ЧАХЧЫЛААХ ЫЙЫННЬЫК

🥞 Масленица Пасха буолуо 56 хонук (8 нэдиэлэ) иннинэ бэлиэтэнэр.

Урут күн сааскы туруутун кэмигэр бэлиэтэнэр эбит. Бу үгүс норуокка киэҥник биллэр үгэскэ кубулуйбут кэрдиис кэм.

🌞 Күн аһынан - блинынан күндүлүүр үтүө үгэс баар.  Масленица сүрүн аһа – блины. Күн курдук төгүрүк быһыылаах. Ол иһин, күнтэн күүс ылар саҕа сананан блины сииллэр, чугас дьоннорун күндүлүүллэр эбит.

Сорохторго бу кэмҥэ эт ас бобуллар, оттон үрүҥ аһы, арыыны төһө баҕарар сиэхтэрин сөп. Арыынан ньылҕаарыччы сотуллубут саһарчы буспут блины бу кэм маанылаах аһа буолар.

Маннык бэлиэ кэмҥэ дьон-сэргэ саас иһэрин уруйдуур.  Хараҥа уһун кыһын кэнниттэн, күргүөмүнэн айылҕа уһуктуутун бэлиэтииллэр. Көр-нар, ырыа-үҥкүү тардаллар.
Маннык сааһы көрсүү бырааһынньыга, Россияҕа эрэ буолбакка, атын дойдуларга эмиэ киэҥник бэлиэтэнэр.

@chokhoon

Бүгүҥҥү оонньуу хоруйа:

12+12+12=36
12+8+8=28
8-4=4
6+12÷2=6+6=12

🐾 Тоҕо диэтэххэ, тиҥилэх 1 тарбаҕа = 2

Болҕомтолоох буол!

@chokhoon

БИЛИИГИН ТУРГУТ

Күн аайы эбиллибэт билии көҕүрүүр☝️
Билиигин тургутан оонньоон көр.

🟢 СӨП | СЫЫҺА 🔴 Оонньоо,
"Билиигин тургут" рубрикаҕа саҥа оонньуу таҕыста 👏

🟡 ЧОХООН Rutube эбэтэр YouTube холбоо, суруттар.

@chokhoon

ОМУКТУУ КЭПСЭТ
КЫТАЙ ТЫЛА

🇨🇳 Аан дойду үрдүнэн быдан тарҕаммыт тыл – кытай тыла эбит. Бу күннэргэ, интернет ситимигэр тылбааска, Дойду үрдүнэн кытай тыла иккис миэстэҕэ таҕыста. Нуучча тылыттан кытай тылыгар тылбаас маннык үрдүк көрдөрүүтэ Россияҕа бастакытын бэлиэтэнэр.

Биһиги айар бөлөхпүт М.К. Аммосов аатынан Хотугулуу-Илиҥҥи федеральнай университет Тас дойду филологиятын уонна регионоведения институтун устудьуоннарын кытта үлэтэ салҕанар.

«Омуктуу кэпсэт» рубрикабытыгар КЫТАЙ ТЫЛЫН үөрэтэр саҥа плейлист арыйдыбыт 👏👏👏 Манна биһиги корреспонденнарбыт кытайдыы кэпсэтэргэ тэттик уруоктары көрдөрүөхтэрэ.

Бүгүн бастакы таһаарыытын көр. Сорудаҕы толорон тугу билбиккин чиҥэт.😉

🟡 ЧОХООН Rutube эбэтэр YouTube холбоо, суруттар.

@chokhoon

🖌Бүгүн олунньу 28 күнэ - Россия народнай худуоһунньуга, ССРС худуоһунньуктарын Академиятын академига Афанасий Николаевич Осипов төрөөбүт күнэ.

Кини бу күн, 1928 сыллаахха Горнай улууһугар төрөөбүт.
Кини үлэлэриттэн бүгүн «Хартыына» рубрикаҕа көрүҥ:

▶️ Дьиэ тутуута

▶️ Сылгыһыттар

▶️ Муҥха

▶️ Норуот суруйааччылара

@chokhoon

ЧАХЧЫЛААХ ЫЙЫННЬЫК

Үрүҥ эһэ сиргэ сылдьар сиэмэх кыыллартан саамай бөдөҥнөрө. Ыйааһына 1 туоннаҕа, уһуна 3 миэтирэҕэ тиийэр эбит. Төһө да кураанах сиргэ төрөөбүтүн иһин, үксүн муораҕа, уулаах сиргэ сылдьар. Билим эйгэтигэр Ursus Maritimus – муора эһэтэ диэн өйдөбүллээх эбит.

Үрүҥ эһэ ууһут бэрдэ. Ас көрдөөн, Аляскаттан 600 км.тахса сири харбаан, тыһы эһэ рекорд олохтообута.

Үрүҥ эһэ ууттан кураанах тахсар эбит. Тоҕо диэтэххэ, түүтэ сыалаах буолан инчэйбэт эбит. Түүтэ халыҥ уонна курдары көстөр, пигменнара суох.  Күн уотун тэйитэн үрүҥ өҥнөнөн көстөр. Оттон тириитэ хара өҥнөөх. Ол иһин сылааһы үчүгэйдик тутар эбит.

Үрүҥ эһэ сыты ыраахтан билэр. Холобур, түлүөн сытын 32 км.ыраахтан ылар эбит. Кинилэр олус чэнчис кыыллар, күн аайы 15 – 20 мүнүүтэ ыраастаналлар.

Үрүҥ эһэлэргэ 2008 сылтан икки бэлиэ күн баар. Олунньу 27 күнүгэр Үрүҥ эһэ Аан дойдутааҕы күнэ, ахсынньы 29 күнүгэр Үрүҥ эһэ төрөөбүт күнэ бэлиэтэнэр.
Үрүҥ эһэлэр Сахабыт сирин уһук хоту өттүгэр бааллар.

@chokhoon