікавы маршрут па наведванні помнікаў гэтага стылю. Але ў нашыя дні іх захавалася літаральна парачка. Сёння ў допісе назіраем палову гэтага скарба - Свята-Мікольскі праваслаўны жаночы манастыр у Магілёве. Ягоным ядром з'яўляецца Мікалаеўская царква, пабудаваная ў 1672 годзе. На старых здымках бачна, што раней храм меў на фасадзе дзве вежы-званіцы. Верагодна, "згубіліся" яны за савецкім часам ужо пасля Другой сусветнай вайны. Шчыра кажучы, такі выгляд храма асабіста мне падабаецца нават больш, хоць гэта і не аўтэнтычна. З іншага боку, параўнаць няма з чым, бо іншых падобных прадстаўнікоў бачыў толькі на здымках (ёсць Ворша, але там іншы форм-фактар, не лічыцца. А яшчэ магілёўскія майстры наслядзілі на Кіеўшчыне ды Смаленшчыне, але гэта іншая гісторыя).
У 1937-41 гг. у манастыры была перасыльная турма, пасля вайны - кніжная база.
Яшчэ на тэрыторыі ёсць больш сціплы храм святога Ануфрыя. Больш малады, але не новы - 1798 год. Лічыўся "зімовым", бо ў адрозненні ад старэйшага брата (ці сястры), меў ацяпленне.
Магчыма, вы неаднаразова сустракалі паняцце "віленскае барока". Хутчэй за ўсё, вы нават бачылі прадстаўнікоў гэтага стылю. У цэнтры Менску, Горадні з Віцебскам ці яшчэ шмат дзе на нашых абшарах.
Але сёння гаворка пойдзе пра іншую плынь барочнай архітэктуры. Больш лакальную, але і, на мой погляд, больш самабытную - так званую магілёўскую школу дойлідства. Ці прасцей, магілёўскае барока.
Стыль гэты склаўся нават раней вышэй згаданага віленскага, недзе другая палова XVII ст. Асаблівасць яго была ў тым, што ён спалучаў крыжова-купальны храм, уласцівы ўсходняй праваслаўнай традыцыі, і заходнюю базіліку, як правіла, з двума вежамі-званіцамі і барочным дэкорам.
Яшчэ стагоддзе назад можна б было сабраць цікавы маршрут па наведванні помнікаў гэтага стылю. Але ў нашыя дні іх захавалася літаральна парачка. Сёння ў допісе назіраем палову гэтага скарба - Свята-Мікольскі праваслаўны жаночы манастыр у Магілёве. Ягоным ядром з'яўляецца Мікалаеўская царква, пабудаваная ў 1672 годзе. На старых здымках бачна, што раней храм меў на фасадзе дзве вежы-званіцы. Верагодна, "згубіліся" яны за савецкім часам ужо пасля Другой сусветнай вайны. Шчыра кажучы, такі выгляд храма асабіста мне падабаецца нават больш, хоць гэта і не аўтэнтычна. З іншага боку, параўнаць няма з чым, бо іншых падобных прадстаўнікоў бачыў толькі на здымках (ёсць Ворша, але там іншы форм-фактар, не лічыцца. А яшчэ магілёўскія майстры наслядзілі на Кіеўшчыне ды Смаленшчыне, але гэта іншая гісторыя).
У 1937-41 гг. у манастыры была перасыльная турма, пасля вайны - кніжная база.
Яшчэ на тэрыторыі ёсць больш сціплы храм святога Ануфрыя. Больш малады, але не новы - 1798 год. Лічыўся "зімовым", бо ў адрозненні ад старэйшага брата (ці сястры), меў ацяпленне.
#sacral_data
Сёння зноў успамінаем прадстаўніка цудоўнага мастацкага накірунку - фатаграфіі. Успамінаем не з нагоды скону, а ў гонар народзінаў. 11 снежня 1852 года ў сям'і не апошняга некалі ў ВКЛ шляхецкага рода Тышкевічаў нарадзіўся хлопчык, ці то Бенедыкт, ці то Генрык, а можа і ўсё разам (жарты за 300).
Найбольш вядомы ён праз свае захапленні фотамастацтвам. У прыватнасці, вядома нямала сюжэтаў, якія зроблены ў сядзібе Г.Б. "Вялае", што недалёка ад Івянца, недзе ў канцы ХІХ ст.
