group-telegram.com/uztdi/3999
Last Update:
⚡️24 январдан бошлаб нодавлат таълим ташкилотлари бир ой давомида “онлайн” фаолият олиб боради
Хабарингиз бор, сўнгги кунларда юртимизда коронавирус инфекцияси билан касалланганлар сони ошиб бормоқда.
Коронавирус инфекциясининг янги штамми болалар ва ёшлар ўртасида тарқалиш хавфини олдини олиш ҳамда Соғлиқни сақлаш вазирлиги ҳамда Санитария-эпидемиологик осойишталик ва жамоат саломатлиги хизматининг таклифларидан келиб чиқиб 24 январдан бошлаб давлат ва нодавлат умумтаълим мактаблари, профессионал таълим муассасалари, академик лицейлар ҳамда олий таълим ташкилотларида таълим жараёни бир ой муддат давомида “онлайн” шаклда олиб борилади.
Масофавий шаклда ўқувчиларнинг сифатли таълим олиши учун Миллий телерадиокомпаниянинг телеканаллари ҳамда “Онлайн мактаб” телеграм канали орқали бериб борилади. “Онлайн мактаб” лойиҳаси доирасида бериладиган дарслар жадвали кунлик равишда “Онлайн мактаб" телеграм канали орқали эълон қилиб борилади.
Барча таълим ташкилотларидан масофавий (онлайн) таълимни самарали ташкил этиш учун пандемия даврида тўпланган тажриба ва ишга туширилган платформалардан унумли фойдаланиш талаб қилинади.
Ўз навбатида масофавий (онлайн) таълим жараёнларининг сифатли ташкил қилиниши Таълим инспекцияси томонидан мониторинг қилиб борилишини маълум қиламиз.
Темирйўл чипталари тариф қисмидан 50 фоиз миқдорида чегирмаларини сақлаб қолиш ва 2022 йил 24 февралга қадар авиа ва темирйўл чипталарини бепул тарзда бошқа муддатга алмаштириб берилади.
Шу ўринда бугунги мураккаб вазиятдан чиқиб кетишнинг ягона йўли бу вакцинация, шу боис сизлардан ўзингиз ва яқинларингиз саломатлигини ҳимоя қилиш учун вакцинация жараёнларида фаол қатнашишингизни сўраб қоламиз.
Таълим инспекцияси телеграм каналига уланиш👇
https://www.group-telegram.com/cn/uztdi.com
BY Ta'lim nazorati
Warning: Undefined variable $i in /var/www/group-telegram/post.php on line 260
Share with your friend now:
group-telegram.com/uztdi/3999