¥(🌌وَشٌٌَـــاءَ الـْـهَــوَىٰ🌌)¥

في ناس بطبعهن شخصيات معطاءة، لما بيحبوا بيقدموا من غير حساب ولا بيفكروا شو ح ياخدوا أو شو في بالمقابل ..
قليلين بس موجودين، وعادة العطاء هي بتكون مرتبطة بدرجة كبيرة من الحساسية بتئذيهن جداً أكتر من أي حدا غيرهن، يمكن لأن العطاء بيهذب نفس صاحبو وبيخليه أكتر رقة، بيكونوا قادرين يركزوا مع تفاصيل صغيرة بالنسبة لـ اللي بيتعاملوا معو غالباً بتكون تافهة، بسبب حساسيتهن ومشاعرن المرهفة بتكون نظرتن للأمور مختلفة شوي، وعلى قد الطيبة بيكون غضبن من اللي قدامهن غضب صادق وعميق وصعب يتراجعوا فيه، وبينقال عليهن أحياناً "بيّاعين" بس ماحدا بحاول يفهم اللي ورا التصميم هاد شو في أبعاد ..
" عندي رفيقة هيك، وعمري ما بنسى حرقة قلبها لما سألتها ليه بطّلت تحاكي شخص معين أنا بعرف انو كانو مقرّبين من بعض، كيف صارت تحكيلي كيف كانت بتحاول تضل جنب هالشخص، وكيف كانت تلاقي المقابل عكس هالشي تماماً لما كانت بحاجتو، وإنو كانت بتحاول تكذب حالها بالأول عشان بتحب هالشخص بس خلص ستنفذت طاقتها، ووجعها من إنو حاسة تم استغلالها " .. غضب حقيقي مابيتصدق إنو يطلع من نفس الشخص المعطاء الخدوم البشوش اللي كل اللي عرفوها بيحلفوا بنقاء روحها ..
هالمعادلة بالنسبة إلي كانت .. "على قدر عطاءك غير المحدود، على قدر مرارة إحساسك بالظلم والمرارة لما ما تلاقي تقدير حقيقي للي كنت بتقدّمو بكل رضا.🖤"

🌵🌼

www.group-telegram.com/de/shaa_alhawa99.com/15978

394 viewsᙢᘮᕼᗩᙢᙢᕮᗪ, Mar 25, 2021 at 14:21

في ناس بطبعهن شخصيات معطاءة، لما بيحبوا بيقدموا من غير حساب ولا بيفكروا شو ح ياخدوا أو شو في بالمقابل ..
قليلين بس موجودين، وعادة العطاء هي بتكون مرتبطة بدرجة كبيرة من الحساسية بتئذيهن جداً أكتر من أي حدا غيرهن، يمكن لأن العطاء بيهذب نفس صاحبو وبيخليه أكتر رقة، بيكونوا قادرين يركزوا مع تفاصيل صغيرة بالنسبة لـ اللي بيتعاملوا معو غالباً بتكون تافهة، بسبب حساسيتهن ومشاعرن المرهفة بتكون نظرتن للأمور مختلفة شوي، وعلى قد الطيبة بيكون غضبن من اللي قدامهن غضب صادق وعميق وصعب يتراجعوا فيه، وبينقال عليهن أحياناً "بيّاعين" بس ماحدا بحاول يفهم اللي ورا التصميم هاد شو في أبعاد ..
" عندي رفيقة هيك، وعمري ما بنسى حرقة قلبها لما سألتها ليه بطّلت تحاكي شخص معين أنا بعرف انو كانو مقرّبين من بعض، كيف صارت تحكيلي كيف كانت بتحاول تضل جنب هالشخص، وكيف كانت تلاقي المقابل عكس هالشي تماماً لما كانت بحاجتو، وإنو كانت بتحاول تكذب حالها بالأول عشان بتحب هالشخص بس خلص ستنفذت طاقتها، ووجعها من إنو حاسة تم استغلالها " .. غضب حقيقي مابيتصدق إنو يطلع من نفس الشخص المعطاء الخدوم البشوش اللي كل اللي عرفوها بيحلفوا بنقاء روحها ..
هالمعادلة بالنسبة إلي كانت .. "على قدر عطاءك غير المحدود، على قدر مرارة إحساسك بالظلم والمرارة لما ما تلاقي تقدير حقيقي للي كنت بتقدّمو بكل رضا.🖤"

🌵🌼

BY ¥(🌌وَشٌٌَـــاءَ الـْـهَــوَىٰ🌌)¥