group-telegram.com/dzianisivashyn/2292
Last Update:
1⃣2⃣7⃣8⃣ дзён у палоне. 7⃣ дзён без 💌.
Турма №8 Жодзіна, строгі рэжым!
Чытаю я апошнім часам рэгіянальныя навіны й амаль губляю здольнасьць нешта казаць. Мяркую, Дзяніс Івашын таксама быў бы "ў захапленьні" ад прачытанага. Можа ў дзяржпрэсе надрукуюць, то таксама хутка даведаецца.
Расейскія дроны й ракеты раз-пораз залятаюць то туды, то сюды, але зьбіваць небясьпечных парушальнікаў паветранае прасторы ніхто не сьпяшаецца. Зьнішчыць несанкцыяваных летуноў наважылася толькі акупацыйная адміністрацыя Беларусі як бы гэта сьмешна ні гучала. А астатнім ці то законы трэба ўласныя мяняць, ці дазволу ў некага прасіць, каб абараняць сваіх грамадзянаў і тэрыторыю? Што гэта за вар’яцтва ўвогуле?
Відаць ані "левыя", ані "правыя", ані "цэнтрысты" Эўрапейскіх краінаў дагэтуль не зразумелі, зь якімі злачынцамі й забойцамі яны могуць мець справу ў выпадку, калі Ўкраіна, ня дай Божа, ня здолее ўстаяць перад акупантам. Якія перадвыбарныя гульні могуць параўнацца зь небясьпекай страты волі й годнасьці ва ўласнай дзяржаве? Ніякія "замірэньні" й "мірныя дамовы" ніколі не спынялі агрэсара. А толькі й выключна фатальная параза на ўласнай тэрыторыі!
Ня можаце ці не жадаеце самі зьдзейсьніць гэты жыцьцёва неабходны чын? Прадстаўце без затрымкі ўсе неабходныя зброю й дазволы тым, у каго няма іншага выбару апроч перамогі!
Барацьба за вызваленьне краіны трывае!
МОРДАР МАЕ БЫЦЬ ЗЬНІШЧАНЫ!
#FreeIvashyn #FREEPOLITICALPRISONERSINBELARUS
BY Дзяніс Івашын (Dzianis Ivashyn)
Share with your friend now:
group-telegram.com/dzianisivashyn/2292