It's Tanzeel ♡.

اتضحت لي مشكله متواجده عند اغلب البنات اللي هي عدم الثقه ف النفس .

الشخصيه الضعيفه المهزوزهة ال بتتاثر بكلام الناس السلبيه و التنمر سواء كان علي شكلها او طريقه كلامها او او او... الخ
الشخصيه البقي عندها خوف من انها تواجهه المجتمع برا او يكون عندها اجتماعيات برة كتيرة، بتكتفي فقط بالصمت ما بتشارك بحاجه بتكون منزويه علي حالها، و بسبب عدم ثقتها في نفسها بتخش ف مشاكل تانيه كتيره جدا و قد تتضيع علي نفسها حاجات كتيره جدا ممكن تساهم ف تطورها و نجاحها ف الحياة عموما .


الثقه في نفسك مطلوبه ليك انتي ك انثى عشان حياتك و عشان علاقاتك مع الناس، سواء بين الاصحاب أو في الجانب العاطفي، اذا ما عندك ثقه ف نفسك ح تواجهي مشاكل ف علاقاتك ب مختلف انواعها .

ثقتك ف نفسك ضروريه جدا ليك ف حياتك الدراسيه و المهنيه، ف مرحلة الجامعه لازم شخصيتك تكون قويه لأنو دي هي المرحلة البتبني شخصيتك، لازم يكون عندك شخصيه عندها رأي، عندها اثر اكاديمي و اثر إجتماعي.

ف حياتك المهنيه اذا ماف ثقه ف نفسك ح تقل عندك جودة الاداء عندك و الكفاءه ف ح تفقدي مهنتك 🤷🏼‍♀️ و اذا ما فقدتيها ما ح تترقي فيها و ح تكوني قاعده محلك، دا اصلا اذا اشتغلتي و ما خوفتي من مواجهه التجربة لأنو غالبيه الناس الما عندهم ثقه ف نفسهم ما بحبو يشتغلو ، بحبو يختفو من انظار الناس لأنهم م بقدرو يواجهو ضغوطات العمل، بخافو من فشلهم ، ف و خوفهم دا هو البسبب في ضعف ف الاداء و الكفاءة.


اذا انتي ماشه تعملي انترفيو ل مقابله عمل، لو الثقه ف نفسك و الثبات و الكاريزما القويه م ظهرت ما ح يقبلوك! لانك ح تكوني خيار ضعيف بالنسبه ليهم، ف يختارو غيرك الناس اللي عندهم كاريزما قويه و شخصية واثقه من نفسها.


طيب نقطه سطر جديد..

= انا بعاني من عدم ثقه ف نفسي ايا كان سببها سوا كان بسبب تنمر من الناس علي شكلي او من اهلي بسبب فشلي او ايا كان السبب، انا اتعالج كيف من الحاجه دي؟!
و كيف اقدر اثق ف نفسي و احل المشكله دي؟ وكيف اكون شخصيه واثقة و شخصيه قويه و عندها رأي؟


طيب سؤال جميل ركزي معاي يلا. ❤️


اولا :- علاج الثقه بالنفس دا بيدك انتي !
اي والله، حتى لو مشيتي عديل ل طبيب نفسي و قلتي ليهو انا ما بثق في نفسي اديني علاج، مستحيل يكتب ليك حبوب و يقول ليك هاك اخدي الحبوب دي مساء و صباح مده اسبوع و بعدها ح تبقي زوله واثقه من نفسها و خطيرة
مستحيل طبعا حاجه زي دي تحصل😁.


و لو مشيتي ل زول اخصائي ارشاد نفسي م ممكن يكون عندو مصباح علاء الدين السحري و ينفخ ليك يطلع ليهو الجني و يقول ليهو خلي فلانه دي واثقه من نفسها.

ف يبقي يا حبيبتي تعرفي انو العلاج بيدك انتي ما بيد زول غيرك، بس انتي فقط محتاجه تعرفي الطريق البوديك للعلاج و تسلكيهو براك و يكون عندك رغبه جداً انك عاوزه تعالجي الحاجه دي فيك .

