#ПатриотизмСыла

⭐️ Пятидневка түмүктэннэ

Ыам ыйын 26-29 күннэригэр Харбалаах нэһилиэгэр үүнэр кэнчээри ыччакка байыаннай хомуур буолан ааста. Түөрт күн устата уолаттар байыаннай устааптары үөрэттилэр, эт-хаан өттүнэн үчүгэй бэлэмнэниини аастылар, аармыйа олоҕун киэҥник билистилэр.

Кинилэри кытта байыаннай дьайыы бэтэрээнэ Михаил Ан, сбор начальнига Уйгулан Тимофеев, командирынан Радомир Руфов үлэлэстилэр. Ыам ыйын 29 күнүгэр байыаннай үөрэх үөрүүлээх быһыыга-майгыга түмүктэннэ. Улуус үөрэҕириитин салаатын салайааччыта Ю.В. Кынатов, улуустааҕы Общественнай совет бэрэссэдээтэлэ, байыаннай дьайыы кыттыылаахтарын Ассоциацияларын бэрэссэдээтэлин солбуйааччы В.В. Поскачин, М.Т. Егоров аатынан 2 №-дээх орто оскуола дириэктэрэ В.А.Руфов, гвардия сержана Т.Г. Тоскин уонна байыаннай дьайыы кыттыылаахтара кэлэннэр уолаттары итиитик-истиҥник эҕэрдэлээтилэр, кэс тылларын тириэртилэр.

Тэрээһин түмүгэр хомуур кыттыылаахтара параадтаан киирдилэр, салҕыы наҕараадалааһын үөрүүлээх чааһа ыытылынна.

Бу байыаннай хомуур дойдуну таптыырга, бэриниилээх, тулуурдаах, дьаныардаах буоларга туһуланан тэриллэр. Уолаттарбытыгар үөрэхтэригэр ситиһиилэри баҕарабыт.

@uoheebuluu
@ulusmedia

#афиша #көмүскэл

🏃‍♂️ «Көмүскэл» түмсүү Оҕо күнүгэр аналлаах тэрээһиҥҥэ ыҥырар

@uoheebuluu

#СвоихНеБросаем #сво

⭐️ "Дойдум тыына" иистэнэр сыах волонтер Ольга Захарованы кытта бииргэ үлэлээн эрэллэр

Бу күннэргэ Кэнтик нэһилиэгин олохтоохторо 20 илими иистэнэр сыахха аҕалан туттардылар.

Ону тэҥэ "Түмэл түүнэ" Бүтүн Россиятааҕы аахсыйа чэрчитинэн ыытыллыбыт тэрээһиҥҥэ мөһөөччүктэнэн бэлэмнэммит кытыаннары иистэнэр сыах салайааччыта Васма Иванова волонтер Ольгаҕа тиксэрдэ.

Мантан инньэ байыастарга көмөнү оҥорор улуус үтүө санаалаах дьоно бииргэ көмөлөөн үлэлииргэ туруннулар. Оччотугар үлэ биир сүрүннэнэн, буойун уолаттарбытыгар көмөбүт тиксэрэ өссө тэтимириэҕэ.

Онон, улуус бары олохтоохторун баҕа өттүнэн күүстээх үлэҕэ сылдьар иистэнэр сыах Далбар Хотуттарын, хоһуун санаалаах Ольга Захарова үлэтин өйдүүргүтүгэр ыҥырабыт.

Бу илимнэри туһанан хаххалыыр сетка бэлэмнэнэр, оттон кытыан сыта саха буойуттарын ыраастаан, арчылыа, араҥаччылыа диэн бигэ эрэллээхпит.

Уолаттар, кытаатыҥ, тулуһуҥ, дойдугун дьоно куттуун-сүрдүүн, өйдүүн-санаалыын эһигинниин бииргэбитин умнумаҥ, Кыайыы хайаан да биһиэнэ буолуоҕа.✊✊✊

@uoheebuluu
@ulusmedia

#спорт

⭐️ ГТО нуорматын туттарыыга баһаарынай этэрээт салайар холбоһуктаах хамаандата бастаата

Тэрилтэлэр икки ардыларыгар ыытыллар спартакиада чэрчитинэн ГТО нуорматын туттарыы буолла.

Холбоһуктаах хамаанда ситиһиилэрин баһыйар элбэх өттүн Баһаарынайдар аҕалаллар.

@uoheebuluu