It's Tanzeel ♡.

#أنا_شخص_خجول😔
كيف اتصرف؟؟



بداية كدا مهم تعرف إن الخجل شعور ما حقيقة أو تقييم بتقيم بيه نفسك ، وإنو كل الناس خجولة بس بتفاوتو في درجات خجلهم .
وإنت مهما كنت شايف نفسك خجول فإنت ما خجول دائماً بس بتحس بالخجل في مواقف ومع ناس محددة .

الدكتور في المحاضرة لمن ما تفهم الكلام البقولو بتخاف ترفع يدك وتقول ليه عيد لي النقطة دي ، بس ممكن تمشي لصحبك أو زميلك عشان يشرحها ليك ، لأنك لحظتها بتحس بقلق وخوف من إنك تتكلم مع الدكتور او تتكلم قدام الناس دي كلها ، بس هل تفتكر إنو القلق دا بجي للناس الخجولة بس؟

إنك تخاف وتتردد دا شي طبيعي ، بس الما طبيعي إنك تخلي الخوف يسيطر عليك لدرجة يخليك تضر نفسك بالهروب من المواقف دي.

الفرق بين الشخص البقدر يرفع يدو ويطالب بإعادة الشرح والشخص الما بقدر إنو الأول قدر يطلع من دائرة عدم الراحة (الأماكن المكتظة بالسكان ، التجمعات ..الخ ) والتاني فضل محبوس فيها .

سبب الخجل؟
▪الشخص الخجول بكون عندو تصور ضعيف عن نفسو وتقدير ذات متدني وبنظر لنفسو بطريقة سلبية .
▪او بكون مفتكر إنو محور الكون في أي مكان يمشيه، ركب الحافلة معناه كل الركاب ال علي الحافلة مركزة معاه ، وما بس كدا هو كمان بيفتكر إنو كل الناس الفي الحافلة بتنظر ليه ذي ما هو بنظر لنفسو ، وهنا الخيال بيبدأ يشتغل ..
اتنين بضحكو وصادف عاينو ليك تفتكر إنو هم بضحكو لانو في حاجة فيك غلط وتكون حاسي بكمية من الخوف والتوتر لحد ما تنزل من الحافلة .

كيف تتقبل الخجل؟

اي تتقبلو ما تتخلص منو ، لأنو الخجل والخوف دي حاجات طبيعية بتحصل لكل الناس ، بس البخليها مش شي طبيعي هو ربط حياتك بيها .

▪إتعامل وإتصالح مع خجلك بإنك تواجهو ، لمن تحس بالخجل في اي موقف ، أسأل نفسك طوالي أنا لي حالياً خجلان؟
لو نفسك ردت ليك بإنو الناس ممكن تضحك فيك او ممكن يفهموك غلط أسأل نفسك إنت خسران شنو؟ ولا شي فحاول

واجه خجلك وما تهرب منو ، حتحس في الأول إنك مش مرتاح بس دا الصح ودا الحيخليك تتخلص من هاجس الخجل المفرط دا .

▪إتظاهر بإنك واثق من نفسك لحد ما تثق في نفسك ، لأنو أغلب الناس بيشعرو بنفس مشاعرك دي بس ما بيظهروها.
▪الخجل دا بكون نتيجة تصورك الضعيف عن نفسك والتصور دا بخليك تدي أهمية كبيرة لردود فعل الاخرين وتخاف من حكمهم عليك ، بس انت عارف وأنا عارفة انو كدا كدا الناس بتتكلم ، وأنك مش حتقدر تتحكم في شعور الآخرين ناحيتك عشان كدا مفروض تتجاهلو تماااااااااااااااااااااماً.
▪زيد تقديرك لذاتك وحبها ، ركز عليها أكتر من تركيزك علي الناس ، لمن تتخت في موقف بطلب منك تواجهه الناس وداهمك شعور الخجل دا ركز أكتر شي علي كيف إنت حتتكلم وتطلع بصورة كويسة أكتر من إنو الناس دي حتنظر ليك كيف .

☆ما تخلي الخجل يسيطر عليك لأنو حبة حبة حتخجل من نفسك ووضعك وأحلامك وأهدافك ، وما حتتحرك من محلك لأنو بس إنت خجلان
عزر قبيح صح؟



#مهاد_مكاوي
#مشكلة_وحل.
#الخجل.

