group-telegram.com/viasna_brest/3201
Last Update:
❗️Баранавічы: затрыманы пасля прыезду з-за мяжы анкахворы ўтрымліваецца пад вартай. Суд адмовіў у змене меры стрымання, аргументам стаў... польскі від на жыхарства 🤯
У сярэдзіне снежня быў затрыманы 28-гадовы Анатоль Пугач. Затрыманне адбылося амаль адразу пасля вяртання мужчыны з Польшчы. Анатоль прыехаў у Беларусь, каб прайсці абследванне: у яго вынайшлі анкалагічнае захворванне.
Але ж мужчыне прад'явілі абвінавачванні па арт.368 КК за абразу Лукашэнкі, і змясцілі пад варту.
Па інфармацыі берасцейскай «Вясны», 23 студзеня (калі Анатоль ужо больш за месяц быў у СІЗА), адбылося судовае паседжанне. Бок абароны прасіў аб змене меры стрымання. Але ж аргументам супраць гэтага было названа тое, што ў Пугача ёсць польскі від на жыхарства — так што суддзя Ірына Паўлоўская адхіліла скаргу, і адмовілася змяніць меру стрымання на хаця б хатні арышт.
Заклікаем падтрымаць Анатоля (яму можна дасылаць грашовыя пераводы, заказныя лісты):
📮СІЗА-6. 225413, г. Баранавічы, вул. Брэсцкая, 258 В
Пугач Анатоль Барысавіч
BY Вясна | Брэст
Share with your friend now:
group-telegram.com/viasna_brest/3201