طيب انتي عاوزه تعرفي طريقة العلاج كيف؟؟
يلا اسمعي 👇🏻


- اذا كان عدم ثقتك في نفسك كان بسبب تنمر الناس مثلا علي شكلك قصرك او سمنك او نحافتك او اي شي ف شكلك و انتي بتتضايقي و تزعلي منهم و شايفه انهم ما مفروض يقولو ليك كدا او ما مفروض يتنمرو عليك ..

ف احب اقول ليك يا عزيزتي انتي ما ح تقدري تغيري الناس ولا هم بيدك🤷🏼‍♀️ يعني ح تقولي ليهم اتغيرو و ما تتنمرو علي عشان انا بزعل و بضايق؟! هل كلهم ح يستجيبو ليك؟ هل كلهم ح يراعو ليك ؟ لا طبعا انتي ما بتقدري تغيري الناس بس انتي بتقدري تغيرك نفسك ب انك تسمحي ل نفسك انها ما تتاثر ب كلامهم السلبي و الحاجه دي بيدك انتي برضو ما بيد زول انتي لو ختيتي ف عقلك انك ما عاوزه تتاثري وخلاص ده كلام و يعدي ح يعدي ❤️
و اذا انتي اتحسستي و عملتي دراما كبيره و عريضه و عشتي دور الضحيه برضو بيدك انتي و انتي القاعده تدخلي نفسك ف الحتات الغريقه دي 🙂
يعني انتي ابدا ما بيدك تغيري الناس ولا تغيري الظروف بس بيدك انك تغيري نفسك اذا كانت الانتقادات دي بتاثر عليك او لا انتي البتختاري.

ختي المعلومه دي في راسك عشان تاني ما تجي تقولي صحباتي بتنمرو علي عشان قصيره او عشان سمينه و الناس و الناس ...

الناس عمرها ما سكتت ولا بطلت تنمر ولا عمرها ح تسكت دي حاجه ثابته الى ان تقوم الساعة، ف اذا انتي منتظره الناس تتغير عشان و تراعي ليك ي السمحه اقعدي انتظري عشم ابليس ف الجنة.. 🚶🏻‍♀

www.group-telegram.com/ca/Fadfadah98.com/3126

2.3K viewsتنزيل صابر 🖤, Jan 19, 2021 at 03:30

اتضحت لي مشكله متواجده عند اغلب البنات اللي هي عدم الثقه ف النفس .

الشخصيه الضعيفه المهزوزهة ال بتتاثر بكلام الناس السلبيه و التنمر سواء كان علي شكلها او طريقه كلامها او او او... الخ
الشخصيه البقي عندها خوف من انها تواجهه المجتمع برا او يكون عندها اجتماعيات برة كتيرة، بتكتفي فقط بالصمت ما بتشارك بحاجه بتكون منزويه علي حالها، و بسبب عدم ثقتها في نفسها بتخش ف مشاكل تانيه كتيره جدا و قد تتضيع علي نفسها حاجات كتيره جدا ممكن تساهم ف تطورها و نجاحها ف الحياة عموما .


الثقه في نفسك مطلوبه ليك انتي ك انثى عشان حياتك و عشان علاقاتك مع الناس، سواء بين الاصحاب أو في الجانب العاطفي، اذا ما عندك ثقه ف نفسك ح تواجهي مشاكل ف علاقاتك ب مختلف انواعها .

ثقتك ف نفسك ضروريه جدا ليك ف حياتك الدراسيه و المهنيه، ف مرحلة الجامعه لازم شخصيتك تكون قويه لأنو دي هي المرحلة البتبني شخصيتك، لازم يكون عندك شخصيه عندها رأي، عندها اثر اكاديمي و اثر إجتماعي.

ف حياتك المهنيه اذا ماف ثقه ف نفسك ح تقل عندك جودة الاداء عندك و الكفاءه ف ح تفقدي مهنتك 🤷🏼‍♀️ و اذا ما فقدتيها ما ح تترقي فيها و ح تكوني قاعده محلك، دا اصلا اذا اشتغلتي و ما خوفتي من مواجهه التجربة لأنو غالبيه الناس الما عندهم ثقه ف نفسهم ما بحبو يشتغلو ، بحبو يختفو من انظار الناس لأنهم م بقدرو يواجهو ضغوطات العمل، بخافو من فشلهم ، ف و خوفهم دا هو البسبب في ضعف ف الاداء و الكفاءة.


