Ի՞նչ գործարքի գնաց Սերժ Սարգսյանը․ Սերժի Վաչոն ցուցմունք էր տվել շեֆի դեմ

Հիմա շատերն են մեռացել, որ 2023 թվականին Սերժ Սարգսյանի ամենամտերիմ մարդը՝ Սերժի Վաչոն, իր շեֆի դեմ ցուցմունք էր տվել։ Գործը վերաբերվում էր Եռաբլուրի հողերի վաճառքին։ Վաչոն իր ցուցմունքում պնդել էր, որ Եռաբլուրի հողերը վաճառել իրեն հրահանգել է այն ժամանակ պաշտպանության նախարար Սերժ Սարգսյանը։ Սրա մասին 2023 թվականի սեպտեմբերին՝ Արցախի անկումից առաջ, գրել էր նաև «Հրապարակ» օրաթերթը։ «ՀՀ երրորդ նախագահի անվտանգության նախկին պետ Վաչագան Ղազարյանը՝ Սերժի Վաչոն, ըստ իրավապահ մարմինների մեր աղբյուրների, ցուցմունք է տվել ՀՀ երրորդ նախագահի դեմ: Թե ինչ բովանդակության է այդ ցուցմունքը, մեր աղբյուրները չեն բացահայտում»,-գրել էր օրաթերթը։

Այդ օրերին լրատվամիջոցներ էին նետվում ՀՀԿ-ականները և գուժում Սերժ Սարգսյանի հավանական կալանավորումը։ Շարմազանովը սրա մասին խոսեց սեպտեմբերի 5-ին՝ Սերժ Սարգսյանի քարոզիչ Սաթիկ Սեյրանյանի եթերում։ ՀՀԿ-ն այդ օրերին նոր շտաբեր էր բացում մայրաքաղաքում և մարզերում։ Ակնհայտ էր՝ պատրաստվում էին Սերժ Սարգսյանի հնարավոր կալանավորման դեպքում փողոց դուրս գալ՝ հանուն շեֆի ազատության։

Չնայած այն հանգամանքին, որ Սերժ Սարգսյանի ամենամտերիմ մարդը ցուցմունք էր տվել իր դեմ ու մի քանի այլ հետաքրքիր պատմություններ ևս պատմել էր իրավապահներին, չնայած ՀՀԿ-ականների վայնասունին՝ այդպես էլ Սերժ Սարգսյանը չկալանավորվեց։ Արցախի անկման աղմուկը մոռացրեց այս պատմությունը, բայց հարցերը դեռ մնում են։
Ունենալով երկաթյա փաստեր Սերժ Սարգսյանի դեմ՝ ինչո՞ւ Նիկոլ Փաշինյանը չկալանավորեց նրան։ Մի պահ պատկերացրեք, ասենք, Ռոբերտ Քոչարյանի դեմ իր մտերիմը ցուցմունք տար, մի տարվա շոուն ապահովված էր։ Նիկոլը Սերժին ոչ միայն չկալանավորեց, այլ Եռաբլուրի հողերի վաճառքը անգամ քարոզչական նպատակով չօգտագործեցին։
Այս ամենը մի բան կարող է նշանակել։ Նիկոլ Փաշինյանին Սերժ Սարգսյանը պետք է ազատության մեջ և որպես ընդդիմադիր։ Նա պետք է ամեն բան անի, որպեսզի իր դեմ ընդդիմության ներսում ամուր կորիզ չձևավորվի։ ՀՀԿ-ն Սերժ Սարգսյանի դեմքով պետք է արմատական ընդդիմության դիրքերից հանդես կա, որպեսզի միայն իր ներկայությամբ փչացնի ցանկացած մաքուր գործընթաց։ Սա Փաշինյանի կողմից Սերժ Սարգսյանի վրա դրված երկարաժամկետ պլանն է։

