رِوايات سُودانية🪐🤎!)"

رِوايات سُودانية🪐🤎!)"

#ثمن_الاختيار ❤️ حلقة 19 و 20 بدأ العد التنازلي❤️🔥🙊 الحلقتين ما قبل الأخيرة

#ثمن_الاختيار❤️
حلقة 19

"لعلّها عقوبة الإنسان الأزلية أنه لا يفهم قيمة الشيء في حياته إلا حين يخسره.))

"عند هشام"

بعد ملك مشت فضلت سرحان فيها ومبتسم أنا بقيت متأكد إنها بتحبني مهو ما منطقي تغيير علي ساي فضلت مسافة ما شلت عيوني منها لحدي ما إختفت من قدامي إنتبهت إنو عزو مركز معاي كسرت عيني منو وأنا بتمنى إنو ما يكون لاحظ لي عشان ما يفهمني غلط بس نظراتو ما فارقتني واضح إنو بيحلل في الموقف الحصل ماهي ملك ذاتا بالغت ما كان تمشي زعلانة تخلي يدي واحدة محننة والتانية لا.
ما كنت عارف لو سألني أبرر ليهو كيف أساسًا أنا جاي أكلمو بس بعد الموقف دا إتوترت.
صح أنا وعزو صحبة شديد من قمنا بس الأخت دي حاجة حساسة شديد بتذكر لما كان عايز هبة جاني متوتر وما عارف يقول لي شنو فشكلو الدنيا دارت وح يتسد فيني نفس العملتو فيهو.
إنتظرت الناس تهدا وتخف بس لقيت إني لازم أرجع أولاد أعمامي الأصروا يجوا يحضروا الحنة فما كان في حل غير أتحجج بـ إنو عربيتي عطلانة وأوصلهم بعربية عزو عشان أجي راجع .. تاعباني معاك شديد يا ملك لو بس تعرفي.

مشيت وجيت لقيت معاهو يوسف صحبو هو نزل السودان مخصوص عشان يحضر عرس عزو من جيت بيتكلم عن البت العاجباهو وكسرتو عزو مركز معاهو ومعاي في نفس الوقت إنتظرت متين يطلع عشان أتكلم معاهو وأنا خاتي يدي في قلبي بس وقت صحبو طلع سكتا وبقينا نعاين ل بعض ..

قاطعني صوتو وهو بقول لي :
_ح تفضل ساكت كتير؟
=مضايقك أمشي يعني؟
_أنا بتكلم عن سكاتك ما قلت ليك أمشي وبعدين الجابك مع الليل دا شنو؟
=جبت العربية وعايز أبيت معاك عندك مشكلة؟
_يا زول إنت أخو العروس ولا أخوي أنا حدد؟
=أنا زهجت من إني أكون أخو ملك فما كنت عايز أختار العلاقة دي المرة دي بالتحديد قلت ليو : أخو العروس يا زول أختي واحدة أخليها؟
_أنسى عايز أقول ليك بتعرف يوسف صح؟
=أي مش ياهو دفعتك في الجامعة؟
_باااس ياهو ذاتو جا يحضر عرسي وإختار ليهو عروس. =زول كويس ماشاءالله عليهو ربنا يتم ليو على خير.
_بما إنك موافق ف أنا ح أختك في الصورة إختار ملك.
="حسيت دمي بغلي لما سمعت اسمها": نعم؟ كيف يعني يا عزو إنت جنيت بتعرفو من وين عشان تدي أختك.
_الله كيف يعني أنا ويوسف دا عُشرة عمر بعرفو زي ناس بيتنا وزول دفعتي وصحبي وأسي مش قلت كويس؟
=كويس ما قلنا شي بس ما لدرجة تديو ملك.
_هي أختي بالمناسبة ما ح أختار ليها حاجة كعبة وبعدين ..
=أختك أيوة بس هي بت خالتي لو ناسي وأنا من حقي برضو أقرر معاك.
_بت خالتك بس؟
="ياداب إتبهت لـ الطريقة الكنت بتكلم بيها "
قصدك شنو يا عزو؟
_أنا شايف بالمناسبة نظراتك ليها والإهتمام والمواضيع البينكم في شنو أنا ما عارفو يا هشام؟
=طريقة كلامو إتغيرت وكرفس لي وشو لمن وترني قلت ليو مافي شي إنت ما عارفو.
=طيب بما إنو ما في شي ليه معترض على يوسف؟
_أنا ما معترض عليه ..
=تمام يبقى أفاتح ملك في الموضوع ومتأكد ما ح ترفض إختياري.
=عزو إنت عايز تجيب لي جلطه باقي الليل دا وبعدين هو أصلا ما طلب يدها إنت بتتكلم ساي صح؟
_كيف ما طلب يعني أنا بدفع أختي ساي.
=تمام لو كدا تصبح على خير يا عزو أنا أحسن أمشي وقت ما خاتي لـ راي إعتبار.
_أي إتخارج ح أتصل لـ نسيبي الجديد يجي يقعد معاي.
=جدعتو بالمسند وطلعت قعدت في العربية مسافة بفكر عزو جادي ولا بهظر لما غلبني جيتو راجع.
_ نسيت حاجة؟
=أسمعني يا عزو ملك دي أنا عايزا والله لا تقول لي يوسف ولا أبوهو ذاتو لو جا منو داك ما بتديها لزول غيري ولو ما موافق وهي ذاتا ما موافقة أنا باخدا يعني باخدا غصبًا عنكم كلكم وأقسم بالله تلاتة تاني تجيب لي سيرة صحبك دا برتكب فيكم جريمة إنت وهو وبعد العرس يخلص ما أشوف وشو يوم تاني هنا.
_بقى يضحك بـ أعلى صوتو طلعت ما إنتظرتو يرد بعد ناداني وهو لسة بضحك ياداب جمعت إنو كان بستفز فيني عشان أتكلم .

