أكتَافُ الرِجال خُلقتْ كجبيرةٍ لاعناقِ النِسّاء المَكسّورة !

|جودي نِطفجي

الحمدُلله

اليوم بعد ما خلصت المحاضرة و عم ضب غراضي لأطلع، اجت بنوتة،
بتقلي أنا بعرفك من قناتك و هي معي بالدفعة،
اتعرفنا على بعض و قعدنا حكينا و كأن منعرف بعض من سنين😂❤️❤️

لكن للأمانة لما شفت لهفتها و إنها بقناتي صاروا عيوني قلوب🥹💕

معلومة مُهمة جدًا استلخصتها من كتاب علاقات خَطِرة :

- في داخلنا أكثر من شخص- وهاد ماله تعداد شخصيات-
و يلي هنن( الطفل، الأب، الأنا)
كلّ حدا فيهم بعبر عن موقف معين أنت بتمرق فيه،
مثلًا، الطفل: بلحظات الحبّ، الفرح، المرح .
الأب: لحظات لمنأرشد فيها انفسنا و مننقدها، منوعيها...الخ

لهيك بكلّ موقف لازم نسأل حالنا مين يلي عم يحكم الموقف حاليًا؟
وهل هاد الموقف بناسبه الطفل أو الأب أو الأنا لجواتنا؟
(عنجد لما فكرت فيها و قربتها ع مواقف بحياتي اتأكدت من المعلومة)

و هون أنت لازم تحدد مين يتعامل معك بكلّ موقف،
مثلًا بلحظات الضعف و البكاء، ما بينفع اتعامل مع حالي بشخصية الطفل المُتذمر!
لأن لح زيد الأمر سوء،
بحاول اتعامل مع ذاتي كأب راشد .

فعليًا هي الفقرة بالكتاب، خلتني حذرة كيف بحكي مع حالي، و انتبه لطريقة تفكيري أكثر .

اليوم و أنا أكتبُ لشخصّي المُفضل، وَ انصّفهُ؛
بأنهُ الوحيد مِمن أُحبّ لم يُبكينِ يومًا .
بكيتُ، بكيت خوفًا لأن يتحول لنسخةٍ منهم .

-جودي نِطفجي

الرزقُ أن تَصحى في الصَباح، وَ في صدّركَ يعلوْ النَفس،
وَ السّعي أن تَستغل رُزقك، لتغفو آخر اليوم وَ أنتَ متغاضٍ عن كلّ كَبد !

جملة تَستحق أن نتفكّر بها في كلّ صباح .

و أخيرًا صباح الخير💕

إنجازات أيلول 🍃

على سبيل القراءة ✅:
كتاب وصفات لنساء حزينات .
كتاب حَاء .
كتاب كيف تصلح قلبًا مكسورًا
قرأت أول ١٢٠ صفحة من الكتاب الذي تتمنى لو قرأهُ أبواك (بس ما كملته، حسيت مستهدف للأمهات، فأجلته لمرحلته) .

على سبيل الكورسات لحضرتها ✅:
التسويق الإلكتروني .
كورس القراءة باللغة الانكليزية(بس ما انهيته ممتد معي لهل شهر) .

بودكاست ✅
حضرت ١٠( تسعة بالمنحنى النفسي، و واحد كتابة محتوى)
في واحد سياسي انتقل معي لهل شهر .
+ قدمت بودكاست عدد 2، بصوتي على القناة

عادات  ✅
قللت قهوة .
خففت سكر صِناعي .
---------
الحمدُلله 💕

إذا بتصفن حاليًا بوحشية إسرائيل
لح تشوف إنه مشكلتها مالها أرض وبس!
لأن قذارتها امتدت لخارج فلسطين،
القصة مو قصة أرضي ولا أرضك،
الغاية أكبر من هيك بكثير .

وهي زوبعة السياسة، إنه ما بتفهم توجهات عدوّك فورًا .

من يُضمد في آخرِ الصيد جرح الغَزال !

-أمل دنقل .

اليوم كوّنه قاعدة بالبيت،
و مزاجي هل يومين ماله مثل العادة،
فأحيانًا بحسّ التنظيف بفرغ لجواتنا .
المهم، طلّعت على غرفة التراس و نظفتها بالكامل، و قررت ادرس فيها بالنهار(هروبًا من ضجّة أخواتي)😂

ملاحظة: عندي هواية بتنظيف الصمدّيات😂🤍

وهي النتيجة الأخيرة .✅
حاليًا وقت القراءة وَ الاسترخاء

كوٌنه مرق أسبوعين على الدوام الجامعي، و أغلب الجامعات بدأت بالإعطاء، لح نحكي اليوم على كم نقطة نركز عليهم مِن بداية الفصل :

🔺بعدَ ما تعرفنا على مواد الفصل الحالي، منحاول نسأل الدفعة لقبلنا، عن أصعب مواده، و منبدأ فيهم من اللحظة الحالية- كل محاضرة بمحاضرتها-

🔺منحدد المواد لبدنا نحضرها مع الدكاترة .

