group-telegram.com/Honrawey_Meriwan/830
Create:
Last Update:
Last Update:
ئەی تەمەن تۆزێ وچان !
پێی بڕینی ڕێم بڕاوە، ئەی تەمەن تۆزێ وچان
کەوشی داهاتووم دڕاوە ، ئەی تەمەن تۆزێ وچان
بۆ ! سبەینێ چی لە جانتایە، کە هەنگاوت چڕە؟!
جێی نەمانی زگدڕاوە ، ئەی تەمەن تۆزێ وچان
ئاشکرایە ئارەزوو ئاوڕ لە دڵ ناداتەوە
ئەو لەمێژ لێی دابڕاوە ، ئەی تەمەن تۆزێ وچان
دەستی ئەمڕۆم بۆ دەنێیتە دەستی شایەت، هاکە دیت ؛
قاڵی ئاواتم بڕاوە، ئەی تەمەن تۆزێ وچان
ڕێگە دەگری بۆ کوڵۆڵی من بە کوڵ ، کافر بەسە !
تاو لە ئەژنۆم هەڵچناوە، ئەی تەمەن ، تۆزێ وچان
کەم لە پەنجا پەنجە کێشە ، خۆ بە فووی هەژدەت گڕی
مۆمی ئاواتی کوژاوە ، ئەی تەمەن تۆزێ وچان
ئەسپی پێخستووی جەوانیم ڕێی ئەوین وێنا ئەکا
سەرسمێکی پێبڕاوە، ئەی تەمەن تۆزێ وچان
#مادێح_کۆنەپۆشی (زایەڵە)
https://www.group-telegram.com/de/Honrawey_Meriwan.com
BY مەریوان‌شیعر
Share with your friend now:
group-telegram.com/Honrawey_Meriwan/830