Але дэбют сабжа, як фатографа, адбыўся ў 1876 годзе на выставе ў далёкай Філадэльфіі. Туды ён трапіў, дарэчы, на ўласнай яхце "Жамойць".
Як бачыце, Тышкевіч быў яшчэ і апантаным вандроўнікам. Узнагарода, якую атрымаў Б.Г. у ЗША, была за здымкі з Алжыру.
Некалі вырашыў зрабіць кампіляцыю ўсёй творчасці Бенедыкта Генрыка Тышкевіча, сабраўшы ў альбом усе ягоныя здымкі, што атрымаецца знайсці. Там, напрыклад, ёсць некалькі кадраў з вандроўкі па Афрыцы, куды ён выправіўся ў пачатку ХХ ст. Шмат здымкаў з Вялага: партрэтаў сялян, побытавых і студыйных сюжэтаў, здымкаў сям'і. Але на жаль, няма таго самага Алжыру.
Таму, спадарства, азнаёмцеся з альбомам і ацаніце ці той выпадак, калі "мастак не галодны" пайшло на карысць творчасці?
https://telegra.ph/Fotaalbom-Benedykta-Genryka-Tyshkev%D1%96cha-12-21
Магчыма, у вас будуць заўвагі па подпісах здымкаў і, хто ведае, можа дасце спасылачку на нейкія малавядомыя здымкі. Было б вельмі файна пабачыць нешта новае і падзяліцца з іншымі.
Сёння зноў успамінаем прадстаўніка цудоўнага мастацкага накірунку - фатаграфіі. Успамінаем не з нагоды скону, а ў гонар народзінаў. 11 снежня 1852 года ў сям'і не апошняга некалі ў ВКЛ шляхецкага рода Тышкевічаў нарадзіўся хлопчык, ці то Бенедыкт, ці то Генрык, а можа і ўсё разам (жарты за 300).
Найбольш вядомы ён праз свае захапленні фотамастацтвам. У прыватнасці, вядома нямала сюжэтаў, якія зроблены ў сядзібе Г.Б. "Вялае", што недалёка ад Івянца, недзе ў канцы ХІХ ст.
Але дэбют сабжа, як фатографа, адбыўся ў 1876 годзе на выставе ў далёкай Філадэльфіі. Туды ён трапіў, дарэчы, на ўласнай яхце "Жамойць".
Як бачыце, Тышкевіч быў яшчэ і апантаным вандроўнікам. Узнагарода, якую атрымаў Б.Г. у ЗША, была за здымкі з Алжыру.
Некалі вырашыў зрабіць кампіляцыю ўсёй творчасці Бенедыкта Генрыка Тышкевіча, сабраўшы ў альбом усе ягоныя здымкі, што атрымаецца знайсці. Там, напрыклад, ёсць некалькі кадраў з вандроўкі па Афрыцы, куды ён выправіўся ў пачатку ХХ ст. Шмат здымкаў з Вялага: партрэтаў сялян, побытавых і студыйных сюжэтаў, здымкаў сям'і. Але на жаль, няма таго самага Алжыру.
Таму, спадарства, азнаёмцеся з альбомам і ацаніце ці той выпадак, калі "мастак не галодны" пайшло на карысць творчасці?
https://telegra.ph/Fotaalbom-Benedykta-Genryka-Tyshkev%D1%96cha-12-21
Магчыма, у вас будуць заўвагі па подпісах здымкаў і, хто ведае, можа дасце спасылачку на нейкія малавядомыя здымкі. Было б вельмі файна пабачыць нешта новае і падзяліцца з іншымі.
Telegraph
Фотаальбом Бенедыкта Генрыка Тышкевіча
Здымкі інтэр'ераў зроблены пасля смерці графа Бенедыкта Генрыка Тышкевіча
#сэрвач #гара_цэгла #sacral_catholic
Вось былі некалі гарады тыпу Вавілона, Акада, Троі. І нягледзячы на тое, што яны недзе далёка і засталіся ад іх толькі горы камянёў, неяк не вызывае сумневаў, што тысячагоддзі назад гэта былі цэнтры свету, у якіх вызначаўся лёс чалавечай цывілізацыі.
