group-telegram.com/eltuz2022/32095
Last Update:
АЗИЗ НЕСИН: КАФАН ЎҒРИЛАРИ
Аввалги ҳукмдорлар шундай ўғри эдилар, шундай ўғрилар эди-ки, ҳатто қабрларни очиб, майитларининг кафанларини ўғирлашарди.
Лекин, ҳозирги ҳукмдорлар ўша кафан ўғирлаганлардан-да баттарроқ чиқдилар".
— Мен улар ишонган Худога ишонмайман. Уларнинг яратувчиси нафрат ва зулмдир.
— Бу миллат шайхсиз яшай оладими? бизникиларга негадир шайх жуда керак..
Илгари яхши ёмон шайхимиз бўлар эди; жуда яхши бузуқ эди. Бу миллат нонсиз яшаши мумкин, лекин шайхини изнисиз ётоқда хотини билан ҳам эркин ётолмайди.
— Жамият бемор! Ахлоқан бемор, фикрлашда бемор, ҳаракатланишда бемор.
— Иймонли миллатимиз виждонини сотган.
— Бизда "адолат" ва "ҳуррият" партия исмлари.
— "Муҳтарам куёвлар.."
Тарихимиз муҳтарам куёвларга жуда бой.
Қанчадан-қанча муҳтарам куёвлар етишиб чиққан юртимизда "муҳтарам куёвларимиз" номли китоб ёзилмагани, Туркия кутубхонасини чинакам камчилигидир.
— Бекорга ўзингизни қийнаманг! ...Мен бу оломонни жуда яхши биламан.
Сизни ҳам уларга президент қилишсин, сиз ҳам "кетай" демайсиз”.
— Мусулмонларнинг аксари шу фикрда: "Бу кашфиёт Қуръонда бор эди, Қуръонда ёзилган эди"... Хўп бор бўлса сизлар аҳмоқмисизлар?
Шунча асрдан бери ўқиётган китобларингдан, ўзларинг ҳеч нарса ярата олмайсизлар"!?
— Қўйсан деганда жаҳл қилган, қўчқорсан деганда севинган ғалати бир миллатмиз.
Хўш сенингча қўчқор қўйнинг эркаги эмасми, "олим одам!"
— Юртимда кундан-кун мусулмонлар кўпаймоқда.
Улар билан бир қаторда - ўғрилар, порахўрлар, мансаб ваколатларини суиистеъмол қилувчи амалдорлар, ожизни ҳаққини ейдиганлар ҳам ортмоқда.
— Мўътабар аёл, 9 ой қорнида, яна йиллар бағрида катта қилди. Ўғил эса салла ўраб, масжид минбарида сайрай бошлади: "Аёлларни ақли яримта, улар ожиза, дўзах аҳлининг аксари аёллардир".
— Бир кун келиб, мен халқим учун хат ёзиб, юзидан ўпиб кетаман.
"Шунчалар ширин ухлаб ётган эдингиз-ки, сизни уйғотишга кўзим қиймади, дейман.
— Бошлиғинг қул каби ишлашингни, оиланг улар хоҳлагандек одам бўлишингни, севгилинг ҳар доим ўзгаришингни истайди.
Ҳеч ким борингча қабул қилишни хоҳламайди.
Барча ўзи хаёл қилган ҳолида кўришни истайди.
Натижада эса сен умуман бошқа бир инсон бўласан...
Таржимон: Равшанбей Султон.