اذا انتي ماشه تعملي انترفيو ل مقابله عمل، لو الثقه ف نفسك و الثبات و الكاريزما القويه م ظهرت ما ح يقبلوك! لانك ح تكوني خيار ضعيف بالنسبه ليهم، ف يختارو غيرك الناس اللي عندهم كاريزما قويه و شخصية واثقه من نفسها.


طيب نقطه سطر جديد..

= انا بعاني من عدم ثقه ف نفسي ايا كان سببها سوا كان بسبب تنمر من الناس علي شكلي او من اهلي بسبب فشلي او ايا كان السبب، انا اتعالج كيف من الحاجه دي؟!
و كيف اقدر اثق ف نفسي و احل المشكله دي؟ وكيف اكون شخصيه واثقة و شخصيه قويه و عندها رأي؟


طيب سؤال جميل ركزي معاي يلا. ❤️


اولا :- علاج الثقه بالنفس دا بيدك انتي !
اي والله، حتى لو مشيتي عديل ل طبيب نفسي و قلتي ليهو انا ما بثق في نفسي اديني علاج، مستحيل يكتب ليك حبوب و يقول ليك هاك اخدي الحبوب دي مساء و صباح مده اسبوع و بعدها ح تبقي زوله واثقه من نفسها و خطيرة
مستحيل طبعا حاجه زي دي تحصل😁.


و لو مشيتي ل زول اخصائي ارشاد نفسي م ممكن يكون عندو مصباح علاء الدين السحري و ينفخ ليك يطلع ليهو الجني و يقول ليهو خلي فلانه دي واثقه من نفسها.

ف يبقي يا حبيبتي تعرفي انو العلاج بيدك انتي ما بيد زول غيرك، بس انتي فقط محتاجه تعرفي الطريق البوديك للعلاج و تسلكيهو براك و يكون عندك رغبه جداً انك عاوزه تعالجي الحاجه دي فيك .

طيب انتي عاوزه تعرفي طريقة العلاج كيف؟؟
يلا اسمعي 👇🏻


- اذا كان عدم ثقتك في نفسك كان بسبب تنمر الناس مثلا علي شكلك قصرك او سمنك او نحافتك او اي شي ف شكلك و انتي بتتضايقي و تزعلي منهم و شايفه انهم ما مفروض يقولو ليك كدا او ما مفروض يتنمرو عليك ..

ف احب اقول ليك يا عزيزتي انتي ما ح تقدري تغيري الناس ولا هم بيدك🤷🏼‍♀️ يعني ح تقولي ليهم اتغيرو و ما تتنمرو علي عشان انا بزعل و بضايق؟! هل كلهم ح يستجيبو ليك؟ هل كلهم ح يراعو ليك ؟ لا طبعا انتي ما بتقدري تغيري الناس بس انتي بتقدري تغيرك نفسك ب انك تسمحي ل نفسك انها ما تتاثر ب كلامهم السلبي و الحاجه دي بيدك انتي برضو ما بيد زول انتي لو ختيتي ف عقلك انك ما عاوزه تتاثري وخلاص ده كلام و يعدي ح يعدي ❤️
و اذا انتي اتحسستي و عملتي دراما كبيره و عريضه و عشتي دور الضحيه برضو بيدك انتي و انتي القاعده تدخلي نفسك ف الحتات الغريقه دي 🙂
يعني انتي ابدا ما بيدك تغيري الناس ولا تغيري الظروف بس بيدك انك تغيري نفسك اذا كانت الانتقادات دي بتاثر عليك او لا انتي البتختاري.

ختي المعلومه دي في راسك عشان تاني ما تجي تقولي صحباتي بتنمرو علي عشان قصيره او عشان سمينه و الناس و الناس ...

الناس عمرها ما سكتت ولا بطلت تنمر ولا عمرها ح تسكت دي حاجه ثابته الى ان تقوم الساعة، ف اذا انتي منتظره الناس تتغير عشان و تراعي ليك ي السمحه اقعدي انتظري عشم ابليس ف الجنة.. 🚶🏻‍♀

BY It's Tanzeel ♡.