Իսկ ինչ արեց Սերժ Սարգսյանը կարճաժամկետ առումով՝ 2023-ին։ Նախ նա ամեն բան արեց, որպեսզի Երևանի ավագանու ընտրություններում ընդդիմությունը միասնական հանդես չգա։ Ավելին նա այդ ընթացքում ակտիվորեն հանդիպում էր ընդդիմադիրների հետ և պնդում, որ ըստ իր հարցումների՝ Տիգրան Ավինյանը 52 տոկոս ունի և անիմաստ է մասնակցել ընտրություններին։ Իսկ հետո, երբ ի հեճուկս Սերժ Սարգսյանի՝ իրական ընդդիմադիրներից Անդրանիկ Թևանյանը հայտ ներկայացրեց, Սերժ Սարգսյանն ու իր թիմը սկսեցին հայտարարել, որ պետք է բոյկոտել ընտրությունները, իսկ երբ դա էլ չստացվեց, տարբեր խոսացող բերաններով կոչ էին անում ընտրել Մանե Թանդիլյանին, Հայկ Մարությանին, անգամ Դոգին, բայց ոչ մի պարագայում Անդրանիկ Թևանյանին։ Իսկ Արցախի անկումից հետո Սերժ Սարգսյանի խնդիրն էր պառակտել նոր-նոր ձևավորվող պայքարը, և դրան էլ հասան իրենց Հայկ Մամիջանյանով, Վազգեն Մանուկյանով, Ավետիք Չալաբյանով և քարոզչական գործիքներով։

Ավարտելով՝ կարող ենք փաստել, որ 2023 թվականին Սերժ Սարգսյանը չի կալանավորվել կոնկրետ պայմանավորվածության արդյունքում և նա չի կարող գործել դրանից դուրս։ Սերժ Սարգսյանի միակ խնդիրն է ամեն կերպ թույլ չտալ, որ ձևավորվի իրական ընդդիմադիր կայուն բևեռ։ Դա իր և իր Նիկոլի վերջը կլինի։

Հ․Գ․ Այս հարցը պետք է հետաքրքրի նաև Արմեն Աշոտյանին։ Այդ ո՞նց է լինում, որ իրեն երկար ժամանակով կալանավորում են ինչ-որ անկապ ձայնագրության հիմքով, իսկ Սերժ Սարգսյանին չեն կալանավորում, երբ անգամ իր աջ ձեռքն է իր դեմ ցուցմունք տվել։

Մի քանի օր առաջ լուր ստացանք, որ Տիգրան Ավինյանը հանդիպել է Սերժ Սարգսյանի հետ։ Ըստ տեղեկատվության աղբյուրի՝ Ավինյանի և Սարգսյանի հանդիպման պատճառ է եղել տրանսպորտի թանկացման հարցում ստեղծված դժվարին վիճակը քաղաքային իշխանության համար։

Սկզբում դժվարանում էինք հավատալ հանդիպման մասին տեղեկատվությանը, բայց այսօր տեղի ունեցան բաներ, որոնք կասկածը խորացնում են։ Սերժ Սարգսյանի թիմակից, ԱԺ «Պատիվ ունեմ» խմբակցության պատգամավոր Թագուհի Թովմասյանի «Ժողովուրդ» թերթը գրել էր, որ Մարությանն առաջարկում է փետրվարի 1-ից մտնել ավտոբուս, տալ 100 դրամ և երթեւեկել, բայց իշխանությունը, կարծես թե, մտադիր է տուգանք կիրառել քաղաքացիների նկատմամբ, որը կլինի 50.000 ՀՀ դրամ: «Ու դժվար թե Հայկ Մարությանը, Գագիկ Բեգլարյանի ու Հովիկ Աբրահամյանի հարեւանությամբ գտնվող իր տունը գրավադրի, որպեսզի մարդկանց օգնի վճարել այդ տուգանքները: Արդյունքում` քաղաքացին իր տուգանքի հետ միայնակ կմնա: Իսկ ինչ վերաբերում է այսօրվա թանկացումները 2013 թվականի «100 դրամանոց» բողոքի հետ համեմատելուն՝ ապա նշենք, որ այն ժամանակ մահաբեր գազելներն էին ու վատ ավտոբուսները, հիմա գոնե ունենք նոր տրանսպորտ՝ նոր ավտոբուսներով, քիչ թե շատ նորմալ վարորդներով: Այսինքն` սակագնի փոփոխությունը որակի հետ է առնչվում: Թեեւ պայքարը դեռ նոր դրսեւորումներ է ստանում, բայց պարզ չէ, թե ինչ ծավալների կհասնի. միայն թե վերջում տուժողը կլինի ժողովուրդը, ով կա՛մ պետք է հարմարվի նոր գների հետ, կա՛մ ենթարկվի մեծ տուգանքների»:

