group-telegram.com/tealkramm/354
Last Update:
هوه اليحن ويفارك أعزازه
تلكا عدل بس صاير جنازه
فاركوني
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
جانو مثل نسمة هوه. لمن تمر عل ريه
يمي واحسهم موالي. بعيدين حيل أعليه
سدو مضايفهم هلي. ودلالهم مجفيه
ضاعت بعد ذيج الهله. البل سانهم يوميه
عدله أنه بس موتني فركاهم
ياهو اليجيني يريدني أنساهم
فاركوني
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
من يوم للطف كوطرو. وانه أنتظر بدموعي
كل ماشفت حافر فرس. توجعني حيل ضلوعي
وديارهم وحشه صفت. والحزن طفه أشموعي
وعل باب أتانيهم أضل. وأبقى أنتظر بدموعي
من تبقى وحدك عايش بغربه
مثل اليموت وسالفه أبقلبه
فاركوني
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
جانو هلي مثل العمر وعزاز كلش جانو
من تلكه روحك بل غرب وحباب قلبك شالو
انه العليله ياهلي وتكسرني كلمة راحو
من يسئل اعليكم بشر وين اهل بيتج صارو
تلجمني كلش جلمة اشلونج
موزينه كالة دمعة عيونج
فاركوني
_______
بل حايط ارسملي ظعن عايف وراه ابنيه
والوحشه تخنك ياهلي ودموعي تحجي البيه
عنكم يراودني حلم فزز جروحي شويه
ليليه اشوفلي ظعن شايل مره مسبيه
والغالي اشوفن منكطع نحره
وشفت الشمر كاعد على صدره
فاركوني
_______
ليش السمه مضيعه كمر والنجم طايح كله
ضعن الورد عوزه غصن معناه ماتت طفله
العلويه مومالت سبي والنوك جانت هزله
كثرن ترى جروح القلب ياجرح هسه انشله
ضل ياقلب تانيهم اهوايه
بلكت يردلك صاحب الرايه
فاركوني
________
محمود الساعدي
BY محمود الساعدي
Warning: Undefined variable $i in /var/www/group-telegram/post.php on line 260
Share with your friend now:
group-telegram.com/tealkramm/354