group-telegram.com/viasna_brest/3354
Last Update:
⚡️Былы палітвязень, журналіст Гардзіевіч не змог выехаць за мяжу. Высветлілася, што з яго «забылі» зняць забарону на выезд, накладзеную яшчэ падчас следства
11 сакавіка Сяргей Гардзіевіч збіраўся паехаць у Літву, грунтоўна падрыхтаваўся. Але ж на мяжы, падчас праверкі пашпарту, памежнікі нешта пабачылі ў камп'ютары. Пасля гэтага Сяргея адвялі ў асобны будынак, дзе паведамілі аб забароне на выезд з Беларусі. Прычыну забароны не сказалі, параілі звярнуцца ў МУС.
Ужо пасля Гардзіевіч даведаўся прычыну. Забарона накладзена аддзелам міграцыі і грамадзянства, бо яшчэ ў 2021 годзе следчы па справе наклаў забарону на выезд за мяжу. Гардзіевіч цалкам адбыў тэрмін па палітычнай справе ды выйшаў на волю ў кастрычніку 2022, але ж забарона на выезд чамусьці засталася.
Гардзіевіч раіць экс-палітвязням рэгістравацца на сайце МУС, каб даведацца, ці няма забароны на выезд з краіны. Тым часам ён падаў скаргі на тое, што яму ўсё яшчэ забаронены выезд з Беларусі.
Фота: ganc-chas.by
BY Вясна | Брэст
Share with your friend now:
group-telegram.com/viasna_brest/3354