رِوايات سُودانية🪐🤎!)"

رِوايات سُودانية🪐🤎!)"

كنت ببكي ليل نهار .. بحس إني متضايقة اليوم كلو ومخنوقة لدرجة من الزعل ما بقدر أتنفس .. الإمتحانات جات وملك تهرش وتنبز فيني وعلى البعملو بس انا كان لسه عندي أمل إننا نرجع .. ما متذكره كنت شغالة كيف في الإمتحان بس حتى في اللجنة كنت ببكي .. بين الشيتات كنت ببكي…

#ثمن_الإختيار❤️
حلقة 10


"‏ لا أنساها، الليلة التي كبرت فيها عمرًا فوق عمري ونضجت فيها من شدة ما كان أذاها عميقًا💔.))

الولد بكل برود قال لي عامر دا سافر السعودية..
أنا بقيت ما مصدقة وشغالة أسألو إنت متأكد إنو سافر؟
أكد لي وإستئذن مني طوالي عشان هو مستعجل..
واقفة ورجولي ما شايليني معقولة عامر يعمل كدا من غير ما يكلمني؟
مش قال ما شغال وزهجان وظروفه صعبة؟
مش الزعل والمشاكل البينا كلها بي سبب إنو مستاء وما لاقي شغل؟
بديت أستوعب يداب إنو هو كذب علي..
مافي زول ما عندو قروش وزهجان بسافر..
عامر مشى من غير ما يودعني حتى..
عامر خلاص تاني ما ح يرجع قريب ..
طب وتخطيطنا الـ كنا بنخططو سوا .. عملو براهو
كنت منتظراه ومتأكدة إنو ح يروق ويتصل لي زي كل مرة..
كنت عارفة إنو مهما بعد عني ح يرجع يعتذر ونطلع سوا ويقول لي "معليش يا ننو أنا أسف" وبعدها نكمل..
أنا كنت منتظرة متين أخلص إمتحانات عشان ألاقيه وأفهم منو وكنت مستعدة أساعده..
بس هو مشى وما فكر يكلمني حتى..

عاينت حوالي ما لقيت زول الولد مشى كان اقلاها أخد رقمو منو بس لقيتو مافي..
جاتني ملك قالت لي الزمن بدا يلا بسرعة..
كل الأفكار دي حاولت أطلعها من راسي وأبدا أشتغل بس وقتها كنت حاسه راسي فاضي..
حتى الأسئلة ما قادرة أقراها دموعي ما راضية تقيف..
بتذكر وقتها جمعت الورقة فاضية
كنت بسلم الورقة وأنا متضايقة من العملتو في نفسي
طلعت من الإمتحان وأنا عارفة إني ح أندم ..!

ملك اللي متعودة تقعد لما تخلص الزمن وتراجع مرتين وتلاتة مجرد ما جا نصف الزمن وشافتني طلعت جمعت ورقتا ولحقتني حاولت تخفف عني بس ما في زول ح يعرف أنا حاسة بـ إيه .. لو قلت قلبي واجعني ما ح يكون وصف كافي للشعور الحسيته لأني وقتها حسيت بحاجة أوجع من كدا.
جا في بالي أقعد نص الكلية وأصرخ أطلع كل الزعل الجواي بس برضو ما ح يعمل لي شي..!
طلعنا مشت معاي البيت كان في كلمتين على لساني طول اليوم ..
عامر مشى .. يوما عامر دا لو مات ما كان في زول ح يبكيهو قدر البكي البكيتو عشانو.
ملك ما كانت عارفة تلومني ولا تنصحني ولا تواسيني فضلت جنبي تاخدني في حضنها شوية وشوية تانية تجيب لي موية وتهديني لحدي الساعة 4 أنا حسيت دموعي خلصت. .. الصداع ح يكسر راسي وما قادرة أقيف بس إتشجعت وقلت ليها تمشي أنا كويسة بعد إصرار مني طلعت كنت محتاجة أقعد مع نفسي بس ما أتوقعت القعدة اللي كنت بهرب منها كل مرة ح تطول كدا. ..

مرت شهرين أنا ما بعمل شي غير البكي ليل على نهار..
نتيجة السمستر طلعت ولقيت نفسي ربيت لأني شايلة أكتر من نص المواد مادة من السمستر الفات و3 من أخر سمستر ..
ما كنت عارفة أواجه أمي كيف..
ما لاقية جواب لـ حسام لما يسألني إذا أنا كويسة وليه بطلت أطلع ..
من فترة لـ فترة ملك بتجيني في البيت بس ياهو بنقضيها كلام في نفس الموضوع كل مرة .. شاكرة ليها وقفتا معاي وإنها ما ملت من إنها تسمع نفس القصة ..

