group-telegram.com/Fadfadah98/3523
Last Update:
عاوزه تكوني زوله مثقفه ما تقومي تنزلي ١٠٠ كتاب 😂و تقولي انا لازم تخلص ديل خلال شهر طبعا ١٠٠ دي للمبالغه🌚
تقومي تبدي ف كم كتاب في وقت واحد 🤭
او من ناحيه اخري تخشي كم كورس ف وقت واحد.و تشتركي ف كم ورشه بجاي و جاي و بجاي كتب و دورات و بتاع ...🌚 كدا ضغطتي نفسك.جدا
ح تلقي نفسك يوم يومين تلاته و ح ترجعي تنتكسي ....
الحل انك براحه براححححه ما تخشي توووش 🌚ادي نفسك نظام جرعااات شويه شويه
٣_ انك تستعجلي ظهور النتائج (بمعني انك بتحصري انجازاتك ف وقت معين ) مثلا تقولي انا خلال الشهر لازم اقل شي اقرا 4 كتب ...
او خلال سنه لازم اتعلم انجليزي ...
او خلال سنه لازم يكون عندي كم شهاده و كملت كم كورس
او خلال سنه انا لازم.اكون.حفظت القرآن ...
طيب البحصل انو اذا انتي حددتي وقت معين و طول الوقت بتفكري ف النتائج اذا جا الوقت و لقيتي نفسك ما انجزتي القلتي عليهو ح يجيك احباط شديد زي لمن قلتي ح تقري ٤ كتي ف الشهر و الشهر انتهي و لقيتي نفسك يداب ف نص الكتاب الاول انتي ح تزعلي و تحبطي و تخلي الشغلانه كلها🌚...
هو ما غلط انك تحددي وقت معين بس الافضل انك ما تحددي خوفا كن انو اذا الوقت جا و ما انجزتي ما تحبطي...
و حتي ف النتاىج ما تستعجلي ظهورها و ما تفكري فيهاااا ابدا...
🌚طيب تعالي نديك الوصفه دي ...
لو عاوزه تنجزي اكتر و يكون عندك انجازات كتيره من.دون تعب و جهد و بدون ما تحملي نفسك فوق طاقتها
.تعملي كالاتي ....
تمشي بقانون #اضافه_بسيطه_في_وقت_اقل_لنتائج_اكثر ...
و داا كيييف 🤔🤔🤔...
كالاتي يا ستي ..😉..
مثلا عاوزه تقري قران دايما و ما تهجري القران ...
تقومي كل يوم تقري صفحه مثلا او ٥ ايات انشاء الله كل يوم تلتزمي بيها حاجه بسيطه ما ح تكلفك ... لنهايه السنه ح تلقي نفسك ختمتي كم مره او حتي ف الحفظ لو كل يوم حفظتي ايه واحده بس و رردتيها بعد زمن ح تلقي نفسك مثلا حفظتي جزء ..بدون ما تحسي
مثلا عاوزه تتعلمي لغه ... كل يوم اعرفي ٥ كلمات .. او مثلا عبر التطبيقات التعليميه اقعدي ف التطبيق ٥ دقايق مثلا اتعلمي جمله جملتين ... بعد زمن ح تلقي نفسك عبرتي شديد ف اللغه
مثلا عاوزه تخسي او تواظبي علي الرياااضه كل يوم اتمشي او اعملي تمرين ساي نظام عدم موضوع ما تختي التخسيس ف بالك عشان ما تراقبي نفسك و تحرسي النتيجه وقت ما ح تحسي فرق ح توقفي ... اعمليها كروتين عاوزه تضيفيهو ليومك 😘....
او مثلا ف الكتب عشان ما تملي و تزهجي في كتابك كل يوم اقري ف الكتاب مده دقيقتين او ٥ دقايق انشاء الله ه سطور بس ووقفي اتاملي الكلام القريتيهو ز و اتفكري فيهو ... بنهايه السنه ح تلقي نفسك قريتي كميه من الكتب و تلقاائيا لمن تعودي نفسك عليهو تدريجيا معدل القرايه عندك بزيد حبه حبه
الفكره انك اذا عاوزه تتعلمي اي شي او تضيفي اي روتين جديد ف حياتك تبدي تدخليهو تدريجيا و تعمليهو بكميه بسيطه بعد.فتره ح تلقي نفسك اتحصلتي علي نتاتئج ممتازه فيهو 🥰....
اتغيري عشان نفسك تستاهل النجاح 🥰..ما تحملي نفسك فوق طاقتها اضافه بسيطه لنتائج كتيره . ما تستعجلي النتائج اعمليها و انسي امر النتائج و ما تفكري فيها ..🥰
# ملاحظه ..
لمن تعملي الخطوات دي ح تلقي نفسك تلقائيا مشيتي بالجدول القاعده تختيهو و راعي للزمن ف الجدول ما تفرضي لنفسك مهام كتيره وزمن تنفيذ اكتر مهام بسيطه ف زمن بسيط عدد من الدقايق.
محبات ي السمحات 💋💋
#مشكلة_وحل
#سلسة_كيف؟(6)
#تطوير_الذات
#Hoola_Moh.
@Fadfadah98.
BY It's Tanzeel ♡.
Warning: Undefined variable $i in /var/www/group-telegram/post.php on line 260
Share with your friend now:
group-telegram.com/Fadfadah98/3523