group-telegram.com/ValeriNikolaev/2207
Last Update:
Дойду Президиэнэ Владимир Путин быһа биэриитин көрдүм. Президент биэриигэ 4 час 27 мүнүүтэ нэһилиэнньэттэн киирбит ыйытыыларга эппиэттээтэ.
Президент сүрүн этиилэрин улууспут олохтоохторугар анаан сахалыы тылбаастаан суруйа олорон, Владимир Путин этиилэрин сахалыы тыыннаан, сахалыы өйдөөн быдан чугастык ылынан иһиттим.
Дойдубут Президиэнэ чахчы Аан Дойду үрдүгэр саамай күүстээх, бастыҥ Лидер буоларын өссө төгүл көрдөрдө. Хас биирдии киирбит ыйытыыга ис сүрэҕиттэн аһаҕастык уонна дьоҥҥо тиийимтиэтик быһааран толору эппиэти дьоҥҥо биэрдэ.
Быйылгы биэриигэ сүрүн таарыллыбыт хайысха - анал байыаннай дьайыы буолла. Анал байыаннай дьайыы тиэмпэтэ, туруга, кыттыылаахтара кэпсэтиигэ элбэхтэ таарылыннылар. Ол курдук, Владимир Владимирович Путин анал байыаннай дьайыы кыттыылаахтарыгар туһаайыллыбыт бырагырааммаларга уонна волонтердар үлэлэригэр болҕомтотун уурда.
Маны сэргэ дьиэ кэргэҥҥэ, оҕо төрөөһүнүгэр Президент элбэхтэ тохтоото. Элбэх оҕолоох дьиэ кэргэттэргэ судаарыстыба бары өттүнэн көмөлөһүөхтээҕин бэлиэтээтэ.
Дойдубут Президиэнэ Владимир Путин модун Россиябыт туһугар сыралаах үлэтин, ылынар сөптөөх быһаарыныыларын бары өйөөн, түмсүүлээх буоллахпытына бары хайысхаҕа кыайыылаах тахсыахпыт.
Маннык күүстээх Президиэннээх буоламмыт эйэлээх халлаан олохтоноро ырааҕа суох эбит диэн эрэл кыыма умайда.
#Путин
T.me/ca/ValeriNikolaev.com
BY Валерий Николаев, Глава Верхневилюйского района
Share with your friend now:
group-telegram.com/ValeriNikolaev/2207