الناس كانت مبسوطة وبجهزوا للتخريج وأنا غير البكي والإكتئاب ما جاني شي. ..
لما أمي سألتني عن موضوع التخريج إضطريت أحكي ليها الحقيقة .. بالعادة ماما متفهمة بس برضو ما قدرت تسامحني في الموضوع دا كانت في إجازة مع بابا بس قالت لي حتجي وتشوف الحيحصل.

اول ما جات وقعدت معاي هزأتني وقالت لي كيف تعملي في روحك كدا عشان ولد..
رغم الكلام الحار بس متأكدة لو ما هي ساعدتني أنا للآن ما كنت ح أطلع من دوامة الإكتئاب..
اول شي سجلت لي إشتراك في جيم لأنو وزني زاد بطريقة فظيعة ووشي إتملى حبوب من كترة الأكل الحادق الكنت باكله وكأني بعاقب نفسي بيه.
في البداية مشية الجيم كانت مرهقة وإتكاسلت كتير خاصة لازم أتبع حمية قاسية وأرجع أهتم بنفسي وأطلع أواجه المجتمع واللمات والناس بعد ما كنت لي أكتر من 3شهور ما طلعت.
لما لقت الموضوع فات حدو إقترحت علي أقابل طبيب نفسي كنت مستنكرة حتة إنو يكون عندي مشكلة نفسية أو أتشخص بـ أي مرض حتى لو كان جسدي.

قريت في النت عن الإكتئاب والتوتر والقلق المفرط لقيت إنو مافي حل يطلعني من الفيه دا غير أقابل دكتور بجد من اول جلسة إتصنفت بـ إكتئاب حاد وكنت داسة الحاجة دي من ماما بس انا وصلت مرحلة باخد منوم عشان أقدر أنوم عملت تمارين فك تعلق عشان أنسى حاجة اسمها عامر دخلت ورشة ثقة بالنفس والتخلص من الأثار السالبة للعلاقات وكل دا ما نفع بقيت بشغل موسيقى تأمل عشان أرتاح شوية بلقى نفسي بفكر فيه.

بعد فترة من المتابعة حكيت للدكتور مشاكلي كلها بتذكر وقتها قال لي جملة عمري ما ح أنساها وختيتا قاعدة في حياتي:
"إنتِ يا أنهار ما حبيتيه الحب ما كدا إنتِ إتعلقتي بيه والتعلق حالة مرضية .. البحب سهل يتعافى بس البتعلق في الأخر بعد كل المحاولات ح يغرق))
وقفت مسافة بحلل كلامو دا ولقيت إنو فعلًا أنا ما عشت حب أنا كنت متعلقة بيه خايفة يسيبني كأني في وسط البحر ولو فكيتو ح أغرق..!

www.group-telegram.com/cn/RwayatSudan.com/42700

1.9K viewsتنزيل صابر ♡, Mar 16, 2023 at 07:34

#ثمن_الإختيار❤️
حلقة 10


"‏ لا أنساها، الليلة التي كبرت فيها عمرًا فوق عمري ونضجت فيها من شدة ما كان أذاها عميقًا💔.))

الولد بكل برود قال لي عامر دا سافر السعودية..
أنا بقيت ما مصدقة وشغالة أسألو إنت متأكد إنو سافر؟
أكد لي وإستئذن مني طوالي عشان هو مستعجل..
واقفة ورجولي ما شايليني معقولة عامر يعمل كدا من غير ما يكلمني؟
مش قال ما شغال وزهجان وظروفه صعبة؟
مش الزعل والمشاكل البينا كلها بي سبب إنو مستاء وما لاقي شغل؟
بديت أستوعب يداب إنو هو كذب علي..
مافي زول ما عندو قروش وزهجان بسافر..
عامر مشى من غير ما يودعني حتى..
عامر خلاص تاني ما ح يرجع قريب ..
طب وتخطيطنا الـ كنا بنخططو سوا .. عملو براهو
كنت منتظراه ومتأكدة إنو ح يروق ويتصل لي زي كل مرة..
كنت عارفة إنو مهما بعد عني ح يرجع يعتذر ونطلع سوا ويقول لي "معليش يا ننو أنا أسف" وبعدها نكمل..
أنا كنت منتظرة متين أخلص إمتحانات عشان ألاقيه وأفهم منو وكنت مستعدة أساعده..
بس هو مشى وما فكر يكلمني حتى..

عاينت حوالي ما لقيت زول الولد مشى كان اقلاها أخد رقمو منو بس لقيتو مافي..
جاتني ملك قالت لي الزمن بدا يلا بسرعة..
كل الأفكار دي حاولت أطلعها من راسي وأبدا أشتغل بس وقتها كنت حاسه راسي فاضي..
حتى الأسئلة ما قادرة أقراها دموعي ما راضية تقيف..
بتذكر وقتها جمعت الورقة فاضية
كنت بسلم الورقة وأنا متضايقة من العملتو في نفسي
طلعت من الإمتحان وأنا عارفة إني ح أندم ..!

