group-telegram.com/viasna_brest/4098
Last Update:
Пінскага палітвязня Вячаслава Малейчука двойчы за год асудзілі за "злоснае непадпарадкаванне патрабаванням адміністрацыі калоніі" і дадалі да 22 гадоў калоніі яшчэ тры гады, паведаміла Вясна
10 лютага супраць Вячаслава распачалі справу за "злоснае непадпарадкаванне". Суддзя Мікалай Сяргейка прызнаў яго вінаватым і пакараў пазбаўленнем волі тэрмінам на 1 год. Пасля Малейчука накіравалі ў папраўчую калонію № 9 у Горкі, вядомую сваім жорсткім рэжымам.
Новы суд, ужо па ч.2 арт.411 КК, адбыўся 23 жніўня ў выязным пасяджэнні суда Горацкага раёна непасрэдна ў калоніі. Малейчук сваю віну не прызнаў, ад дачы паказанняў адмовіўся. Суддзя Алена Вераб'ёва дадала да агульнага тэрміну яшчэ 2 гады пазбаўлення волі.
🪵 Згодна з матэрыяламі справы, "Малейчук катэгарычна адмаўляўся выходзіць на працу ў першую змену на дрэваапрацоўчы ўчастак калоніі".
Дрэваапрацоўка лічыцца дрэнным месцам для працы ў калоніі: "кожны месяц некаму адразала пальцы, руку", распавядалі экс-палітвязні беларускай Медыязоне.
BY Вясна | Брэст
Share with your friend now:
group-telegram.com/viasna_brest/4098