group-telegram.com/D07804/196
Last Update:
............ .............
قصيده منبريه للامام علي عليه السلام
المستهل ......................................................
الدنيه صارت مظلمه.....مطرت ليومك دمه
خلافك تظل اليتامى محيره
علي لا ترحل يقالع خيبره
كوم ياحامي الحمه
.......................................................
منين ابدي والجرح ماله دوه
ياعلي خلافك احس ظاك الهوه
من طحت هالكون مولاي انطوه
الكمر ها لليله اظلم ما ضوه
شلون ترحل ياعلي ياهو من بعدك ولي
كوم يا حامي الحمه
..................................................
انهدمت اركان السمه من طيحتك
شلون دمك سال خضب هامتك
يا جبل حزنانه اجتك شيعتك
بجت حتى الكاع يوم مصيبتك
بطبرتك حار الطبيب كال فاركنه الحبيب
كوم يا حامي الحمه
.................................................
اسد ياحيدر علي صعبه طحت
تنعنت بدمع الحزن الايتام اجت
تهمل دموع وعلى مصابك بجت
تدري بالهم ياعلي خلافك بقت
ها يصكار الحرب تندفن حدر الترب
كوم ياحامي الحمه
......................................................
اليوم كل الدنيا خل تعلن حداد
خلها تلبس شيعتك ثوب السواد
اتشرف الصوم واخذ منك مراد
ريت سيف النذل بين جفوفه باد
دم لون نبجيلك والله ما نوفيلك
كوم يا حامي حمه
.......................................................
الشاعر داود العيساوي
نسألكم الدعاء
BY الشاعر داود العيساوي
Warning: Undefined variable $i in /var/www/group-telegram/post.php on line 260
Share with your friend now:
group-telegram.com/D07804/196