It's Tanzeel ♡.

سلسلة

#مودة_ورحمة❤️

الفصل (٦)

حنتناول في البُوست دا:
#تجهيزات_الزواج

المهم زي ما قلنَا مُسبقاً فترة الخطوبة دي مُفترَض تكون كافيَة عشان يتعرّف الطرفِين على بعَض ، وبعدها لو حسّوا إنهم مايلِين لبعض وحصَل بيناتهم توافُق ممكن يكمِّلوا ويبدُوا يجهِّزوا للعرِس على بَركةِ الله
أما لو حصَل العكس..
يعني الزولة إكتشفَت إنو الزُول دا ما بينفع معاها ، وهو حسّ إنو إستعجَل مثلاً ولا خلينا نقول مثلاً حسّ إنو إنخدَع بيها ظاهِرياً وبعد عاشَرها وعرِفها لقاها مُختلفة تماماً .. بعدَاك خِيار إنهم يوقِّفوا لغاية هِنا بكُون هو الأسلَم ؛ ودا ما عذُر للشباب عشَان يمشوا يخطِّبوا بنات الناس تمضية وقِت وتاني يفكُوهن عكس الهوا ، لا .. وإنما الترُّوي يااخوانا ، والجدية مطلُوبة ، بنات النَّاس ما لعبَة .. والما بترضاه لأخواتك ما ترضاه لغيرهِن!!
المهم لأي أسبَابٍ كانَت ، الناس ديل حسوا إنهم مُش مناسبين لبٍعض أحسن يفسخُوا الخطوبة -زي ما بنقول عندنا- ويا دار ما دخلِك شَر

🌼 يلا في نُقطة مهمة جداً حابة أنبّه عليها..
وهي إنو نِحنا عندنا قرار فَسخ الخطوبة دا صعب خلاس ، يعني الواحِد/الواحدة مُمكن أهلوا ينقوا ليهو في رأسو ويضغطوا عليهو عشان يكمِّل مع الطرف التانِي (البت كويسة وما حتلقى زيها ، الولد دا مُحترَم وما ينفع تضيعيهو من يدك ، الزول دا جاهِز وحيعيشِك ملكة ، البت دي قامة وقوام...إلخ)
دقيقة دقيقة يا ناس البيت😒شوفوا هنا..
قرار فَسخ الخطوبة دا قرار شخصي بَحت ومافي داعي كل زول يدخِّل كمشتو
هو قرار سليم لو كان في محله فعلاً لأنو لسه في البَر ، قرار مُمكن ينقذك بدري بدري..
وبعدين إنتوا ما أول ولا آخِر ناس يفسخوا خطوبتهم ، وإنتِ يا السمحة أعرفي إنو الحاجة دي ما حتقلل من قيمتِك أبداً ، أصلاً الخطوبة إتعملت عشان كدا ، عشان تقرر تواصِل أو تقيف
فاا شنو المُهم كل واحد يستُر على التاني ، عشان الشريك دا لو ما نفع معاك ما معناها ما حينفَع مع غيرَك
وما تشتغلوا بكلام الناس ، ما محتاجين تبرروا لزول أصلاً

🌼يلا ندخل في المُهم فعلاً :
من حُسن الحظ زولنا وزولتنا ديل أخدوا فترَة كافِية في الخطُوبة ، بعدها قرروا إنهم يكمِّلوا ، وبدوا فِعلياً يجهَزوا للعرِس وكدا ، بعد ما حددوا مواعيدو متِين
زي ما قلنا الزَواج شراكَة ، وبالتالي ما ينفع أي واحد فيهم يآخُد قرار بيخُص حياتهم الاتنين بدون ما يستشير التاني

🌼في الفترة دي..
بيبدوا الأسرتين يتناقَشوا في تكاليف الزَواج والمَهر و...إلخ ياهو الحاجات دي
● بالنسبة #للمهر أو (الصِداق) :

هو ما يدفعه الزوج لزوجته (بعَقد الزواج) مُعجلاً أو مؤجَّلاً..
ولو كان مُؤجلاً(مؤخر) حيكون في رقبتَك حين الطَلاق أو حتى بعد وفاتك إلا أن تعفو عنه الزَّوجة، فالمؤخر دا حتى لو متا حتشيلو قبل ما يطلعوا وصيتك زاتها + نصيبها من التركة كاملاً ، ولو ماتت هي قبليك يحق لورثتها إنو يآخدوه ، لقوله عز وجل :
( يَا أيُّها الذِين آمنُوا أوفُوا بالعقُود). والوفاء بالعقد يشمل الوفاء بالمُؤخر وبما شرط فيه.

🌼أما عندنا هنا في السُودان هو بكون حاجة رَمزية كدا بيدفعها العريس لعروستو يوم العقِد ، كلٌ على حسَب إستطاعتُو ، فالإسلام ما حدد مبلغ معين للمَهر وإنما كل زول بإستطاعته زي ما جاء في الحديث : (على الموسعِ قدره ، وعلى المُقتر قدره)
ويفضِّل يكون ما أوڤر كدا ، جاء في الحديث (أيسرهُنَّ مهراً أكثرهُن بركة).

