🤓 6 лютага 1893 г. у Малой Багацькаўцы нарадзіўся Максім Гарэцкі. Пісьменнік, выкладнік, літаратуразнаўца. Першыя творы публікаваў у «Нашай Ніве» пад псеўданімамі Максім Беларус і М. Б.* Пісаў філасофскую, псіхалагічную прозу. Як палітычнага злачынцу яго арыштавалі спачатку польскія ўлады, а тады саветы.

*Сапраўднае прозвішча паставіў толькі на кнізе «Рунь» (Вільня, 1914).

Яшчэ больш цікавостак вы можаце знайсці ў нашым онлайн-календары «Кожны дзень».
#драбок_гісторыі #щепотка_истории #history_pinch

🤓 7 лютага 1943 г. пачалася ліквідацыя Слуцкага гета. За два гады, з жніўня 1941 г., тут знішчылі 18 тысяч чалавек толькі за тое, што яны былі габрэямі. У 2007 г. на Капыльскай вуліцы адкрылі мемарыял*, прысвечаны гэтым падзеям.

*Аўтар Леанід Левін. Дзесяць камянёў у кутах помніка звязаныя з юдэйскай традыцыяй: публічнае чытанне Торы магчымае пры ўдзеле сама менш дзесяці габрэяў.

Яшчэ больш цікавостак вы можаце знайсці ў нашым онлайн-календары «Кожны дзень».
#драбок_гісторыі #щепотка_истории #history_pinch

🤓 8 лютага 1921 г. у Глінішчы нарадзіўся пісьменнік Іван Мележ. Быў сціплым, умеў і любіў выслухаць суразмоўцу. Сусветнае прызнанне яму прынёс раман «Людзі на балоце»*. Важным лічыў выданне кнігі «Мінскі напрамак»: «…толькі з яе выхадам я адчуў сябе пісьменнікам».

*Частка трылогіі «Палеская хроніка», што раскрывае жыццё палешукоў у часе калектывізацыі.

Яшчэ больш цікавостак вы можаце знайсці ў нашым онлайн-календары «Кожны дзень».
#драбок_гісторыі #щепотка_истории #history_pinch

🎼 Распачаўся збор на аўдыякнігу вершаў і песень пра Беларусь

👩👨Хто аўтары? Паэтка, кампазітарка, спявачка, лаўрэатка прэміі Ф. Аляхновіча Бервета Ірзвіцкая і паэт і празаік Конрад Жывойта.

🗺 Пра што творы? Пра Беларусь і беларусаў, пра гісторыю і лёс, пра жыццё і выбар шляхоў, пра прыроду і коцікаў, пра шчасце і каханне. Вершы аўтараў – гэта аповед пра пачуцці і ўражанні ад падзей, што адбываюцца вакол нас.

🎙Што будзе ў аўдыякнізе? Вы пачуеце вершы ў выкананні саміх аўтараў, а таксама некалькі аўтарскіх песень. Усе творы аб’яднаныя ў цэльную літаратурна-музычную кампазіцыю.

🤍 Падтрымаць ініцыятыву можна праз краундфандынгаваую платформу Gronka.

Усе падрабязнасці тут 👈

🤓 9 лютага 1852 г. у Менску адбылася прэм’ера спектаклю паводле п’есы «Сялянка» Вінцэнта Дуніна-Марцінкевіча. Музыку напісалі Станіслаў Манюшка і Канстанцін Кжыжаноўскі. Упершыню беларуская мова гучала са сцэны як роўная ў правах з польскай*.

*Спектакль забаранілі, але яго працягвалі ставіць нелегальна. У 1993 г. пад назвай «Ідылія» паказалі ў Купалаўскім тэатры.

Яшчэ больш цікавостак вы можаце знайсці ў нашым онлайн-календары «Кожны дзень».
#драбок_гісторыі #щепотка_истории #history_pinch

🤓 10 лютага 1868 г. у Табольску нарадзіўся паэт, мовазнаўца, мастак Карусь Каганец (Казімір Кастравіцкі). Напісаў наш першы падручнік: «Беларускі лемантар, або Першая навука чытання». Стаяў ля вытокаў першай нацыянальнай партыі – Беларускай сацыялістычнай грамады. За агітацыю сярод сялян трапіў у астрог*.

