МАРАФОН ЯКУНИ

7 ижодкор. 21 кун — ижодий марафони ҳам якунига етди, азизлар. Бу вақт ичида иштирокчилар эътиборингизга янги ёзган шеър ва ҳикояларини, таржима ва эсселарини улашиб бордилар. Аввало, айтганимиздек, бу кундалик ёзиш кўникмасини ҳосил қилиш учун бир тажриба эди. Тажриба давомида бир нечта гўзал ижод намуналари яратилганига гувоҳ бўлдик. Албатта, ижодкорлар бу вақт давомида ёзган ишларини лозим бўлса қайта ишлайдилар, таҳрир қиладилар, сарасини ажратадилар.

Демак, марафоннинг финишигача етиб келган иштирокчилар:

1. Башорат Отажонова
2. Хуршид Абдурашид
3. Мафтуна Умрзоқова
4. Манзура Абдуллаева.

Лойиҳада қатнашган 7 ижодкорга катта раҳмат айтамиз! Шунингдек, уларни ўқиб ўз фикрларини билдириб борган мухлисларга ташаккур. Марафон давомида ўзингизга кимнидир кашф қилган бўлсангиз хурсандмиз. Тез кунда иштирокчилар билан учрашиб, хомийларнинг атаган китобларини топширамиз. Яна янги лойиҳаларда кўришгунча!

@mittihaqiqatlar

Биз ҳаммамиз ёзарлармиз!
Одам ўзи билан ўзи гаплашиши адабиётнинг чашмаси деса бўлади. Инсон миясининг бурма-бурма бўлиб қолган жойларини ўзгаларга тил билан ифодалаб беролмайди. Унда ёзишга бўлган олий эҳтиёж туғулади. Фикрларини сўзлар билан кийинтира бошлайди (ёзилаётган нимарсалар фойдаси ёки у қачондур матбуотда эьлон қилиниши заррача ўйланмаган, режалаштирилмаган эҳтиёж ҳақида гап кетябди). Бундай пайтда Ёзар ёзишга берилиб кетади, атрофни тамоман унитади. Чунки айтилмаган, тил ёрдамида изоҳлай олмаган ва айни дамда қоралаётган гаплари унга катта қувонч, қониқиш, овуниш келтиради.
Идиш бўшатилиб турмаса, тошиб кетиши мумкин. Инсон қабул қилаётган турли информатсиаларга мия ҳам турлича реаксия беради. Қувонч, ғам, жирканиш, севиш ва ҳок... Қачондир биз уларни миядан бўшатишимизга тўғри келади ва бунинг йўли фақат ёзиш! Шундай экан ҳаммамиз ўзимизча Ёзарлармиз. Ёзиш давомида ижод қиламиз, ижод эса миллий чегара билмайди.
Бир шоир танишим ўзининг ижод жараёнини пешоб келгандаги қистаниш ва ундан иложи борича тезроқ қутилиб, ҳузурланиш вақтига ўхшатган. Биласизми, ҳаётда ҳиссиётларини тилда ифода этмай, фақат ёзганлиги учунгина тирик юрган инсонлар бор. Ҳиссиётлар доим индивидуал бўлган.
Ёзиш ҳам сув ва ҳавога бўлган эҳтиёжлардан бири эканлиги ҳақиқат. Миянгизни бўшатинг. Тил ожиз бўлса, ҳарфлар кетма-кетлигидан фойдаланинг. Энг муҳими ЁЗИНГ!

Ижодий марафонга келсак, ҳамроҳларимдан даражам анча пacтлигига қарамай безбетларча лойиҳада қатнашдим. Адабиёт ва аҳлоқ қоидалардан бироз чиқиб кеткан бўлишим ҳам мумкин, бироқ ўн тўққиз кун мазза қилиб ёздим. Бу, худди мозайҳистнинг роҳатига ўхшаш лаззат.
Аслида, ўн биринчи ёки ўн тўққизинчи кун лойиҳани тарк этиб кетишим ҳам мумкин эди.Чунки ўша куни бўлишганларим ҳақиқий шиғирдан бошқасимасди. Лекин ўша мендаги нафс даражисига кўтрилган —ёзиш эҳтиёжи мени олиб қолди.

Йигирма бир кун тинмай ёзиш ҳамроҳларим(рақиб демайман, чунки ўзим рақобатчи даражасида эмасман)га ҳам осон бўлмади, менимча. Бир кунда ёзиб, таҳрир қилинмаган ижодий ишларни бўлишиш ҳаммамизга ҳам қийин бўлди. Уларнинг бундан кейинги ижодига омад ва айримларига инсоф тилаб қоламан. Ижодкор чин маьнода инқилобчи бўлиши керак. Ҳамроҳларимга ана шундай инқилобни тилайман.