Ці вось ёсць у нас аграгарадок Друцк. Зараз там жыве дзве сотні чалавек. Цяжка, але можна ўявіць, што да XVI стагоддзя быў цэнтрам удзельнага княства з замкам і шматлікімі храмамі (па версіі германскага дыпламата Ёгана Георга Корба, каля 200😮). Тая ж гісторыя з Туравам: у Х стагоддзі, лічы, сталіца дзяржавы дрыгавічоў, а зараз і 3 тысячаў насельніцтва не набярэцца.
Але вось бывае стаіш пасярод зарослага поля і ніколі не прыйдзе думка, што трохі больш за 100 гадоў назад тут яшчэ віравала гаспадарчае жыццё. Такіх паўлегендарных мясцін адшукаць шмат можна, але сёння мы апынуліся ў Карэліцкім раёне, між вёскамі Любанічы, Сэрвач ды Кайшоўка. Яшчэ ў пачатку ХХ ст. тут знаходзіўся маёнтак роду Несялоўскіх з палацам, броварам, стайнямі, флігелямі, садамі ды іншымі атрыбутамі паспяховага землеўладальніка. Зараз знішчана ўсё. Акрамя...
На ўзгорку, дзе раней была ўскраіна парку, прабраўшыся праз зараснікі, сустракаем руіны сямейнай пахавальні. Неагатычную капліцу пабудавалі ў 1851 годзе пры графіні Ганне Несялоўскай. Яна перапахавала тут сваякоў, якія спачывалі ў касцёле ў Варончы. Бачыце на старым здымку ёсць пахавальная пліта з нямецкім надпісам "Рэйзенкампф"? Гэта прозвішча наступных гаспадароў сядзібы, русіфікаваных немцаў з іншай галіны роду Несялоўскіх.
Усё, нязграбны канец допіса з драматычным пафасным пралогам. А гіперспасылкі гляньце, там цікавыя гісторыі з гэтых мясцінаў.
Вось былі некалі гарады тыпу Вавілона, Акада, Троі. І нягледзячы на тое, што яны недзе далёка і засталіся ад іх толькі горы камянёў, неяк не вызывае сумневаў, што тысячагоддзі назад гэта былі цэнтры свету, у якіх вызначаўся лёс чалавечай цывілізацыі.
Ці вось ёсць у нас аграгарадок Друцк. Зараз там жыве дзве сотні чалавек. Цяжка, але можна ўявіць, што да XVI стагоддзя быў цэнтрам удзельнага княства з замкам і шматлікімі храмамі (па версіі германскага дыпламата Ёгана Георга Корба, каля 200😮). Тая ж гісторыя з Туравам: у Х стагоддзі, лічы, сталіца дзяржавы дрыгавічоў, а зараз і 3 тысячаў насельніцтва не набярэцца.
Але вось бывае стаіш пасярод зарослага поля і ніколі не прыйдзе думка, што трохі больш за 100 гадоў назад тут яшчэ віравала гаспадарчае жыццё. Такіх паўлегендарных мясцін адшукаць шмат можна, але сёння мы апынуліся ў Карэліцкім раёне, між вёскамі Любанічы, Сэрвач ды Кайшоўка. Яшчэ ў пачатку ХХ ст. тут знаходзіўся маёнтак роду Несялоўскіх з палацам, броварам, стайнямі, флігелямі, садамі ды іншымі атрыбутамі паспяховага землеўладальніка. Зараз знішчана ўсё. Акрамя...
На ўзгорку, дзе раней была ўскраіна парку, прабраўшыся праз зараснікі, сустракаем руіны сямейнай пахавальні. Неагатычную капліцу пабудавалі ў 1851 годзе пры графіні Ганне Несялоўскай. Яна перапахавала тут сваякоў, якія спачывалі ў касцёле ў Варончы. Бачыце на старым здымку ёсць пахавальная пліта з нямецкім надпісам "Рэйзенкампф"? Гэта прозвішча наступных гаспадароў сядзібы, русіфікаваных немцаў з іншай галіны роду Несялоўскіх.
Усё, нязграбны канец допіса з драматычным пафасным пралогам. А гіперспасылкі гляньце, там цікавыя гісторыі з гэтых мясцінаў.