*У зняволенні стварыў ілюстрацыі да тэкстаў свайго турэмнага суседа Якуба Коласа.

Яшчэ больш цікавостак вы можаце знайсці ў нашым онлайн-календары «Кожны дзень».
#драбок_гісторыі #щепотка_истории #history_pinch

🤓 11 лютага 1807 г. у Варацэвічах нарадзіўся мастак, музыка* і педагог Напалеон Орда. Браў удзел у паўстанні 1830–1831 гг., па якім з’ехаў у Францыю. Вярнуўся дадому ў 1850-х і шмат падарожнічаў. Алоўкам, акварэллю, гуашшу, сепіяй захаваў больш за тысячу архітэктурных краявідаў Беларусі, Украіны, Польшчы, Летувы.

*Заснаваў беларускую школу піянізму. 

Яшчэ больш цікавостак вы можаце знайсці ў нашым онлайн-календары «Кожны дзень».
#драбок_гісторыі #щепотка_истории #history_pinch

🤓 12 лютага 1872 г. у Крынках ля Бялынічаў нарадзіўся мастак Вітольд Бялыніцкі-Біруля. Дзве яго карціны ўзнагароджаныя на міжнародных выставах: «Час цішы» (Мюнхен) і «Зімовы сон» (Барсэлона). У 1912 г. каля возера Удомля пабудаваў дом з майстэрняй, які назваў «Чайка». У 1947 г. працаваў у Белай дачы (менская Курасоўшчына), падарожнічаў па радзіме. Шмат яго твораў захоўвае музей у Магілёве.

Яшчэ больш цікавостак вы можаце знайсці ў нашым онлайн-календары «Кожны дзень».
#драбок_гісторыі #щепотка_истории #history_pinch

🤓 13 лютага 1705 г. у Чартарыйску нарадзілася першая ў ВКЛ жанчына-драматург Францішка Уршуля Радзівіл*. Пераехала ў Нясвіж па шлюбе з Міхаілам Казімірам Радзівілам. Досыць хутка зрабіла горад асяродкам культурніцкага жыцця. Ініцыявала аднаўленне друкарні і ўпарадкаванне княскай бібліятэкі. Першую яе камедыю «Дасціпнае каханне» паказалі ў 1746 г. у Альбе, што каля Нясвіжу.

Яшчэ больш цікавостак вы можаце знайсці ў нашым онлайн-календары «Кожны дзень».
#драбок_гісторыі #щепотка_истории #history_pinch

🤓 14 лютага – Дзень усіх закаханых

…Пачынаецца ўсё зь любві –
Першы посьпех і першыя крокі.
Прыручаюцца салаўі,
І зьмяняюцца краявіды
Пачынаецца ўсё зь любві –
Нават ненавісьць і агіда...
Ты пакліч мяне. Пазаві.
Сто дарог за маімі плячыма.
Пачынаецца ўсё зь любві.
А інакш і жыць немагчыма.
Яўгенія Янішчыц

Яшчэ больш цікавостак вы можаце знайсці ў нашым онлайн-календары «Кожны дзень».
#драбок_гісторыі #щепотка_истории #history_pinch

🤓 15 лютага 1989 г. савецкія войскі выйшлі з Афганістану. У Беларусі гэтым днём згадваюць воінаў-інтэрнацыяналістаў. Святлана Алексіевіч стварыла пра тыя падзеі дакументальна-мастацкую кнігу «Цынкавыя хлопчыкі».

*Ваявалі каля 30 тысяч беларусаў, з іх 771 загінулі і двое зніклі без весткі. У Менску ёсць прысвечаны ахвярам афганскай вайны мемарыял з каплічкай – «Востраў слёз».

Яшчэ больш цікавостак вы можаце знайсці ў нашым онлайн-календары «Кожны дзень».
#драбок_гісторыі #щепотка_истории #history_pinch