وبما إنو العُرف واحد من مَصادر التشريع الإسلامي فالزوج شرعاً بيتحمل كل نفقات الزواج ، كل شئ بمعنى الكلمة ، زي ما عندنا هنا ضمن تكاليف الزواج :
(المال والشنطة والشِيلة والـ....إلخ) وكلو بالإستِطاعَة ها!
وما فيها حاجة طَبعاً لو أهل العرُوسة كانوا مقتدرِين وحبوا يساعدوا في التكالِيف دي

● ولازم هنا نراعي لنقطة مهمة :
إياكم والمقارنات ياااجماعة ، عشّة خطيبها جاب ليها شنو ما بعرف إنتِ دايرة شنو ما بعرِف برضو ، وسامية شنطتها عشرة عشرة إنتِ دايرة برضو.. ، وفلانا جاب ليها تلفون Y9 إنتِ دايرة برضو...إلخ
براااحة عليهم ياخ😑
إشترِي الحاجات المُحتاجة ليها ، البتشبهِك إنتِ وبتلزمِك فعلاً وبس

🌼 في الفترة دي الخطيب طبعاً بكون مشغول بالتجهيزات وعفش البيت -لو ما كانوا جاهزات مسبقاً- ومشاوِير لا ليها أول ولا ليها آخر.
أما الخطيبة فتبدأ كمان تجهِّز نفسها -شَكلاً وموضوعاً- للعرس ، وبالنسبة للحاجة دي فأكيد يعنِي من حقِك تتجيِّهي وتستعدِي لليوم الموعُود😂♥️

#بس_كنصيحة_لله🌼:
عليييك الله خلِيك على طَبيعتك يُما ، لأنو طبيعتِك دي هي الحتستمِر معاك ، ما تخاطري ولا تَجازفِي عشان تغيِّري ليهُو شَكلِك في شهَر ولا شهرِين ، البلاوِي الببلعوها دي وكريمات الفَسِخ ، صدقينِي لو هو ما بحبِك بدونها فما حيحِبك بسببها ، ولو هو بحبِّك بسببها فحيخلِيك بسببهَا ، البحبِّك بيتقبلك زي ما إنتِ وإلا مع السّلامة!

www.group-telegram.com/de/Fadfadah98.com/3873

1.8K viewsتنزيل صابر 🖤, edited  Sep 11, 2021 at 04:12

سلسلة

#مودة_ورحمة❤️

الفصل (٦)

حنتناول في البُوست دا:
#تجهيزات_الزواج

المهم زي ما قلنَا مُسبقاً فترة الخطوبة دي مُفترَض تكون كافيَة عشان يتعرّف الطرفِين على بعَض ، وبعدها لو حسّوا إنهم مايلِين لبعض وحصَل بيناتهم توافُق ممكن يكمِّلوا ويبدُوا يجهِّزوا للعرِس على بَركةِ الله
أما لو حصَل العكس..
يعني الزولة إكتشفَت إنو الزُول دا ما بينفع معاها ، وهو حسّ إنو إستعجَل مثلاً ولا خلينا نقول مثلاً حسّ إنو إنخدَع بيها ظاهِرياً وبعد عاشَرها وعرِفها لقاها مُختلفة تماماً .. بعدَاك خِيار إنهم يوقِّفوا لغاية هِنا بكُون هو الأسلَم ؛ ودا ما عذُر للشباب عشَان يمشوا يخطِّبوا بنات الناس تمضية وقِت وتاني يفكُوهن عكس الهوا ، لا .. وإنما الترُّوي يااخوانا ، والجدية مطلُوبة ، بنات النَّاس ما لعبَة .. والما بترضاه لأخواتك ما ترضاه لغيرهِن!!
المهم لأي أسبَابٍ كانَت ، الناس ديل حسوا إنهم مُش مناسبين لبٍعض أحسن يفسخُوا الخطوبة -زي ما بنقول عندنا- ويا دار ما دخلِك شَر

🌼 يلا في نُقطة مهمة جداً حابة أنبّه عليها..
وهي إنو نِحنا عندنا قرار فَسخ الخطوبة دا صعب خلاس ، يعني الواحِد/الواحدة مُمكن أهلوا ينقوا ليهو في رأسو ويضغطوا عليهو عشان يكمِّل مع الطرف التانِي (البت كويسة وما حتلقى زيها ، الولد دا مُحترَم وما ينفع تضيعيهو من يدك ، الزول دا جاهِز وحيعيشِك ملكة ، البت دي قامة وقوام...إلخ)
دقيقة دقيقة يا ناس البيت😒شوفوا هنا..
قرار فَسخ الخطوبة دا قرار شخصي بَحت ومافي داعي كل زول يدخِّل كمشتو
هو قرار سليم لو كان في محله فعلاً لأنو لسه في البَر ، قرار مُمكن ينقذك بدري بدري..
وبعدين إنتوا ما أول ولا آخِر ناس يفسخوا خطوبتهم ، وإنتِ يا السمحة أعرفي إنو الحاجة دي ما حتقلل من قيمتِك أبداً ، أصلاً الخطوبة إتعملت عشان كدا ، عشان تقرر تواصِل أو تقيف
فاا شنو المُهم كل واحد يستُر على التاني ، عشان الشريك دا لو ما نفع معاك ما معناها ما حينفَع مع غيرَك
وما تشتغلوا بكلام الناس ، ما محتاجين تبرروا لزول أصلاً

