О, Марыя, Маці Збаўцы,
Да цябе узносім сэрцы.
Нам прыйдзі на паратунак,
Маці Божая ў Барунах.

1. У Барунах, месцы слаўным,
Ты чакаеш нас усіх.
Позіркам глядзіш спагадным
На дзяцей сваіх.
Маці, да Тваёй іконы
Нас вядуць жыцця шляхі.
І цялесна, і духоўна
Нас аздараві.

2. У віры жыцця патонеш,
Ці апынішся ў бядзе,
У Барунах Маці побач
Блізка да цябе.
Калі навакол пустыня,
Адвярнуліся сябры,
Цябе Маці не адкіне -
Да яе ідзі.
3. Калі сэрца ў трывозе,
Ты перад іконаю
Папрасі аб дапамозе
Маці Божую.
Калі грэх закрые вочы,
Сэрца стане каменем
У Баруны трэба крочыць
Проста да Яе.

4. Нашае жыццё мінае
І да неба шлях вядзе,
Багародзіца Святая,
Клічу я цябе.
І, прашу, на дапамогу
Да мяне хутчэй прыйдзі,
Каб з Табою разам Бога
Славіў на вякі!

Сяргей Раюнец - словы, музыка

Вялікая Вячэрня на 23-ю нядзелю па Сьв. Тройцы, 27 кастрычніка

http://cssr.by/2019-03-04-08-41-21/chasaslou/202-viacernia-ton6.html

ГРЭКА-КАТАЛІЦКАЯ ПАРАФІЯ МАЦІ БОЖАЕ ФАЦІМСКАЙ, ГАРОДНЯ
вул. Гараднічанская 32а
РАСКЛАД НАБАЖЭНСТВАЎ
на 28 кастрычніка – 3 лістапада

панядзелак-пятніца
18.00 – Літургія св. Яна Залатавуснага

2 лістапада, субота
18.00 – Літургія св. Яна Залатавуснага
за памерлых

3 лістапада, нядзеля
Св. Губерта, біскупа Льежскага
10.00 – Літургія св. Яна Залатавуснага
- Ружанец

Нам трэба быць ахвотнымі да здзяйснення дабра. Бо Пісанне папярэджвае нас: «Вось прыйдзе Госпад і адплата Яго з Ім, каб адплаціць кожнаму паводле ягоных учынкаў» (пар. Адкр. 22, 12). Ён заклікае нас, каб мы верылі ў Яго ўсім сэрцам і пазбягалі ляноты і нядбайнасці ў здзяйсненні дабра. Няхай Госпад будзе нашым гонарам і надзеяй. Будзем паслухмянымі Яго волі і будзем памятаць, што незлічоныя хоры анёлаў стаяць перад Ім і выконваюць Яго волю. Бо кажа Пісанне: «Святы, Святы, Святы, Госпад Сілаў. Уся зямля поўная хвалы Яго» (Дан 7, 10; Іс 6, 3).

Св. Клімент Рымскі

Слухайце, каралі, і разумейце, вучыцеся, суддзі межаў зямных! Схіліце вуха, вы, якія пануеце над мноствам і ганарыцеся безліччу народаў. Ад Госпада дадзена вам улада, а панаванне – ад Найвышэйшага, Які выпрабуе вашыя справы і даследуе вашыя намеры.

Бо вы, будучы слугамі Ягонага Валадарства, не судзілі справядліва, не захоўвалі закон і не ішлі за Божай воляй. Ён грозна і хутка сыдзе на вас, бо суровы будзе суд над тымі, хто пануе. Найменшы праз міласэрнасць атрымае прабачэнне, але моцныя будуць моцна пакараныя. Бо Валадар усяго не глядзіць на асобу, і не зважае на веліч, таму што Ён стварыў і малога, і вялікага, і аднолькава клапоціцца пра ўсіх, але моцных чакае суровае выпрабаванне.

Да вас, уладары, – мае словы, каб вы навучыліся мудрасці і не ўпалі. Бо тыя, хто захоўвае ў святасці святое, стануць святымі, а навучаныя гэтаму – знойдуць абарону. Таму жадайце Маіх словаў, сумуйце па іх, і будзеце навучаныя.

Кніга Мудрасці 6, 1-11

Дыспенсацыя ад абавязку ўстрымання ад мясных страваў 1 лістапада 2024
На падставе канона 1538 § 1 Кодэкса Канонаў Усходніх Цэркваў Апостальскі Адміністратар для грэка-католікаў у Беларусі - Архімандрыт Сяргей (Гаек) удзяляе дыспенсацыю ад абавязку устрымання ад спажывання мясных страваў вернікам грэка-католікам у Беларусі (старэйшым за 14 гадоў), у пятніцу 1 лістапада 2024 года.

Вернікі, якія будуць карыстацца гэтай дыспенсацыяй, павінны памаліцца ў інтэнцыях Святога Айца.

+++

1 і 2 лістапада грэка-католікі моляцця за памерлых на могілках, што часто завяршаецца сямейнай трапезай (разам з рыма-католікамі). 1 лістапада ў каляндары лацінскага абраду - гэта ўрачастасць, што зносіць абавязак устрымання ад мясных страваў, хаця ў 2024 г. - гэта пятніца. У каляндары візантыйскага абраду ўрачыстасць Усіх Святых святкуецца ў іншым тэрміне, таму ўдзяляецца гэтая дыспенсацыя.