______
"عند ملك"
سبتو ومشيت غرفتي نفسي قفلت من الحنة ومن أي حاجة أنا بالعافية ماسكة دموعي وشايفة حواليهو البنات لما جيت أحننو يقعد يتكلم معاي كدا إذا ح يعرس أنا مالي بيهو أحنن فيهو شنو عنو ما إتحنن ياخ.
هشام دا واحد سخيف وسغيل وهظارو بايخ من زمان ما معقولة يكون ما حاسي بي للدرجة دي الطلب منو يعاملني زي أختو منو هديك أختو خلي يحبها حب الأخوان دا أنا ما عايزاهو.

بعد الحفلة خلصت البنات جوا يغيروا أنا طلعت نعالي وغسلت وشي غيرت ورقدت جات أنهار بتتكلم بالتلفون:

_خلاص نتلاقى بكرة الصباح .. أوكيه تصبح على خير.

جدعت تلفونا جنبي ومشت تغيير ما حابة أسألا ولا أعرف منها شي.

قالوا جيعانين طلعوا برة ياكلو أنا قلت ما عايزة رقدت سامعة تلفوني برن دا هشام عايز مني شنو.

www.group-telegram.com/cn/RwayatSudan.com/42833

1.9K viewsتنزيل صابر ♡, Mar 20, 2023 at 08:07

#ثمن_الاختيار❤️
حلقة 19

"لعلّها عقوبة الإنسان الأزلية أنه لا يفهم قيمة الشيء في حياته إلا حين يخسره.))

"عند هشام"

بعد ملك مشت فضلت سرحان فيها ومبتسم أنا بقيت متأكد إنها بتحبني مهو ما منطقي تغيير علي ساي فضلت مسافة ما شلت عيوني منها لحدي ما إختفت من قدامي إنتبهت إنو عزو مركز معاي كسرت عيني منو وأنا بتمنى إنو ما يكون لاحظ لي عشان ما يفهمني غلط بس نظراتو ما فارقتني واضح إنو بيحلل في الموقف الحصل ماهي ملك ذاتا بالغت ما كان تمشي زعلانة تخلي يدي واحدة محننة والتانية لا.
ما كنت عارف لو سألني أبرر ليهو كيف أساسًا أنا جاي أكلمو بس بعد الموقف دا إتوترت.
صح أنا وعزو صحبة شديد من قمنا بس الأخت دي حاجة حساسة شديد بتذكر لما كان عايز هبة جاني متوتر وما عارف يقول لي شنو فشكلو الدنيا دارت وح يتسد فيني نفس العملتو فيهو.
إنتظرت الناس تهدا وتخف بس لقيت إني لازم أرجع أولاد أعمامي الأصروا يجوا يحضروا الحنة فما كان في حل غير أتحجج بـ إنو عربيتي عطلانة وأوصلهم بعربية عزو عشان أجي راجع .. تاعباني معاك شديد يا ملك لو بس تعرفي.

مشيت وجيت لقيت معاهو يوسف صحبو هو نزل السودان مخصوص عشان يحضر عرس عزو من جيت بيتكلم عن البت العاجباهو وكسرتو عزو مركز معاهو ومعاي في نفس الوقت إنتظرت متين يطلع عشان أتكلم معاهو وأنا خاتي يدي في قلبي بس وقت صحبو طلع سكتا وبقينا نعاين ل بعض ..

