group-telegram.com/uamurusahargata/41539
Last Update:
Спортсменнарга сыралаах үлэлэрин түмүгүнэн ситиспит бастыҥ көрдөрүүлэрин, үрдүк ситиһиилэрин бэлиэтээн туран, нэһилиэк дьаһалтатын аатыттан грамоталар, махтал суруктар туттарылыннылар.
Ааспыт сыл түмүгүнэн, Мүрү нэһилиэгин түөлбэлэрин икки ардыларыгар ыытыллар комплекснай спартакиадаҕа, Мындааба хамаандата бочуоттаах
Үөрүүлээх күҥҥэ Мүрү нэһилиэгин баһылыга Прокопий Румянцев, Мындаба бөһүөлэгин сүрүннүүр специалиһа Валериан Дегтярев, ону тэҥэ түөлбэ салайааччыта Саргылана Готовцева, "Мындаба" ТОС салайааччыта Владимир Дьяконов, депутаттар Лилия Турантаева, Иван Иванов эҕэрдэ тылларын эттилэр, күрэхтэһиилэргэ умнуллубат чаҕылхай түгэннэри бэлэхтээбиттэрин бэлиэтээн туран, махтал суруктары кытта сэмэй бэлэхтэри туттардылар
Маны таһынан куруутун күүс көмө, өйөбүл буолар дьоммутугар, тэрилтэ салайааччыларыгар Наталья Сивцеваҕа, Туяра Готовцеваҕа, Семен Охлопковка, Наталья Портнягинаҕа махтал суруктар туттарылыннылар.
Түөлбэ араас тэрээһиннэригэр, күрэстэригэр, субуотунньуктарга да буоллун тэҥҥэ сылдьыһар, күүс-көмө буолар убаастыыр киһибитигэр, бэтэрээммитигэр Матрена Заболоцкаяҕа ааспыт үбүлүөйдээх бэлиэ күнүнэн эҕэрдэлээн туран, сибэкки дьөрбөтүн кытта сэмэй бэлэҕи туттардылар.
Тэрээһиммитин талааннаах ырыаһыттарбыт Анастасия Кириллова, Елизавета Черкашина, Елена Протопопова, Ирина Иванова киэргэттилэр.
Күндү спортсменнарбыт, куруутун да бу курдук иннигит хоту үрдүк чыпчааллары дабайа, саҥа үрдэллэргэ, саҥа кыайыыларга тахсан иһэргитигэр баҕарабыт. Мындаабабыт туһугар бары биир сомоҕо буолан үлэлиэххэ-хамсыахха, сайдыыны түстүөххэ!