+++Напярэдадні ўрачыстасці Усіх Святых Папе Францішку падарылі ікону св. Еўфрасінні Полацкай+++
У Рыме, напярэдадні ўрачыстасці Усіх Святых (у рыма-каталіцкім каляндару) – 30 кастрычніка 2024 г., у час агульнай аўдыенцыі на плошчы св. Пятра, архімандрыт Сяргей (Гаек) падарыў Яго Святасці Папе Францішку малую ікону св. Еўфрасінні Полацкай.
Гэта сімвалічны дар экуменічнай групы моладзі з Мінска, Полацка, Віцебска і Гародні, якая ў рамках “Года малітвы” - якім Папа францішак абвясціў год 2024 – моліцца за хрысціянскія Цэрквы ў Беларусі.
Святая Еўфрасіння Полацкая (нар. 1104) паходзіла з роду полацкага князя Ўсяслава (яе хроснае імя было Прадслава).
Для хрысціян Беларусі яна з’яўляецца “настаўніцай мудрасці і прыкладам малітвы”. Ушаноўваюць яе хрысціяне візантыйскай традыцыі (праваслаўныя і грэка-католікі) у дзень яе спачыну – 23 траўня. Яе ўшаноўваюць і рыма-католікі.
Напрыканцы свайго манаскага жыцця, Еўфрасіння вырушыла ў пілігрымку да Святой Зямлі. Святая спачыла ў Ерусаліме 23 траўня 1173 года. (Гэта быў час пасля Вялікай схізмы, але на беларускіх землях гэты падзел не быў вострым)

ТРАПАР (Тон 8).
Прыпaдoбнiўшыся двaнaццaцiгaдoвaму Xрысту, штo зaстaўся ў сьвятынi нaвучaць, ты, aдкiнуўшы дaчaсную слaву, усклaлa Крыж нa сябe i пaйшлa зa Iм; выбрaўшы aнёльскi спoсaб жыцьця, вучэньнeм i прыклaдaм свaiм ты прывялa мнoгix дa Xрыстa i, быццaм сoнцa вeсьняe, aсьвяцiлa зямлю Пoлaцкую i ўсю Бeлaрускую крaiну, Eўфрaсiньня сьвятaя, пaчэснaя мaцi нaшaя. Цяпeр мaлi Xрыстa Бoгa, якoгa ты пaлюбiлa бoльш зa ўсё, дaрaвaць крaiнe нaшaй i ўсяму сьвeту супaкoй, i душaм нaшым бaгaцьцe свaйгo зьмiлaвaньня.

НАШЫ ВЫДАННІ.
БЕЛАРУСКІЯ НАВІНКІ.

ДА СКАРЫНАЎСКАГА ЮБІЛЕЯ.

Да 500-годдзя выдання скарынаўскага «Апостала» «Тэхналогія» падрыхтавала каляндар «Францішак Скарына ў Вільні».

«Апостал» — гэта першая дакладна датаваная кніга, выдадзеная ў Вільні.

Каляндар змяшчае не толькі зручную прасторную сетку, але і багатую калекцыю візуальных матэрыялаў, звязаных з нашым знакамітым кнігавыдаўцом, — ад жывапісу і скульптуры да марак і манет.

#Тэхналогія
https://tn.by
#TnBy

У сваёй рубрыцы Хрысціянства і літаратура айцец Андрэй Крот завяршае знаёміць з рэцэнзіяй Адама Бабарэкі на сатырычную паэму Кандрата Крапівы Біблія.

У мінулай перадачы гаворка ішла пра тое, што літаратурны крытык лічыць Крапіву ўдумлівым даследчыкам Святога Пісання, які знаходзіць у кнізе Быцця спрэчныя моманты. Паводле Бабарэкі, такім чынам паэт выкрывае падман духавенства: святары нібыта пераконваюць людзей у існаванні Бога, святасці герояў Старога Запавету, праўдзівасці Святога Пісання, каб падпарадкоўваць іх уладзе цароў і шляхты.

Вялікая Вячэрня на 24-ю нядзелю па Св. Тройцы, 3 лістапада

http://cssr.by/2019-03-04-08-41-21/chasaslou/204-vyachernya-ton-7.html

ГРЭКА-КАТАЛІЦКАЯ ПАРАФІЯ МАЦІ БОЖАЕ ФАЦІМСКАЙ, ГАРОДНЯ
вул. Гараднічанская 32а
РАСКЛАД НАБАЖЭНСТВАЎ
на 4-10 лістапада

10 лістапада, нядзеля
10.00 – Літургія св. Яна Залатавуснага

Святкаванне свмч. Язафата: =у ВІЦЕБСКУ: СУБОТА, 9.11.24 у 12:00; =у ПОЛАЦКУ: НЯДЗЕЛЯ, 10.11.24 у 15:00 (будуць госці).==у Парафіях (дзе магчыма) - у АўТОРАК, 12.11.24.