قاطعني صوتو وهو بقول لي :
_ح تفضل ساكت كتير؟
=مضايقك أمشي يعني؟
_أنا بتكلم عن سكاتك ما قلت ليك أمشي وبعدين الجابك مع الليل دا شنو؟
=جبت العربية وعايز أبيت معاك عندك مشكلة؟
_يا زول إنت أخو العروس ولا أخوي أنا حدد؟
=أنا زهجت من إني أكون أخو ملك فما كنت عايز أختار العلاقة دي المرة دي بالتحديد قلت ليو : أخو العروس يا زول أختي واحدة أخليها؟
_أنسى عايز أقول ليك بتعرف يوسف صح؟
=أي مش ياهو دفعتك في الجامعة؟
_باااس ياهو ذاتو جا يحضر عرسي وإختار ليهو عروس. =زول كويس ماشاءالله عليهو ربنا يتم ليو على خير.
_بما إنك موافق ف أنا ح أختك في الصورة إختار ملك.
="حسيت دمي بغلي لما سمعت اسمها": نعم؟ كيف يعني يا عزو إنت جنيت بتعرفو من وين عشان تدي أختك.
_الله كيف يعني أنا ويوسف دا عُشرة عمر بعرفو زي ناس بيتنا وزول دفعتي وصحبي وأسي مش قلت كويس؟
=كويس ما قلنا شي بس ما لدرجة تديو ملك.
_هي أختي بالمناسبة ما ح أختار ليها حاجة كعبة وبعدين ..
=أختك أيوة بس هي بت خالتي لو ناسي وأنا من حقي برضو أقرر معاك.
_بت خالتك بس؟
="ياداب إتبهت لـ الطريقة الكنت بتكلم بيها "
قصدك شنو يا عزو؟
_أنا شايف بالمناسبة نظراتك ليها والإهتمام والمواضيع البينكم في شنو أنا ما عارفو يا هشام؟
=طريقة كلامو إتغيرت وكرفس لي وشو لمن وترني قلت ليو مافي شي إنت ما عارفو.
=طيب بما إنو ما في شي ليه معترض على يوسف؟
_أنا ما معترض عليه ..
=تمام يبقى أفاتح ملك في الموضوع ومتأكد ما ح ترفض إختياري.
=عزو إنت عايز تجيب لي جلطه باقي الليل دا وبعدين هو أصلا ما طلب يدها إنت بتتكلم ساي صح؟
_كيف ما طلب يعني أنا بدفع أختي ساي.
=تمام لو كدا تصبح على خير يا عزو أنا أحسن أمشي وقت ما خاتي لـ راي إعتبار.
_أي إتخارج ح أتصل لـ نسيبي الجديد يجي يقعد معاي.
=جدعتو بالمسند وطلعت قعدت في العربية مسافة بفكر عزو جادي ولا بهظر لما غلبني جيتو راجع.
_ نسيت حاجة؟
=أسمعني يا عزو ملك دي أنا عايزا والله لا تقول لي يوسف ولا أبوهو ذاتو لو جا منو داك ما بتديها لزول غيري ولو ما موافق وهي ذاتا ما موافقة أنا باخدا يعني باخدا غصبًا عنكم كلكم وأقسم بالله تلاتة تاني تجيب لي سيرة صحبك دا برتكب فيكم جريمة إنت وهو وبعد العرس يخلص ما أشوف وشو يوم تاني هنا.
_بقى يضحك بـ أعلى صوتو طلعت ما إنتظرتو يرد بعد ناداني وهو لسة بضحك ياداب جمعت إنو كان بستفز فيني عشان أتكلم .

______
"عند ملك"
سبتو ومشيت غرفتي نفسي قفلت من الحنة ومن أي حاجة أنا بالعافية ماسكة دموعي وشايفة حواليهو البنات لما جيت أحننو يقعد يتكلم معاي كدا إذا ح يعرس أنا مالي بيهو أحنن فيهو شنو عنو ما إتحنن ياخ.
هشام دا واحد سخيف وسغيل وهظارو بايخ من زمان ما معقولة يكون ما حاسي بي للدرجة دي الطلب منو يعاملني زي أختو منو هديك أختو خلي يحبها حب الأخوان دا أنا ما عايزاهو.

بعد الحفلة خلصت البنات جوا يغيروا أنا طلعت نعالي وغسلت وشي غيرت ورقدت جات أنهار بتتكلم بالتلفون:

_خلاص نتلاقى بكرة الصباح .. أوكيه تصبح على خير.

جدعت تلفونا جنبي ومشت تغيير ما حابة أسألا ولا أعرف منها شي.

قالوا جيعانين طلعوا برة ياكلو أنا قلت ما عايزة رقدت سامعة تلفوني برن دا هشام عايز مني شنو.

BY رِوايات سُودانية🪐🤎!)"