Йигирма бир кун биз билан бўлган, таҳлил-танқидларини аямаган ўқувчиларга ҳам раҳмат.

Ҳар қандай шиғирларимизни бир сўз демай жойлаб борган лойиҳа муаллифи Нодирабегим Иброҳимовага алоҳида ташаккур!


https://telegra.ph/Yigirma-bir-kunlik-ijodiy-ish-05-01

Bunday kechada

Sukunatning oq shulasida
Birovning yuragi qon to'kadi
tomchi-tomchi.

Yolg'izlikning moviy shulasida
Qorong'u ko'r ko'chada
Kimdir adashib qoldi


Bunday kechada
Menga faqat sen kerak, azizim!
Menga hech qachon keraksiz bo'lgan sen!

Kelayotib ip va igna keltir,
Yuragimni yirtilgan joyin yamaymiz.
Va yana...
Yana bir mash'al ham keltir,
Chiqish yo'lini topgani.

Birovlarning hislari ustidan kulish prinsiplarim qatoriga kirmaydi.
Bu yigit rost gapiryabtimi, yolg'onmi menga qizig'i yo'q. Agar rost bo'lsa, yigitchaga shunchaki havas qilgan bo'lardim. Do'stligidagi odamni ijtimoiy tarmoqda birmuncha vaqt mobaynida kuzatib, orzusidagi odamni uchratganini anglab qolish— qanday baxt! Masalan, men idealimdagi insonni umrimning oxirigacha ham topolmasligimga amin bo'lsam ham uni qidiraveraman. Bu xuddi hayotning bemaniligini bilib turib, ma'no axtarganday gap. Men yo'qdan bor qiladigan, o'zini aldab, ovuntirib yuradigan odamlarga havas qilaman. Bir davrada shu(ideallar) mavzusida gap ketdi. Shoira opalarimizdan biri : " Maftuna, bu hayotda ideal ota-ona, ideal er- xotin va ideal farzand ham yo'q. Umuman, ideallar mavjud emas. Shunchaki ideallarimizga sal yaqinroqlari bor", degandilar.To'g'ri, men ota-onam orzusidagi farzand emasman.
Bir necha kundan keyin bir maqolada Yung va Freyd nazaryalarida ideallar ta'rifiga ko'zim tushdi. Ha. Ideallar mutlaqo mavjud emas!

Оскар Уайльд

Ҳар ким ўлдиради ўз севганини ,
Эшитяпсизми?
Xар ким .
Кимдир ўлдиради бир боқиш аро ,
Кимдир ахмақона сўзларин санчиб.
Юраклилар қиличин зарбаларида
Қўрқоқлар бир ўпич билан ўлдирар .

Ҳар ким ўлдиради ўз севганини ,
Эшитяпсизми?
Ҳар ким.
Кимдир ўлдиради ёшлик вақтида ,
Кимдир ўлдиради кексайган чоғи .
Шаҳватли қўлида бўғади кимдир,
Олтинли қўлида ўлдирар кимдир .

Ҳар ким ўлдиради ўз севганини ,
Эшитяпсизми?
Ҳар ким.
Марҳаматли одам пичоғин урар .
Пичоқ билан ўлган одам тез музлар ,
Кимдир севар экан жудаям бисёр ,
Кимдир севар экан жуда оз севар .

Ҳар ким ўлдиради ўз севганини ,
Эшитяпсизми?
Ҳар ким.
Кимдир сотар бунда, ким сотиб олар ,
Кимдир ўлдираркан тўкар кўз ёшин .
Кимнинг сочи жонсиз олиб ётар тин ,
Чунки ҳамма ўлдирар ўз севганини…
Ҳамма ўлдирганин айтару бироқ
Ўлмас .

Таржимон М.Мусаллам

МУНОЖОТ
Ҳей Исо ва Аллоҳ! Ташнаман жуда
Мўъжизага! Тонгда, ярлақа шу тоб!
Менга ўлим бергин, кетмас беҳуда
Мен учун бутун умр мисоли китоб.

Донишлигинг тубсиз, жабр этиб дема:
“Қаноат қил ҳали, бор пича муддат”.
Ахир нозил этдинг минг неъмат менга,
Бир йўла барча йўлдан юр дейди ният.