@Fadfadah98.

www.group-telegram.com/br/Fadfadah98.com/3718

2.0K viewsتنزيل صابر 🖤, edited  Aug 7, 2021 at 03:25

#أنا_شخص_خجول😔
كيف اتصرف؟؟



بداية كدا مهم تعرف إن الخجل شعور ما حقيقة أو تقييم بتقيم بيه نفسك ، وإنو كل الناس خجولة بس بتفاوتو في درجات خجلهم .
وإنت مهما كنت شايف نفسك خجول فإنت ما خجول دائماً بس بتحس بالخجل في مواقف ومع ناس محددة .

الدكتور في المحاضرة لمن ما تفهم الكلام البقولو بتخاف ترفع يدك وتقول ليه عيد لي النقطة دي ، بس ممكن تمشي لصحبك أو زميلك عشان يشرحها ليك ، لأنك لحظتها بتحس بقلق وخوف من إنك تتكلم مع الدكتور او تتكلم قدام الناس دي كلها ، بس هل تفتكر إنو القلق دا بجي للناس الخجولة بس؟

إنك تخاف وتتردد دا شي طبيعي ، بس الما طبيعي إنك تخلي الخوف يسيطر عليك لدرجة يخليك تضر نفسك بالهروب من المواقف دي.

الفرق بين الشخص البقدر يرفع يدو ويطالب بإعادة الشرح والشخص الما بقدر إنو الأول قدر يطلع من دائرة عدم الراحة (الأماكن المكتظة بالسكان ، التجمعات ..الخ ) والتاني فضل محبوس فيها .

سبب الخجل؟
▪الشخص الخجول بكون عندو تصور ضعيف عن نفسو وتقدير ذات متدني وبنظر لنفسو بطريقة سلبية .
▪او بكون مفتكر إنو محور الكون في أي مكان يمشيه، ركب الحافلة معناه كل الركاب ال علي الحافلة مركزة معاه ، وما بس كدا هو كمان بيفتكر إنو كل الناس الفي الحافلة بتنظر ليه ذي ما هو بنظر لنفسو ، وهنا الخيال بيبدأ يشتغل ..
اتنين بضحكو وصادف عاينو ليك تفتكر إنو هم بضحكو لانو في حاجة فيك غلط وتكون حاسي بكمية من الخوف والتوتر لحد ما تنزل من الحافلة .

كيف تتقبل الخجل؟

اي تتقبلو ما تتخلص منو ، لأنو الخجل والخوف دي حاجات طبيعية بتحصل لكل الناس ، بس البخليها مش شي طبيعي هو ربط حياتك بيها .

▪إتعامل وإتصالح مع خجلك بإنك تواجهو ، لمن تحس بالخجل في اي موقف ، أسأل نفسك طوالي أنا لي حالياً خجلان؟
لو نفسك ردت ليك بإنو الناس ممكن تضحك فيك او ممكن يفهموك غلط أسأل نفسك إنت خسران شنو؟ ولا شي فحاول

واجه خجلك وما تهرب منو ، حتحس في الأول إنك مش مرتاح بس دا الصح ودا الحيخليك تتخلص من هاجس الخجل المفرط دا .

▪إتظاهر بإنك واثق من نفسك لحد ما تثق في نفسك ، لأنو أغلب الناس بيشعرو بنفس مشاعرك دي بس ما بيظهروها.
▪الخجل دا بكون نتيجة تصورك الضعيف عن نفسك والتصور دا بخليك تدي أهمية كبيرة لردود فعل الاخرين وتخاف من حكمهم عليك ، بس انت عارف وأنا عارفة انو كدا كدا الناس بتتكلم ، وأنك مش حتقدر تتحكم في شعور الآخرين ناحيتك عشان كدا مفروض تتجاهلو تماااااااااااااااااااااماً.
▪زيد تقديرك لذاتك وحبها ، ركز عليها أكتر من تركيزك علي الناس ، لمن تتخت في موقف بطلب منك تواجهه الناس وداهمك شعور الخجل دا ركز أكتر شي علي كيف إنت حتتكلم وتطلع بصورة كويسة أكتر من إنو الناس دي حتنظر ليك كيف .

☆ما تخلي الخجل يسيطر عليك لأنو حبة حبة حتخجل من نفسك ووضعك وأحلامك وأهدافك ، وما حتتحرك من محلك لأنو بس إنت خجلان
عزر قبيح صح؟



#مهاد_مكاوي
#مشكلة_وحل.
#الخجل.

@Fadfadah98.

BY It's Tanzeel ♡.