🤭 Лукашэнка злятаў па прадказанне лёсу на Усход. Што чакае Беларусь?

▪️Унікальны беларускі трэнажор прэзентавалі на «БелЭкспа»

▪️«Разумную карову» стварылі ў Аўстраліі

▪️Замест каханага выбіраем сабе робата ад «1x» i «Tesla»

👉 Усё гэта ў новым выпуску праграмы «Навіны з будучыні».

🫤 Прадстаўнік МЗС Беларусі афіцыйна сустрэўся з прадстаўніком Талібана, які ўваходзіць у тэрарыстычны спіс

Намеснік міністра замежных спраў Беларусі Сяргей Лукашэвіч прыбыў у Кабул для сустрэчы з намеснікам міністра замежных спраў ісламскага эмірата Афганістана па палітычных пытаннях, паведамляе МЗС ісламскага эмірата Афганістан.

☝️ Гэты чалавек уваходзіць у так званы пералік арганізацый і фізічных асоб, якія маюць дачыненне да тэрарыстычнай дзейнасці, які складае КДБ Беларусі. Ён таксама ўваходзіць у санкцыйны пералік камітэта Рады Бяспекі ААН.

Прадстаўнік талібаў назваў гэты візіт «важным крокам наперад ва ўмацаванні двухбаковых адносін» і добрым стартам «для развіцця доўгатэрміновага супрацоўніцтва».

😡 Цяжарная беларуска вырашыла вярнуцца на радзіму. На мяжы яе затрымалі за абразу Кубракова

Жанчына жыла ў Літве. А калі зацяжарыла, вырашыла вярнуцца ў Беларусь. Як толькі яна перасекла мяжу, яе затрымалі, паведамляюць праваабаронцы.

Праўладныя тэлеграм-каналы сцвярджаюць, што ў 2020-м жанчына пакінула абразлівыя каментары на адрас міністра ўнутраных спраў Кубракова.

#рэпрэсіі

🏳️‍🌈 Геям дазволяць вучыцца на каталіцкіх святароў пры ўмове захавання цэлібату

Ватыкан пастанавіў, што галоўнае для святароў – не іхная арыентацыя, а дэманстраванне «арыентацыі на бясшлюбнае жыццё», піша «The Guardian» са спасылкай на Італьянскую епіскапскую канферэнцыю (CIE).

☝️ У пастанове, аднак, падкрэсліваецца, што хоць Каталіцкі Касцёл «глыбока паважае гэтых людзей», сексуальна актыўныя геі не могуць быць прынятыя ў семінарыі або іншыя духоўныя ордэны.

Раней Папа Францішак заяўляў, што гомасексуалы не могуць дапускацца ў семінарыі праз рызыку вядзення падвойнага жыцця – яму нават давялося папрасіць прабачэння за абразлівыя выказванні пры абмеркаванні гэтага пытання з біскупамі.

Аднак у снежні 2023 года дыкастэрыя Ватыкану ў справе дактрыны веры ўсё ж дазволіла каталіцкім святарам добраслаўляць аднаполыя саюзы, «што маюць патрэбу ў дапамозе прадстаўнікоў сексуальных меншасцяў», не прэтэндуюць на легітымізацыю свайго статусу, а таксама не маюць верніцкага шлюбнага статусу.

📺 Навіны за 5 хвілін

✔️Самалёт Белавія развярнулі на падлёце да Санкт-Пецярбургу

✔️МУС аднавіла спіс «экстрэмістаў»

✔️Сеул пацвердзіў, што ЗСУ ўзялі ў палон двух салдатаў КНДР

✔️Лік ахвяраў у выніку пажараў у Каліфорніі павялічыўся да 16 чалавек

✔️У Тайландзе стварылі малюнак з розных гатункаў рысу

Глядзіце ў кароткім выданні навін на Белсаце 💻

⬛️ Жыхарка Менску загінула ад удару токам калі прымала ванну з тэлефонам на падзарадцы

35-гадовая жанчына пражывала ў адным са сталічных інтэрнатаў. Увечары 11 студзеня яна пайшла прымаць ванну і ўзяла з сабой мабільнік, які паралельна паставіла на зарадку.

Праз некаторы час суседзі па блоку пачулі дзіўныя гукі з ваннага пакою, а калі зайшлі туды, пабачылі, што суседку трасе токам. На жаль, выратаваць яе не ўдалося.

☝️ Следчыя праводзяць праверку і нагадваюць, што нельга карыстацца электрычнымі прыладамі пры знаходжанні ў вадзе, а таксама дакранацца мокрымі рукамі да электрапрыбораў, якія працуюць.

🇩🇪 Ультраправая партыя «Альтэрнатыва для Нямеччыны» адмовілася асудзіць Расею за ўварванне ва Украіну

Адпаведную папраўку ў перадвыбарчы маніфест прапанаваў член нямецкага парламенту ад АдГ Альбрэхт Глазер. Аднак партыя большасцю (69%) прагаласавала супраць прапановы.

Кандыдат у канцлеры ад АдГ Аліс Вайдэль заявіла, што ў выпадку перамогі на парламенцкіх выбарах партыя будзе дамагацца аднаўлення «Паўночнага патоку» – газаправода, па якім расейскі газ паступаў у Еўропу і які быў узарваны ў верасні 2022 года.

