group-telegram.com/DUMRF_TAT/2390
Last Update:
Россия Федерациясе мөселманнары диния идарәсе рәисенең беренче урынбасары, профессор Дамир Мөхетдиновның «Татар-информ» мәгълүмат агентлыгында чыккан интервьюсыннан
«Безнең халкыбызның миссиясе: динебезне тарату, динебезне саклау һәм аны үстерү»
- Элек-электән Русиядә мәчетләрне татарлар салган. Бу мәчетне дә, башкасын да. Әле дә шундый тенденция дәвам итә – Владивосток булсынмы, Якутия булсынмы – татарлар сала. Гәрчә бүтән мөселман республикаларында да андый бай шәхесләр дә бар. Әмма миңа мәчет салучылар һаман да башлыча татарлар кебек. Бу чыннан да шулаймы?
Әле дә мәчетләр салуны татарлар дәвам итәме?
- Әлхәмдүлилләһ, Без һәрвакыт безнең татар милләтенең бу дәүләттә икенче урындагы милләт икәнен әйтәбез – 5 миллион. Руслар әйтмешли, дәүләт төзи торган милләт. Безнең дә милләтебез, руслар кебек, дәүләт төзи торган милләт. Бу дәүләтнең башында, аңа таш салган вакытта, аның асыл нигезен салган безнең милләтебез. Алтын Урда заманында, Хәзәр, Идел буе Болгар дәүләте вакытыннан шулай, шуңа күрә без горурланабыз. Безнең халкыбызның миссиясе: динебезне тарату, динебезне саклау һәм аны үстерү. Безнең бабаларыбыз ничек өйрәтеп калдырдылар, без бүген шул вазифаны дәвам итәбез.
Карагыз, Түбән Новгород өлкәсендә бүген дүртенче мәчет нигезе салынды. Шул хезмәтнең башында кем тора? Безнең Нижгар татарларларыбыз. Үзләре бүгенге көндә Әмирлекләрдә бизнесларын алып бара, ә чыгышлары белән Нижгарлар. Үземнең ватанымда – Нижгарстанда, Түбән Новгородта мәчет салырга телим дип, бу мәчетне төзергә бер миллиардка якын акча тапшырдылар.
Тулы әңгәмәне әлеге сылтама аша кереп укыгыз һәм карагыз
@DUMRF_TAT
BY ДУМ РФ татарча
Share with your friend now:
group-telegram.com/DUMRF_TAT/2390