🌼يلا ندخل في المُهم فعلاً :
من حُسن الحظ زولنا وزولتنا ديل أخدوا فترَة كافِية في الخطُوبة ، بعدها قرروا إنهم يكمِّلوا ، وبدوا فِعلياً يجهَزوا للعرِس وكدا ، بعد ما حددوا مواعيدو متِين
زي ما قلنا الزَواج شراكَة ، وبالتالي ما ينفع أي واحد فيهم يآخُد قرار بيخُص حياتهم الاتنين بدون ما يستشير التاني

🌼في الفترة دي..
بيبدوا الأسرتين يتناقَشوا في تكاليف الزَواج والمَهر و...إلخ ياهو الحاجات دي
● بالنسبة #للمهر أو (الصِداق) :

هو ما يدفعه الزوج لزوجته (بعَقد الزواج) مُعجلاً أو مؤجَّلاً..
ولو كان مُؤجلاً(مؤخر) حيكون في رقبتَك حين الطَلاق أو حتى بعد وفاتك إلا أن تعفو عنه الزَّوجة، فالمؤخر دا حتى لو متا حتشيلو قبل ما يطلعوا وصيتك زاتها + نصيبها من التركة كاملاً ، ولو ماتت هي قبليك يحق لورثتها إنو يآخدوه ، لقوله عز وجل :
( يَا أيُّها الذِين آمنُوا أوفُوا بالعقُود). والوفاء بالعقد يشمل الوفاء بالمُؤخر وبما شرط فيه.

🌼أما عندنا هنا في السُودان هو بكون حاجة رَمزية كدا بيدفعها العريس لعروستو يوم العقِد ، كلٌ على حسَب إستطاعتُو ، فالإسلام ما حدد مبلغ معين للمَهر وإنما كل زول بإستطاعته زي ما جاء في الحديث : (على الموسعِ قدره ، وعلى المُقتر قدره)
ويفضِّل يكون ما أوڤر كدا ، جاء في الحديث (أيسرهُنَّ مهراً أكثرهُن بركة).

وبما إنو العُرف واحد من مَصادر التشريع الإسلامي فالزوج شرعاً بيتحمل كل نفقات الزواج ، كل شئ بمعنى الكلمة ، زي ما عندنا هنا ضمن تكاليف الزواج :
(المال والشنطة والشِيلة والـ....إلخ) وكلو بالإستِطاعَة ها!
وما فيها حاجة طَبعاً لو أهل العرُوسة كانوا مقتدرِين وحبوا يساعدوا في التكالِيف دي

● ولازم هنا نراعي لنقطة مهمة :
إياكم والمقارنات ياااجماعة ، عشّة خطيبها جاب ليها شنو ما بعرف إنتِ دايرة شنو ما بعرِف برضو ، وسامية شنطتها عشرة عشرة إنتِ دايرة برضو.. ، وفلانا جاب ليها تلفون Y9 إنتِ دايرة برضو...إلخ
براااحة عليهم ياخ😑
إشترِي الحاجات المُحتاجة ليها ، البتشبهِك إنتِ وبتلزمِك فعلاً وبس

🌼 في الفترة دي الخطيب طبعاً بكون مشغول بالتجهيزات وعفش البيت -لو ما كانوا جاهزات مسبقاً- ومشاوِير لا ليها أول ولا ليها آخر.
أما الخطيبة فتبدأ كمان تجهِّز نفسها -شَكلاً وموضوعاً- للعرس ، وبالنسبة للحاجة دي فأكيد يعنِي من حقِك تتجيِّهي وتستعدِي لليوم الموعُود😂♥️

#بس_كنصيحة_لله🌼:
عليييك الله خلِيك على طَبيعتك يُما ، لأنو طبيعتِك دي هي الحتستمِر معاك ، ما تخاطري ولا تَجازفِي عشان تغيِّري ليهُو شَكلِك في شهَر ولا شهرِين ، البلاوِي الببلعوها دي وكريمات الفَسِخ ، صدقينِي لو هو ما بحبِك بدونها فما حيحِبك بسببها ، ولو هو بحبِّك بسببها فحيخلِيك بسببهَا ، البحبِّك بيتقبلك زي ما إنتِ وإلا مع السّلامة!

BY It's Tanzeel ♡.