group-telegram.com/IADAT/17782
Last Update:
От жительницы нашего оккупированного государства (орфография и пунктуация автора сохранены):
«Ассаламу Ӏалайкум ВарахьматуЛлахӀи ВабаракатухӀу сан хьоме махкахой, со Нохчийчоьнан йахархо йу, ас со мила йу эр дац, кхерамазаллин бахьанашца. Мусаева Заремина гонаха хӀоьттинчу хьолана тӀехь терго латтош йу со.
АллахӀа цу харцонах кӀелхьара йоккхийла иза, со кхета, мел хала ду иза Заремина а цуьнан доьзална а, АллахӀа иманца собар лойла царна. «Бакъдолуш, халачу зераша яккхий ял йохьу, ткъа баккъалла а, Сийлахь-Везачу АллахӀана цхьа болу нах безаш хилча, Цо уьш зерашна кӀел латтабо, ткъа реза волчунна АллахӀ реза хилар карор ду, ткъа реза воцучунна АллахӀан оьгӀазло ловр ю».
АллахӀан Элчано (АллахӀера къинхетам а, маршо а хуьлда цунна) аьлла: «Нагахь санна шух цхьанна бехке хӀума гича, цо иза шен куьйгаца хийцадойла. Ткъа нагахь санна цуьнан куьйга дан ницкъ ца кхачахь, маттаца дан йиш яц. Ткъа нагахь санна шен маттаца цуьнан ницкъ ца кхачахь, тӀаккха шен дагца, ткъа хӀара хир ду иманан уггаре а гӀийла гучудалар». ХӀара хьадис Муслима 49 дийцина.
ХӀора бусалба стага шега далург дан деза АллахӀ резаван. Нохчийчохь дехачу тхан кхин гӀо-накъосталла дан йиш яц. Республикел арахьа болчу сан махкахошка кхайкхам бан лаьа, тийна ма Ӏе, хӀара хӀума вайх хӀораннах а хьакхадала тарло. Ткъа вай харцонна тӀе тидам а бахийтина, вовшашна гӀортор еш хиллалц, АллахӀа вайн хьал хуьйцур дац.
АллахӀа аьлла:
{وَكَانَ حَقًّا عَلَيْنَا نَصْرُ الْمُؤْمِنِينَ} سورة الروم: آية 46
«Декхарийлахь ду Тхо муъма нахана г1о дан» («Рум» сурат, 46 аят).
Дозанал арахьа беха сан лераме махкахой, ас доьху шуьга вайн йиша Зарема дӀахецар тӀедожор. Нохчий, шайн резадацар дӀахаийта, дуьненна гайта шаьш хилар, Заремин кхолламна шаьш озабезам боций. Кадыровн зуламах лаьцна дийца, оцу АллахӀан мостагӀаша вайн халкъ муха хьийзадо гайта. вай ӀадӀийча, цара кхин дӀа а цхьацца вайн халкъ хӀаллакдийр ду. Вай вовшашна гӀортор ца еш хилча, мила вогӀур ву вай тиранех кӀелхьардаха? Цхьа кӀеззиг нах бен ца хуьлу оцу низам дохорна дуьхьал бистхуьлуш, мичахь ду шу дисинарш?
Европехь Ӏаш болчу сайн йижаршка доьху ас, тхуна гӀо дехьара аш, кхузахь Нохчийчохь Ӏаш болчу шай йижарша а набахтехь хьийзочу Заремина а. Дехар дар Европехь зударийн митинг вовшахтохар.
Вайх цхьа бахьан хилла вай йиша Зарема цу набахти чур могуш маьрш АллахӀо ара йокхур йу аьл сатуьйсуш Ӏаш дукх вай. АллахӀо тӀаьхье беркате йойла вай.»