ملك اللي متعودة تقعد لما تخلص الزمن وتراجع مرتين وتلاتة مجرد ما جا نصف الزمن وشافتني طلعت جمعت ورقتا ولحقتني حاولت تخفف عني بس ما في زول ح يعرف أنا حاسة بـ إيه .. لو قلت قلبي واجعني ما ح يكون وصف كافي للشعور الحسيته لأني وقتها حسيت بحاجة أوجع من كدا.
جا في بالي أقعد نص الكلية وأصرخ أطلع كل الزعل الجواي بس برضو ما ح يعمل لي شي..!
طلعنا مشت معاي البيت كان في كلمتين على لساني طول اليوم ..
عامر مشى .. يوما عامر دا لو مات ما كان في زول ح يبكيهو قدر البكي البكيتو عشانو.
ملك ما كانت عارفة تلومني ولا تنصحني ولا تواسيني فضلت جنبي تاخدني في حضنها شوية وشوية تانية تجيب لي موية وتهديني لحدي الساعة 4 أنا حسيت دموعي خلصت. .. الصداع ح يكسر راسي وما قادرة أقيف بس إتشجعت وقلت ليها تمشي أنا كويسة بعد إصرار مني طلعت كنت محتاجة أقعد مع نفسي بس ما أتوقعت القعدة اللي كنت بهرب منها كل مرة ح تطول كدا. ..

مرت شهرين أنا ما بعمل شي غير البكي ليل على نهار..
نتيجة السمستر طلعت ولقيت نفسي ربيت لأني شايلة أكتر من نص المواد مادة من السمستر الفات و3 من أخر سمستر ..
ما كنت عارفة أواجه أمي كيف..
ما لاقية جواب لـ حسام لما يسألني إذا أنا كويسة وليه بطلت أطلع ..
من فترة لـ فترة ملك بتجيني في البيت بس ياهو بنقضيها كلام في نفس الموضوع كل مرة .. شاكرة ليها وقفتا معاي وإنها ما ملت من إنها تسمع نفس القصة ..

الناس كانت مبسوطة وبجهزوا للتخريج وأنا غير البكي والإكتئاب ما جاني شي. ..
لما أمي سألتني عن موضوع التخريج إضطريت أحكي ليها الحقيقة .. بالعادة ماما متفهمة بس برضو ما قدرت تسامحني في الموضوع دا كانت في إجازة مع بابا بس قالت لي حتجي وتشوف الحيحصل.

اول ما جات وقعدت معاي هزأتني وقالت لي كيف تعملي في روحك كدا عشان ولد..
رغم الكلام الحار بس متأكدة لو ما هي ساعدتني أنا للآن ما كنت ح أطلع من دوامة الإكتئاب..
اول شي سجلت لي إشتراك في جيم لأنو وزني زاد بطريقة فظيعة ووشي إتملى حبوب من كترة الأكل الحادق الكنت باكله وكأني بعاقب نفسي بيه.
في البداية مشية الجيم كانت مرهقة وإتكاسلت كتير خاصة لازم أتبع حمية قاسية وأرجع أهتم بنفسي وأطلع أواجه المجتمع واللمات والناس بعد ما كنت لي أكتر من 3شهور ما طلعت.
لما لقت الموضوع فات حدو إقترحت علي أقابل طبيب نفسي كنت مستنكرة حتة إنو يكون عندي مشكلة نفسية أو أتشخص بـ أي مرض حتى لو كان جسدي.

قريت في النت عن الإكتئاب والتوتر والقلق المفرط لقيت إنو مافي حل يطلعني من الفيه دا غير أقابل دكتور بجد من اول جلسة إتصنفت بـ إكتئاب حاد وكنت داسة الحاجة دي من ماما بس انا وصلت مرحلة باخد منوم عشان أقدر أنوم عملت تمارين فك تعلق عشان أنسى حاجة اسمها عامر دخلت ورشة ثقة بالنفس والتخلص من الأثار السالبة للعلاقات وكل دا ما نفع بقيت بشغل موسيقى تأمل عشان أرتاح شوية بلقى نفسي بفكر فيه.

بعد فترة من المتابعة حكيت للدكتور مشاكلي كلها بتذكر وقتها قال لي جملة عمري ما ح أنساها وختيتا قاعدة في حياتي:
"إنتِ يا أنهار ما حبيتيه الحب ما كدا إنتِ إتعلقتي بيه والتعلق حالة مرضية .. البحب سهل يتعافى بس البتعلق في الأخر بعد كل المحاولات ح يغرق))
وقفت مسافة بحلل كلامو دا ولقيت إنو فعلًا أنا ما عشت حب أنا كنت متعلقة بيه خايفة يسيبني كأني في وسط البحر ولو فكيتو ح أغرق..!

BY رِوايات سُودانية🪐🤎!)"