🔺المرجع لبدك تدرّس منه: مكتبة، كتب جامعية، أو كتابتك مع الدكتور .

🔺الفكرة يلي نسيانها رممها فورًا، مثلًا( مبارح أنا وعم ادرس محاسبة شركات، استنتجت إني نسيانة شو هو قيد الاقفال، فتحت على اليوتيوب و راجعت الفكرة)

🔺المواد الضعيف فيها، أبدأ بترميم ضعفك من هلق( مثل اللغات، المواد التأسيسية و الأساسية بتخصصك)

🔺و أخيرًا ما منسى نحدد هل نحن كائنات ليلية أو نهارية و مندرس على هل أساس(يعني ايمت بتزيد إنتاجيتك الصبح ولا المسا؟)

وبالتوفيق للكلّ🍃
-جودي نِطفجي
#فائدة

طاقتي معدومة لدرجة صرنا ب 4 أكتوبر، وأنا لا كاتبة خطة هاد الشهر، ولا عارفه شو بدي، حتى المهام يلي عليي عم سوفها دايمًا .

لهيك قررت صلّح الحال:

•في نوع من العناية بخليني حبّ حالي أكثر(و هو فقرة الاهتمام بالبشرة) لح ابدأ بهل نقطة .

•اعمل فنجان شاي أخضر بالهيل .

•اكتب خطة أكتوبر بلا كسّل .

•أبدأ بمقرر القانون التجاري .

•عبالي اقرأ هل شهر كتاب عن المرأة (رح دوّر)

•حضرلكم فقرة خطأ شائع .

حاجّة تسويف وَ اهمال بقا🥲

اليوم لح ينزل على القناة :

1-خطأ شائع في إدارة الصفحات .

2-بودكاست عن كيفية كتابة الخطة الشهرية (بصوتي) .

تَرقبوا💕

أنتَ على الأقل حاليًا، بتعيش دعوة مِن الدعوات لدعيتها بالماضي .

خَطأ شائع في إدارة الصفحات على السوشال ميديا :

بهتم بالتفاعل ❌
بهتم بالوصول✅
--------
أكبر خطأ عم يرتكبوه لعم يديروا صفحات البزنس حاليًا، هو إنهم عم يركزوا على التعليقات و الريأكشن فقط!

🫧طيب أنا من الأشخاص يلي لا بتفاعل، ولا بعلق، بشوف المنشورات و بمشي،
بس بتضل هي الصفحة ببالي!

مثلًا بيوم من الأيام بدي لوحة مرسومه، في رسامة اسمها علا بلال متابعتها، لا بعلقلا ولا بأعجب ببوستاتها، بس هي ببالي!

👈أساساً في صفحات محتواها و التفاعل متعارضين مع بعض!
يعني صفحة مولدات كهربائية، شو بدو يكون التفاعل عليها؟
منورة الله يسعدك؟
أكثر تعليق ممكن هو سؤالًا عن السعر!

👈هلق لح تقولولي ييي بس بالتفاعل و التعليقات بيرتفع المنشور .
لح قلك هاد حكي قديم،
يعني الخوارزميات تبع الفيسبوك تحدثت هلق، ماعاد ارتفعت البوستات لا بتم، ولا بالملصقات، ولا حتى بتعليقات عادية

يعني الله يعطيك العافية، و السعر، و منور الله يسعدك هههه .
الخوارزمية ماعاد قرأتهم، ماعم تحسب الا التعليق يلي بمسّ المنشور و محتواه!

اهتم بوصولك و كيف تعلق بذهن عميلك!
-جودي نِطفجي
#اقتصاد #تسويق #إدارة

كتابة خطة شهرية،
حكيت عن :
-خطوات وضع هدف حقيقي .

-المستوفيات الأساسية لوضع هدف حقيقي .

-ملاحظات حوّل الخطة الشهرية .

-ضرورة وجود مرونة لتعديل الهدف .

و تذكروا مِن غير التزام لن تَصل !💕

#بودكاست_جودي

من ألطف اللقطات لمشوار اليوم💕