😮 Палітык таксама паабяцала знесці ўсе ветраныя электрастанцыі ў краіне і аднавіць працу АЭС, ад якіх дзяржава адмовілася ў 2023 годзе.

▪️Экалагічная катастрофа дабралася да берагоў акупаванага Бярдзянску

Мазут пасля крушэння танкераў у Керчанскай затоцы дасягнуў берага акупаванай часткі Запарожскай вобласці Украіны.

Пра гэта ў сваім тэлеграм-канале напісаў прызначаны Расеяй кіраўнік рэгіёну, ён заявіў, што забруджаны мазутам участак даўжынёй 14,5 кіламетра знайшлі на Бярдзянскай касе. Таксама нафтапрадукты знайшлі на касе Перасып.

😱 «Нам застаўся ўсяго толькі адзін пажаранебяспечны сезон, і мы апынёмся ў поўнай неплатаздольнасці»

Лясны пажар у Лос-Анджэлесе ўжо называюць самым дарагім у гісторыі ЗША. Страты ад яго могуць перавысіць рэкордныя дваццаць мільярдаў долараў, піша выданне «Financial Times».

Большасць людзей, дамы якіх знішчыў агонь, цяпер хвалююцца: ці хопіць на ўсіх страхавых выплатаў? І непакой гэты мае падставы. 👉 Падрабязней

📌 Выйшла кніга пра «Магілёўскае цунамі»

Гэта, бадай, самая буйная тэхнагенная катастрофа на тэрыторыі Беларусі. Трагедыя ў Магілёве адбылася ў 1942 годзе: з-за абрушэння дамбы на рацэ Дубравенцы здарыўся патоп, які ўвайшоў у гісторыю як «Магілёўскае цунамі».

Паводка доўжылася ўсяго 20 хвілінаў…Аднак яе ахвярамі сталі ад некалькіх соцень да некалькіх тысяч чалавек. Пашкоджаныя, затопленыя ці разбітыя ўшчэнт 115 жылых дамоў.

📌 Узмацненне жорсткасці антырасейскіх санкцый ЗША прывядзе да абмежавання паставак расейскай нафты ў Кітай і Індыю

Мінфін ЗША абвясціў, што ўводзіць санкцыі супраць расейскіх нафтавых кампаній «Газпром нефть» і «Сургутнефтегаз».

Праз гэта моцна пацерпіць экспарт расейскай нафты, паведамілі «Reuters» дзве кітайскія гандлёвыя крыніцы.

☝️ А вядучы аналітык па грузавых перавозках кампаніі «Kpler» Мэт Райт кажа, што санкцыі «значна скароцяць парк суднаў, даступных для дастаўкі нафты з Расеі», што ў сваю чаргу прывядзе да павелічэння коштаў.

💥 СТРЫМ. Падсумоўваем вынікі тыдня ў «Студыі Белсат»

У сённяшнім выданні:

🔸Кандыдатаў-спойлераў пусцілі на тэлебачанне. Што адбываецца ў «выбарчай кампаніі»

🔸Розныя падыходы да вызвалення палітвязняў абмяркуем з Алегам Кулешам і Аляксандрам Лойкам

🔸Белпол падзяліўся дакументамі па выкананні дзяржпраграмаў аб ліквідацыі наступстваў аварыі на ЧАЭС. Раскажам што ў іх

🔸Ці застаюцца рычагі ўплыву на рэжымных чыноўнікаў абмяркуем з аўтарам праекту petitions.bу

🔸Падсумуем вынікі візіту Святланы Ціханоўскай у Польшчу

Далучайцеся да нашага эфіру! 🔽

https://www.youtube.com/live/zGhL9dNfqBM

☺️ Гэтыя палі ў Тайландзе выглядаюць, як твор мастацтва!

Просты фермер вырашыў узяцца за штучны інтэлект і вось, што ў яго атрымалася. Паглядзіце!

#рэпрэсіі Асноўнае за 12 студзеня

🔻 Цяжарную беларуску затрымалі на мяжы за абразу Кубракова

🔻 МУС дадаў 22 асобы ў «пералік экстрэмістаў»

🔻 Дыпламатаў Японіі не пусцілі на суд над палітзняволеным японцам

🔻 Па памілаванні выйшла Данута Перадня

🔻 Памілавалі брата заснавальніка EPAM

💥 #галоўнае за 12 студзеня

✔️ Арменія выступіла за ліквідацыю Менскай групы АБСЕ

✔️ Адзін са стваральнікаў серыялу «Працэсы» зняў хорар з Зояй Белахвосцік

✔️ Прэм'ер-мінісрт Грэнладыі адказаў на заявы Трампа

✔️ Робэрт Фіца назваў Зяленскага жабраком

✔️ Намеснік міністра МЗС РБ сустрэўся з прадстаўніком Талібана, які ўваходзіць у тэрарыстычны спіс КДБ

✔️ «BYPOL»: Над вайсковай часткай у Горадні спрабавалі збіць беспілотнік

✔️ Геям афіцыйна дазволілі вучыцца на каталіцкіх святароў

✔️ Ультраправыя Нямеччыны адмовіліся асудзіць Расею за ўварванне ва Украіну

✔️ Расія ўдарыла па інтэрнаце для пажылых у Курскай вобласці. Ёсць загінулая

✔️ Выйшла кніга пра «Магілёўскае цунамі»

✔️ Праз новыя санкцыі ЗША супраць Расеі пацерпіць экспарт расейскай нафты ў Кітай і Індыю