group-telegram.com/Fadfadah98/3632
Last Update:
..
انا وامك ما واحد.. ما يجي واحد يقول ليك حبيني زي امي..انا لمن احبك طبيعي تحسني بشبه امك في مقدار الانسجام والاحتواء..
..
الواحد لمن يحب.. بيرجع للحظات الامان الكان بيحسها مع امو وهو صغير.. زمن كان بستمد اي شي منها من غير قيود وشروط.. من غير اعتماد ع العالم الخارجي..
بس مصيرو يكبر.. ويعرف ويتعلم.. مصيرو ينفضل عن امو.. ويتعود على غيابها..
فلما تلغي شخصيتك عشانه.. حيشوفك زي امو واحد..
لمن تراضيه من غير ما تعرفي هو زعلان ليه.. زي امو لمن يبكي بدون سبب.. وتقول ليه تعال نوم..
او يقع تقول ليه.. دقو الواطه الشينه دي دقينا الواطه..
..
لازم يناقشك عشان يعرف انك عندك رأي وكيان.. بتحسي وتشعري.. انتي عايزه تستقبلي زي ما بتدي بالضبط..
كيس الخضار ده كان عند ماما...انا بكامل قواي العقليه.. عايزه شوكولاته وانت راجع.. عشان تحس انك بتعمل في حاجه عشاني...
ما عايزه انا وانت نتقفل في بيت واحد.. عشان تجيب لي اكل اسويه ليك.. وتطلع تضرب هواء المكيف وتخليني في الحر براي.. ولو يوم ما عملت اكل تشوف اني مقصره في واجباتي..
..
الواحده تقول ليك نزلت ليه نجوم السماء وبعد ده خاني..
نجوم السماء النزلتيها بدون شغف دي ما لازماه..
نجمه واحده.. بحب الدنيا كلو.. حتخليه منور بوجودك للابد
..
هو اسمو "الشريك" نتشارك اي حاجه.. نختلف لكن اختلافنا يقدر يجمعنا في كل مره..
انا ما لغيت شخصيتي.. انا حاولت اجي على نفسي عشانك.. بس انت ما فهمتني..
..
عموما ما تطلب مني ابيع ليك شعور.. وانت قادر تشتريني كلي..
انا ما كنت كده.. انت الشوهت ملامحي.. وغيرتني 💛.
#علاقات.
#Malaz_Ali.
@Fadfadah98.
BY It's Tanzeel ♡.
Warning: Undefined variable $i in /var/www/group-telegram/post.php on line 260
Share with your friend now:
group-telegram.com/Fadfadah98/3632