group-telegram.com/BORBUEV/19262
Last Update:
#отчуот
Ааспыт сыллааҕы отчуокка нэһилиэктэн 7 боппуруос киирбит эбит. Онно балыыһа боппуруоһа эмиэ турбут. Билиҥҥи туругунан 2027 сылга тутуута былааҥҥа киирэн турар диэн иһитиннэрдилэр.
Элбэх хайысхалаах култуура киинин тутуута бырайыактааһыҥҥа сорудаҕа кулун тутарга түмүктэммитэ, бырайыагын экспертизата бэрэбиэркэни этэҥҥэ ааспыт. 290 мөлүйүөн суумалаах эбийиэги тутуу уопсай үлэтиттэн 50% бүппүт диэн сыаналыахха сөп. Билигин үбүлээһин боппуруоһун быһаарар сорук турар.
Биэрэги бөҕөргөтүү үлэтигэр сыһыаннаан - сайаапка быһыытынан Экология министиэристибэтин кытта үлэлэһэр наада. Тута быһаарыллар судургу туруорсуу буолбатах.
Газтааһын үлэтин туһунан иһитиннэриини хоролор ытыс дохсун тыастаах иһиттилэр.
30-тахса сыл фермердээбит биэнсийэлээх Валерий Григорьев отчуоттуур бөлөхтөн бырабыыталыстыба олохтоох бэйэни салайыныы боппуруоһугар туох-ханнык көрүүлээҕин ыйытта. Итиэннэ тыа хаһаайыстыбатыгар сыһыаннаах кыһарыйар ыйытыыларын биэрдэ. Хоро сиригэр агрохолдинг тэрийэргэ усулуобуйа барыта баарын бэлиэтээтэ. Маныаха Петр Попов үчүгэй салайааччы баар буоллаҕына атын улуустарга курдук сайдан тахсар кыахтаах үлэ. Күүскэ үлэлиэххэ эрэ наада.
Атыы-эргиэн, спорт бэтэрээнэ, олохтоох Сэбиэт депутата, билигин бочуоттаах сынньалаҥҥа олорор Илья Саввинов сыл ахсын тэриллэр отчуоту нэһилиэнньэ, чуолаан саастаах өттүлэрэ, эдэр ыччакка тыл-өс тириэрдэр сыаллаах олус кэтэһэллэрин, СӨ Бырабыыталыстыбата сөптөөх үлэни ыытарын, бэйэбит уолбут Айсен Николаев Ил Дарханынан үлэлиирин өйөөн, улуус олохтоохторо кини тула түмсэн, күүскэ өйүөхтээхпитин этиннэ. Ыстаабыккын эрэнимэ - ыйыстыбыккын эрэн диэн саха өһүн хоһоонун курдук, Бүлүү эбэни туоруур муоста тутуутун уонна күөх төлөн ситимин киллэриини ьүргэтэллэригэр баҕа санаатын этиннэ. Сыыппара солкуобайа үлэҕэ киирэрин туһунан информация барыта мөкү өттүнэн эрэ кэлэр курдук. Бу төһө оруннааҕын ыйытта.
СӨ экономикатын миниистирэ Петров маннык эппиэттээтэ:
- Судаарыстыба киллэрэр ньымата буолар. Национальнай харчы сыыппаранан көрүҥэ олоҕу чэпчэтэр, национальнай транзакцияны түргэтэтэр сыаллаах эбии киирэн биэрэр. Аан дойду таһымыгар куонкурустар таһымнаах буоларга сайдыы ирдэнэрин быһаарда. Сыаната кумааҕы солкуобайы кытта тэҥ буолар. Харчы умайбат. Кибер түөкүннээһинтэн харысхалы күүһүрдэр ирдэнэр. Сайдыы барыахтаах, саҥа, сонун ньыма үлэҕэ киирэн иһиэхтээх.
"Үөһээ Бүлүү" хаһыат