Այսինքն, Սերժ Սարգսյանի թիմակիցը ժողովորդին վախեցնում է տուգանքով, այն դեպքում, երբ օրենքով 50 հազար տուգանք չեն կարող կիրառել։ Ակնհայտ է, որ սա վախ տարածելու համար է։

Եվ երկրորդ, արդարացնում է թանակցումը՝ գրելով, թե հիմա գազելներ չեն։ Իսկ երբ Սերժ Սարգսյանի թիմակից Թագուհի Թովմասյանի այս կեղծ պնդումներով ահաբեկումը տարածելու գործին միացան Սերժ Սարգսյանի թիմակից-քարոզիչներ Սաթիկ Սեյրանյանն՝ իր 168․am-ով, ՀՀԿ վարչապետի թեկնածու Արթուր Վանեցյանն՝ իր Mediahub.am-ով, և ՀՀԿ-ական նախկին պատգամավոր Հայկ Բաբուխանյանն՝ իր «Իրավունք» կայքով, պատկերն ամբողջական դարձավ։

Չենք կարող ասել՝ Տիգրան Ավինյան-Սերժ Սարգսյան հանդիպում եղել է, թե ոչ, բայց որ Սերժ Սարգսյանն իր ամբողջ քարոզչական թիմով օգնում է իշխանություններին, պարզ երևում է։

Նիկոլ Փաշինյանը մշտապես թիրախի տակ է պահում հայկական ավանդական ընտանիքի մոդելը։ Իբր բռնություն ու անբարո բան կա մեր ավանդական ընտանիքներում։ Իսկ իրականությունն այն է, որ անբարո վարք ու բռնություն կա հիմնականում իշխանամերձ ընտանիքներում։ ՔՊ-ում կան սեփական կանանց ծեծողներ, ղումարի մեջ ներքաշողներ։ Սրան գումարենք, որ ԱԺ նախագահը ունի երկու կին, այն դեպքում, երբ Հայաստանում բազմակնությունը ապօրինություն է։ Ալեն Սիմոնյանի թղթերով կինը՝ Մարիամ Մարգարյանը ապրում է պետության հաշվին կառավարական ամառանոցում, իսկ ապօրինի կինը՝ Անելյա Գուբրյան ԱԺ նախագահի սեփական առանձնատանը։ Այդ առանձնատանն է ապրում նաև Ալեն Սիմոնյանը։ Պետությունը ապահովում է և կառավարական ամառանոցում ապրող Ալեն Սիմոնյանի կնոջն ու երեխաներին և Ձորաղբյուրում ապրող Ալեն Սիմոնյանին, ապօրինի կնոջը և երեխային, որը վերջերս է ծնվել։ Կանանց մասին մտածող Նիկոլ Փաշինյանը թող այ էս հարցերին պատասխանի։
Հ․Գ․ Ցանկացած մարդ էլ կարող է ամուսնալուծվել, երկրորդ անգամ ամուսնանալ ու դրանում դատապարտելի բան չկա։ Դատապարտելի է այն վիճակը, որը կա իշխանական ընտանիքում։ Էս մոդել՞ն է Նիկոլն ուզում, որ օրինակելի լինի հայաստանցիների համար։