Ўғриликка куйлаб борган лўлидек
Телба кўнглим барин хоҳлайди илиб.
Арғануннинг минг бир мақом йўлидек,
Жангда Амазонка юрардай елиб.

Тун оша... Болаларни олдинга бошлаб,
Қора минорада ром очаман, ром.
Бўлсин кечаги кун – мангу афсона,
Кечсин ҳар келар кун – далли-девона.

Хоч, ипак, дубулғани севаман буюк,
Қалбим сониянинг изидир тошда...
Эртакдан ҳам гўзал бердинг болалик,
Энди ўлим бергин ўн етти ёшда!

Марина ЦВЕТАЕВА

Вафо ФАЙЗУЛЛОҲ таржимаси

25 ёш...
Шунчаки яшалаётган умримга қараб, туғилмасликнинг ўзи ҳам бир саодат деб биламан. Туғилмаганлар —чин мазаффарлардир!

Қачон унга ташналигим ортса,
қичқираман.
Ўз умрим мендан қочгани сари
суқилавераман унинг пинжига.
Бир оз шошма, дейман;
қўлларидан тутиб,
қулоғига лабларимни босиб,
шивирлайман…
Умринг сени ташлаб кетаётган
севгилинг эрса, қандай?
Осиламан унинг бўйнига
ва қичқираман
кетсанг, ўлиб қоламан дея.

ҲАЛИНА ПОСВЯТОВСКА

Рафиқ Сайдилло таржимаси

An'anani buzmay

Bir silkitib qo’ydi bu hayot,
Bir silkinib yig’ladim bunda…

@Муслимбек Мусаллам

«Сени бутун ёз бўйи севаман» – бу ҳархолда ишончли гап, бутун умр севаман дейишдан кўра.

У мойчечакка ўхшарди.
Баъзан севарди, баъзан севмасди.

Қаерингиз оғриса – жим бўлинг, йўқса айнан ўша ерга зарба берадилар.

Мен ҳақимда нима ҳам билишинг мумкин, бир мартаям ёнимда тунамаган ёки бирга ичмаган бўлсанг?

Марина Цветаева

@mittihaqiqatlar

орадан неча йил ўтди, шеър актуаллигича қолди

@kishanbandim

Aytgancha, turmishga chiqdim. Uzulishlar bilan bo'ladigan stress jonga tegdi, davomiysi kerak edi. Yigitni ta'riflaydigan bo'lsam, tanlab-tanlab o'qimagan, oddiy jaydari qishloq bolasiga tegdim. To'g'ri, ja boladek bo'lmasada, ko'rganlarim ichida soddadil va bug'ubor muhabbati bor. Bugun 16-kun, hozircha sabr-kosam to'lmadi. Lekin bularni bari tugaydi, men bilan birga tugaydi, bu aniq va oz qoldi...

Kelin bo'lib, tush ko'rishga ham qo'rqadigan ishlarni qilyabman.
Kir yuvyabman, uylarni chinni qilyabman,qishloq muallimchasi bo'lib, ishga birib kelyabman orada. O'zim o'ylaganimdan chqqon qiz ekanman. Ota uyimdagilar yashash shu deyishdi, men ham ularni so'zini yashab beryabman. O'zimni ko'mganimga ancha bo'ldi.

* * *

Ўзинг асра, Худойим, сўнмоқда икки қуёш,
Бири кўкда, бирови чап кўксимда жонталош.

Улар каби кечира оламанми ўзимни?
Бул икки қуёш менинг оғдирди-ку эсимни.

Кўз қамашмас нурлардан сўнади иккови ҳам,
Қай бирин тафти баланд — аввал топгуси барҳам.

2023-yilni shifoxonada yotib sarhisob qilyabman. Ushbu yilda hayotimdagi eng katta xatoni qildim. O'zimni unutib, o'zgalar uchun yashamoqchi bo'ldim, atrofdagilar qistovi bilan tumushga chiqdim. Ammo barbir eplolmadim. 2024-yilda shu xatoyimni tuzatishni rejalashtirdim.
Aslida, meni tug'ulishimni o'zi katta xato edi. Endi umrim davomida shu xatoni tuzatishga urunib yashayman...

Kuchli og'riq! Adabiyotga qaytishni istayman. Chunki unda qondirilmagan chanqoqlarim bor.
Shu kunlarda o'zimni to'lg'oqdan azoblanayotgan ayoldek his qilyabman. Nima bo'lsa ham muddatidan oldin tug'ulmasin...