كل ما ريح الهبوب داعبت غصن الورق
طاح قافٍ شاعره عارف دروب الحياة

وكل مامرّت طيوفٍ من اللهفة شرق
شرقةٍ من دمعته بيّحت باقي خفاه

السهر في باب سود الليالي كم طرق
يحتري شمس الصباح ان تبيّن في ضياه

والسحاب اللي يزمجّر وبرّاقه برق
يوم جيته كذّب برعده وبرقه وماه

قالوا سنينك مع من تحبّه تنسرق
شرهة سنيني على اللي ما جوّد بالوصاة

من يعيش العمر كله يخاف من الغرق
ما درى ان الموت احيان في طوق النجاة

بيني وبين هموم قلبي مزارق
مثل مزارق طيب بين النشامى

يا نسايم من روابي العف مري
وأكرمي مثوى المتيّم في زمانه

وفي محاديب المحاني أستقري
لين يسحر كل عابر في بيانه

منك نفعي لا وصلتي ومنك ضري
لا هجرتي بعد ربي جل شانه

من وراك القاف وأحساسي وسرّي
وقلب صادق مارضى فيك المهانه

الوله يهتك ستر ليل ويعرّي
الوجيه اللي لها قدر ومكانه

في دجاه يشادي الجفن ويسرّي
بال، متعبْه الهجوس وعنفوانه

كل ما أونسته في ليلي زال شرّي
كيف عاد أن جادت الليله حنانه

لو أشوفه قلت لعيوني أقرّي
فالجبين الضوح والعود وليانه

وإن شكى قديم جرحي لا يطرّي
شاعرٍ لا ذا زمانه وْلا مكانه

ما سرّها صمتي ولا غرّها اللي جرى
خليلة القاف ما جابت بعيد الخبر

لو باحت بسدّها جيب الحليم أنفرى
في ليلها سكّة النسيان ولا الصبر

لكن لا مرّت، الجرح القديم أنبرى
عبيرها ينتشر في كل موضع شبر

يلوذ فيها شقيٍ في هجوسه سرى
من بعد ما ضاق من وجه الزمان الغبر

راشد الماجد - فقدناك

من حقها الشمس والسحاب والفرقدين
اللي عليها الحسن من اكبر ذنوبها

ماتشوف كل الاوادم غير في نص عين
والاوادم تشوفها من طارف قلوبها

سقاك الهاجس الرزّام يا بالي
بعد ما بلّت عروق الثرى مزنة

تحايلت الشعور اللي يورّالي
وانا شاعر يسيل القاف من جفنه

لا عيّل في الحنايا حزن من تالي
عتقت القاف من قيده ومن سجنه

وغرفت من القصيد العذب طوّالي
في بحرٍ موجه يطاول صبر سفنه

كحلت عيون ليل الخوف بأمالي
وحربت الياس ورحت أدك في حصنه

ما عندي من الزمان إلا عمر غالي
وما عندي من الطريق إلا ضيا مدنه

خدين الروح وروضٍ حَل منزالي
تهادت في فياضي خيله وهجنه

نزل لكن نزل في مرقبٍ عالي
وتبختر في توشّاحت هوى حسنه

مثل عودٍ سقاه الغيث همّالي
ولاعبْه النسيم وميّل بغصنه

عرفت المُر يقفى ليلته حالي
ما كني شاعرٍ يغفى على حزنه

وجوده في حياتي هو رضى حالي
جعل من بيني وبين الزمن هدنة

@fahadal7
عطونا مشاركاتكم واقتباساتكم الشعرية والموسيقية والأدبية .. لا تشحّون علينا من الأدبيات اللي تهذّب الروح والشجن

"جائزة أجمل رأس"

كل ما تدوّر في زمانك سعه
ضيق عليك اللي تحب وتبيه

الغالي اللي كنت تضحك معه
اليوم تدعي له وتبكي عليه


خالي فالح وأخي محمد تركوا ضيق وكبد الحياة وذهبوا عند واسع الرحمة والمغفرة رب السموات والاراضين
"رحمة الله عليهم جميعاً وعلى اموات المسلمين".
لا تنسونهم من صالح الدعاء يا أحباب.

الفن العراقي النادر..

متى ياوادي العشاق فيني سلت
سحابك ماكذّب كنه مواعيدي

على جور الشعور الا اني ماقد ملت
ولا صدري تضايق من مناشيدي

يروح العمر بسنينه وانا لا زلت
احبك والمحبه ماهيب في ايدي